Avval natriy kromoglikatning boshqa dori vositalari bilan nojo‘ya o‘zaro ta’siri qayd etilmagan.

Lekrolin® ko‘z tomchilari konservant sifatida benzalkoniy xloridni o‘z ichiga oladi va kontakt linzalar taqilganda ishlatilmasligi kerak. Ko‘z tomchilarini tomizishdan oldin kontakt linzalarni olib tashlash va preparat qo‘llanilgandan keyin kamida 15 daqiqadan so‘ng yana taqish kerak. Avtomobil va mexanik qurilmalarni boshqarish qobiliyatiga ta’siri Preparat qo‘llanilgandan so‘ng qisqa muddatli ko‘rishning xiralashuvi paydo bo‘lgan bemorlar ko‘z tomchilarini qo‘llaganidan so‘ng darhol avtomobil boshqarmasliklari va murakkab texnika, stanoklar yoki boshqa murakkab uskunalar bilan ishlamasliklari kerak. Flakon har bir ishlatishdan so‘ng yopilishi kerak. Pipetka uchini ko‘zga tekkizmaslik kerak. Preparat homiladorlik va emizish davrida ehtiyotkorlik bilan qo‘llanilishi kerak.

Hayvonlarda o‘tkazilgan tadqiqotlar natriy kromoglikatining mahalliy va tizimli toksikligi juda past ekanligini ko‘rsatadi. Uni mahalliy qo‘llashda dozani oshirib yuborish simptomlari ehtimoldan yiroq. Agar dozani oshirib yuborish simptomlari kuzatilsa, zarurat tug‘ilganda simptomatik davolash o‘tkazilishi kerak.