- Streptococcus pneumoniae, Haemophilus influenzae, Moraxella catarrhalis tomonidan chaqirilgan o‘tkir sinusit, o‘rta otit; - bakterial infeksiya bilan bog‘liq surunkali bronxitning zo‘rayishi (Staphylococcus aureus, Streptococcus pneumoniae, Haemophilus influenzae, Haemophilus parainfluenzae, Moraxella catarrhalis); - statsionardan tashqari pnevmoniya; - teri va yumshoq to‘qimalarning asoratsiz infeksiyalari (yengil va o‘rta og‘irlikda), shu jumladan abstsess, flegmona, furunkul, impetigo, piodermiya, yara infeksiyasi, Staphylococcus aureus yoki Streptococcus pyogenes tomonidan chaqirilgan; - siydik chiqarish yo‘llarining asoratsiz infeksiyalari (yengil va o‘rta og‘irlikda), Escherichia coli, Klebsiella pneumoniae, Staphilococcus saprophyticus tomonidan chaqirilgan; - siydik chiqarish yo‘llari va buyraklarning asoratli infeksiyalari (yengil va o‘rta og‘irlikda), Enterococcus faecalis, Enterobacter cloacae, Escherichia coli, Klebsiella pneumoniae, Proteus mirabilis, Pseudomonas aeruginosa tomonidan chaqirilgan; - urogenital xlamidioz, Chlamydia pneumoniae, Chlamydia psittaci, Chlamydia trachomatis tomonidan chaqirilgan; - o‘tkir pielonefrit (yengil va o‘rta og‘irlikda), Escherichia coli tomonidan chaqirilgan. 

 Ftorxinolonlar guruhiga mansub antimikrob preparat. Keng spektrli antibakterial (bakteritsid) ta'sirga ega. Preparat ko‘plab mikroorganizmlar shtammlariga nisbatan faol - aerob gram-musbat bakteriyalar Corynebacterium diphtheriae, Enterococcus faecalis, Listeria monocytogenes, Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Viridans group streptococci; - aerob gram-manfiy bakteriyalar Acinetobacter spp (shu jumladan Acinetobacter baumannii, Acinetobacter calcoaceticus, Acinetobacter anitratus), Actinobacilus actinomycetemcomitans, Bordetella pertussis, Citrobacter freundii, Citrobacter diversus, Eikenella corrodens, Enterobacter cloacae, Enterobacter aerogenes, Enterobacter agglomerans, Enterobacter sakazakii, Escherichia coli, Gardenella vaginalis, Haemophilus ducrey, Haemophilus influenzae, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, Morganella morganii, Neisseria gonorrhoeae, Neisseria meningitides, Pasteurella dagmatis, Pasteurella multocida, Proteus mirabilis, Proteus vulgaris, Providencia stuartii, Providencia retgeri, Pseudomonas aeruginosa, Pseudomonas fluorescens, Salmonella spp., Serratia spp.(shu jumladan Serratia marcescens); - anaerob gram-musbat bakteriyalar Clostridium perfringens, Peptostreptococcus, Propionibacterium spp.; - anaerob gram-manfiy bakteriyalar Bacteroides fragillis, Bartonella spp. Bifidobacterium spp., Fusobacterium spp., Veillonella spp.; - hujayra ichki parazitlari Chlamydia pneumoniae, Chlamydia psittaci, Chlamydia trachomatis, Mycoplasma pneumonia. 

 Fenbufen va unga o‘xshash nosteroid yallig‘lanishga qarshi vositalar, teofillin bilan birga qo‘llanganda preparat tutqanoq tayyorgarligi chegarasini pasaytirishi mumkin. Sukralfat, temir tuzlari va magniy yoki alyuminiy saqlovchi antatsid vositalar levofloksatsin ta’sirini kamaytiradi (preparatlarni qabul qilish oralig‘i kamida 2 soat bo‘lishi kerak). Varfarin bilan birga qo‘llanganda protrombin vaqti va qon ketish xavfi oshadi (MNO, protrombin vaqti va boshqa koagulyatsiya ko‘rsatkichlarini, shuningdek, qon ketish ehtimoli belgilarini diqqat bilan monitoring qilish zarur). Levofloksatsin chiqarilishi tsimetidin va probenetsid ta’sirida biroz sekinlashadi. Levofloksatsin qon plazmasidan siklosporin T1/2 ni biroz oshiradi. Glyukokortikoidlar paylarning uzilishi xavfini oshiradi (ayniqsa, keksalarda). Spirtli ichimliklar markaziy asab tizimi tomonidan nojo‘ya ta’sirlarni kuchaytirishi mumkin (bosh aylanishi, karaxtlik, uyquchanlik). Qandli diabet bilan kasallangan, og‘iz orqali gipoglikemik vositalar yoki insulin qabul qilayotgan bemorlarda levofloksatsin qabul qilish fonida gipoglikemik va giperglikemik holatlar bo‘lishi mumkin (qon glyukozasi darajasini diqqat bilan monitoring qilish tavsiya etiladi). 

