Sirop 30 mg/5 ml: 5 ml sirop quyidagilarni saqlaydi: 

faol modda: ambroksola gidroxlorid 30 mg; 

yordamchi moddalar: benzoy kislotasi, gidroksietilsellyuloza, sukraloza, «Qaymoqli qulupnay» xushbo‘y moddasi PHL-132200, «Vanil» xushbo‘y moddasi PHL-114481, tozalangan suv. 

Ko‘chirilishi qiyin bo‘lgan qovushqoq balg‘am paydo bo‘lishi bilan birga kechadigan o‘tkir va surunkali nafas yo‘llari kasalliklarini davolashda mukolitik terapiya uchun qo‘llaniladi. 

Ambroksolga yoki preparatning boshqa tarkibiy moddalariga yuqori sezuvchanlik (“Tarkibi” bo‘limiga qarang). 

2 yoshgacha bo‘lgan bolalarga qo‘llash mumkin emas. 

Katta yoshdagi patsiyentlar va 12 yoshdan katta yoshdagi bolalar: odatdagi doza dastlabki ikki-uch kun davomida kuniga uch mahal 5 ml siropni tashkil etadi (bu kuniga 90 mg ambroksola gidroxloridga to‘g‘ri keladi), so‘ngra esa kuniga ikki mahal 5 ml siropni tashkil etadi (bu kuniga 60 mg ambroksola gidroxloridga to‘g‘ri keladi). 

Katta yoshdagi patsiyentlar va 12 yoshdan katta yoshdagi bolalar uchun dozani kuniga ikki mahal 10 ml siropgacha (bu kuniga 120 mg ambroksola gidroxloridga to‘g‘ri keladi) oshirish orqali terapevtik samara kuchaytirilishi mumkin. 

6-12 yoshdagi bolalar: kuniga ikki-uch mahal 2,5 ml sirop (bu kuniga 30-45 mg ambroksola gidroxloridga to‘g‘ri keladi). 

2-5 yoshdagi bolalar: kuniga uch mahal 1,25 ml sirop (bu kuniga 22,5 mg ambroksola gidroxloridga to‘g‘ri keladi). 

2 yoshgacha bo‘lgan bolalar: ushbu dori preparati 2 yoshgacha bo‘lgan bolalarda qo‘llanilishi mumkin emas. 

 

Shifokorning kuzatuvi ostida LAZOLVAN® qo‘llanilish muddati cheklanmagan. Shifokor bilan maslahatlashilmay 4-5 kundan ko‘proq qo‘llanilishi tavsiya etilmaydi. 

LAZOLVAN® siropi ovqatlanishdan qat’i nazar qo‘llaniladi va o‘ramdagi o‘lchov stakanchasi yordamida dozalanadi. 

LAZOLVAN® siropi qandli diabet kasalligi bo‘lgan patsiyentlarga qo‘llanilishi mumkin, 5 ml sirop 0 XE ga ekvivalentdir. 

LAZOLVAN® siropi spirtni saqlamaydi. 

Dori preparati noxush reaksiyalari rivojlanishining takrorlanish tezligini baholash mezonlari tizim-a’zo sinfi bo‘yicha bo‘lingan xalqaro noxush reaksiyalar ro‘yxatiga (MedDRA system) asosan tasniflangan: juda tez-tez (≥ 1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000); takrorlanish tezligi noma’lum (mavjud ma’lumotlar asosida aniqlash mumkin emas): 

Immun tizim tomonidan buzilishlar 

Kam hollarda: o‘ta yuqori sezuvchanlik reaksiyalari. 

Tez-tezligi noma’lum: anafilaktik reaksiyalar, shu jumladan anafilaktik shok, angionevrotik shish va qichishish. 

Nerv tizimi tomonidan buzilishlar 

Tez-tez: disgevziya (ta’m sezish qobiliyatining buzilishi). 

Nafas olish tizimi, ko‘krak qafasi va ko‘ks oralig‘i a’zolari tomonidan buzilishlar 

Tez-tez: tomoq gipesteziyasi. 

Tez-tezligi noma’lum: hansirash (o‘ta yuqori sezuvchanlik reaksiyasi kabi). 

Me’da-ichak yo‘llari tomonidan buzilishlar 

Tez-tez: ko‘ngil aynishi, og‘iz shilliq bo‘shlig‘ida sezuvchanlik pasayishi. 

Tez-tez emas: qayt qilish, diareya, dispepsiya, qorindagi og‘riq, og‘iz qurishi. 

Kam hollarda: tomoq qurishi. 

Juda kam hollarda: gipersalivatsiya. 

Teri va teriosti biriktiruvchi to‘qimalar tomonidan buzilishlar 

Kam hollarda: toshma, eshakemi. 