 Dori vositasi bilan davolanish vaqtida insolyatsiyadan saqlanish kerak. Levofloksatsin qabul qilayotgan bemorlarga kristalluriya rivojlanishining oldini olish uchun yetarli miqdorda suyuqlik iste'mol qilish tavsiya etiladi. Levofloksatsin kapsulalarini 16 yoshgacha bo‘lgan bolalar va o‘smirlarni davolashda qo‘llash mumkin emas, chunki bo‘g‘im xaftagasining shikastlanishi ehtimoli mavjud. Avtomobil va potentsial xavfli mexanizmlarni boshqarish qobiliyatiga ta'siri: davolanish davrida bosh aylanishi, uyquchanlik, qattiqlik va ko‘rish buzilishi paydo bo‘lishi mumkinligi sababli, psixomotor reaksiyalar tezligining sekinlashuvi va diqqatni jamlash qobiliyatining pasayishi yuzaga kelishi mumkin, shu sababli avtomobil va potentsial xavfli mexanizmlarni boshqarishdan voz kechish kerak. Keksalar davolanishida ushbu guruh bemorlarida ko‘pincha buyrak funksiyasi buzilishi uchraydi, shuning uchun kreatinin klirensini tekshirish lozim. Miya shikastlanishi (insult yoki og‘ir jarohat) bo‘lgan bemorlarda tutqanoq rivojlanishi mumkinligi sababli ehtiyotkorlik bilan qo‘llash kerak. Qandli diabet bilan og‘rigan va bir vaqtda og‘iz orqali gipoglikemik vositalar (insulin yoki glibenklamid) qabul qilayotgan bemorlarda levofloksatsin gipoglikemiya chaqirishi mumkinligini hisobga olish kerak. Terining shikastlanishi (fotosensibilizatsiya) oldini olish uchun bemorlarga quyosh yoki sun'iy ultrabinafsha nurlanishiga (masalan, uzoq vaqt to‘g‘ridan-to‘g‘ri quyosh nuri ostida bo‘lish yoki solyariyga borish) duchor bo‘lmaslik tavsiya etiladi, fototoksik ta'sirlar (terida toshma) paydo bo‘lsa, davolashni to‘xtatish kerak. Glyukoza-6-fosfatdegidrogenaza yetishmovchiligi bo‘lgan bemorlarda eritrotsitlar gemolizi rivojlanishi mumkin. Og‘ir, uzoq davom etuvchi diareya, qon aralash yoki aralashmasdan, paydo bo‘lsa, shifokorga xabar berish kerak. Diareya antibiotikoterapiya bilan bog‘liq enterokolit sababli bo‘lishi mumkin. Psevdomembranoz kolitdan shubhalanilganda, darhol dori vositasini bekor qilish va mos davolashni boshlash kerak. Bunday hollarda ichak motorikasini susaytiruvchi dori vositalarini qo‘llash mumkin emas. Keksalar tendinitga ko‘proq moyil. Levofloksatsin qo‘llanganda kamdan-kam uchraydigan tendinit (asosan, Axill to‘qimasining yallig‘lanishi) keksalarda paylarning uzilishi bilan kechishi mumkin. Tendinitdan shubhalanilganda, dori vositasini bekor qilish va zararlangan payni davolash, uni immobilizatsiya qilish kerak. Glyukokortikosteroidlar («kortizon preparatlari») bilan davolash, ehtimol, paylarning uzilishi xavfini oshiradi. Davolanish vaqtida spirtli ichimliklarni iste'mol qilishdan saqlanish kerak. Dori vositasini yaroqlilik muddati tugaganidan so‘ng qo‘llash mumkin emas va uni bolalar uchun yetib bo‘lmaydigan joyda saqlash kerak. 

 Simpomlari ongni chalkashishi, bosh aylanishi va tutqanoq xurujlari, ko'ngil aynishi, shilliq qavatlarning eroziyali shikastlanishlari. Davolash simptomatik terapiya (spetsifik antidoti yo'q), dializ yo'li bilan chiqarilmaydi.