Tez-tezligi noma’lum: og‘ir darajali teri reaksiyalari (shu jumladan, multiformli eritema, Stivens-Djonson sindromi, toksik epidermal nekroliz, o‘tkir darajali generalizatsiyalangan ekzantematoz pustulez). 

Umumiy kasalliklar va dori yuborilgan joydagi reaksiyalar 

Tez-tez emas: isitmalash, shilliq pardalar tomonidan reaksiyalar. 

Noxush reaksiyalar to‘g‘risida xabar 

Dori preparati “foyda – xavf” nisbatining uzluksiz monitoringini ta’minlash maqsadida dori preparati ro‘yxatdan o‘tkazilganidan so‘ng taxmin qilingan noxush reaksiyalar to‘g‘risida ma’lum qilish muhimdir. Tibbiyot xodimlariga dori preparatlarining noxush reaksiyalari va samarasizligi to‘g‘risidagi ma’lumotlar milliy tizimlari orqali dori preparatining barcha taxmin qilingan noxush reaksiyalari to‘g‘risida ma’lum qilish tavsiya etiladi. Agar patsiyentda biron-bir noxush reaksiyalar paydo bo‘lsa, unga shifokor bilan maslahatlashish tavsiya etiladi. Ushbu tavsiya har qanday noxush reaksiyalar, shu jumladan preparat qo‘llanilishiga doir yo‘riqnomada qayd etilmagan noxush reaksiyalar ehtimollari uchun ham joriy qilinadi. Siz dori preparatlarining noxush reaksiyalari (ta’sirlari) bo‘yicha ma’lumotlar axborot bazasiga noxush reaksiyalar, shu jumladan dori preparatlarining samarasizligi to‘g‘risida ham ma’lum qilishingiz mumkin. Noxush reaksiyalar to‘g‘risida ma’lum qilish orqali Siz preparatning xavfsizligi to‘g‘risida ko‘proq ma’lumotlar olishga yordam berasiz. 

Farmakodinamikasi 

Klinik oldi tadqiqotlarda LAZOLVAN®ning faol moddasi ambroksola gidroxlorid nafas yo‘llarida sekretsiyani oshirishi, o‘pka surfaktanti sintezini kuchaytirishi va siliar faollikni rag‘batlantirishi isbotlangan. Shuningdek, u bronxiollardagi alveollar va Klar hujayralarida joylashgan ІІ tur pnevmotsitlariga bevosita ta’sir etish natijasida sirtqi-faol moddalar sekretsiyasini oshiradi, shu bilan birga xilpillovchi epiteliy faolligini rag‘batlantiradi. Qayd etilgan ta’sirlar balg‘am qovushqoqligi kamayishini va uning chiqarilishi yaxshilanishini (mukotsiliar klirens) chaqiradi. Mukotsiliar klirensning yaxshilanishi klinik farmakologik tadqiqotlarda namoyish qilingan. Balg‘amning seroz komponenti sekretsiyasi ko‘payishi va mukotsiliar klirensning kuchayishi balg‘am ko‘chirilishiga ko‘maklashadi va yo‘talni yengillashtiradi. Bundan tashqari, surunkali bronxit va/yoki surunkali o‘pka obstruktiv kasalliklari bo‘lgan patsiyentlarda kasallik zo‘rayishlari soni kamayadi. 

LAZOLVAN® 75 mg ta’sir muddati uzaytirilgan kapsulalarni 6 oy davomida qabul qilgan surunkali o‘pka obstruktiv kasalliklari bo‘lgan patsiyentlarda davolashning ikkinchi oyi oxiriga kelib platseboga nisbatan kasallik zo‘rayishlarining shubhasiz kamayishi qayd etilgan. LAZOLVAN® guruhidagi patsiyentlarda kasallik kunlari sonining shubhasiz kamayishi va antibakterial preparatlarni qabul qilish kunlari sonining kamayishi kuzatilgan. Shuningdek, LAZOLVAN® guruhida platseboga nisbatan balg‘am ko‘chirilishi qiyinlashishi, yo‘tal, hansirash va auskultativ simptomlar kabi baholangan simptomlarning statistik ahamiyatli yaxshilanishi kuzatilgan. 

Ambroksola gidroxloridning mahalliy og‘riqsizlantiruvchi ta’siri quyon ko‘zi modelida o‘tkazilgan tadqiqotlarda kuzatilgan va bu preparat tomonidan natriy kanallarining blokirovka qilinishi bilan bog‘liq bo‘lishi mumkin. In vitro sharoit tadqiqotlarida preparat qaytariluvchan va neyron natriy kanallarini dozaga bog‘liq blokirovka qilishi isbotlangan. 

In vitro sharoit tadqiqotlarida ambroksola gidroxloridning yallig‘lanishga qarshi ta’sirga egaligi aniqlangan. In vitro sharoit tadqiqotlarida ambroksola gidroxlorid aylanuvchi va to‘qimalar mononuklear va polimorfnoyader hujayralaridan sitokinlar bo‘shatilishini sezilarli darajada kamaytirgan. 

Tomoq og‘rig‘i bo‘lgan patsiyentlarda o‘tkazilgan klinik tadqiqotlar shimish uchun 20 mg tabletkalar shaklidagi ambroksola gidroxlorid tomoqdagi og‘riq va qizarishning sezilarli darajada kamayishini namoyish etgan. 

Ushbu farmakologik xususiyatlar samaradorlikning klinik tadqiqotlarida olingan qo‘shimcha kuzatuvni, ya’ni ambroksolning ingalyatsiyasi nafas yo‘llari yuqori bo‘limlari kasalliklarini davolash vaqtida og‘riq tezda yengillashishi ta’minlanishini tasdiqlaydi. 

Ambroksola gidroxloridning antibiotiklar (amoksitsillin, sefuroksim, eritromitsin va doksitsiklin) bilan bir vaqtda qo‘llanilishi o‘pka to‘qimasida antibiotiklar konsentratsiyasini oshiradi. Ushbu ta’sirning klinik ahamiyati to‘g‘risida ma’lumotlar yo‘q. 

In vitro sharoit va hayvonlar modellarida o‘tkazilgan tadqiqotlarda virusga qarshi xususiyatlar: 

Odam nafas olish yo‘llari epitelial hujayralarida in vitro sharoit tadqiqotlari o‘tkazilganida rinovirus (RV14) replikatsiyasi pasayishi qayd etilgan. Sichqonlarda tajriba modellarida tadqiqotlar o‘tkazilganida ambroksol bilan dastlabki ishlovdan so‘ng nafas yo‘llarida A gripp virusi replikatsiyasi pasayishi kuzatilgan. Ushbu ta’sirning klinik ahamiyati to‘g‘risida ma’lumotlar yo‘q. 

 

Farmakokinetikasi 

So‘rilishi 

Darhol bo‘shatilish oral shakllarining so‘rilishi yuqori va to‘liq bo‘lib, qon plazmasida maksimal konsentratsiyaga erishish vaqti – peroral qabul qilinganidan so‘ng 1-2,5 soat va sekin bo‘shatilish shakllari uchun 6,5 soat. 

30 mg tabletkaning maksimal biokiraolishligi 79% ga yaqinlashadi. 

Taqsimlanishi 

Ambroksola gidroxloridning qondan to‘qimalarga taqsimlanishi tez va yaqqol ifodalangan ravishda yuz beradi, bunda faol moddaning eng yuqori konsentratsiyasi o‘pkada aniqlanadi. Peroral qabul qilinganidan so‘ng taqsimlanish hajmi 552 l ni tashkil etadi. Qon plazmasi oqsillari bilan bog‘lanish – 90%, gematoensefalik to‘siq, platsentar to‘siq orqali o‘tadi, ko‘krak suti bilan ajraladi. 

Metabolizm va chiqarilishi 

Peroral dozaning taxminan 30% tizimoldi metabolizmi hisobiga chiqariladi. Ambroksol dastlab jigarda kon’yugatsiya hisobiga metabollanadi, dibromantranil kislotasini (taxminan 10% doza), glyukuron kon’yugatlari va bir necha ikkinchi darajali metabolitlarni paydo qiladi. Odam jigari mikrosomalari yuzasidan o‘tkazilgan tadqiqotlarda CYP3A4 ambroksol metabolizmi uchun javob beradigan predominant izoformani o‘z ichiga olishi isbotlangan. 

Ambroksol uch kunlik oral qabul qilinganida taxminan 6% doza erkin shaklda bo‘ladi va 26% doza kon’yugirlangan shaklga o‘tadi va siydik bilan chiqariladi. Yarim chiqarilish davri 10 soatni tashkil etadi. Umumiy klirens 660 ml/minut diapazonida bo‘ladi, buyrak klirensi umumiy klirensning taxminan 8% ta’minlaydi. 5 kundan keyin ambroksola gidroxloridning umumiy qabul qilingan (radioaktiv belgilangan) dozasidan taxminan 83% siydik bilan chiqarilishi isbotlangan. 

Patsiyentlarning alohida guruhlarida farmakokinetikasi. 

Dori preparati jigarda metabolizmga uchrashi va buyraklar orqali chiqarilishi tufayli og‘ir darajali buyrak funksiyasi buzilishi holatida jigarda paydo bo‘ladigan ambroksol metabolitlarining to‘planib qolishi yuz berishi mumkin. Jigar funksiyasi buzilishlari bo‘lgan patsiyentlarda ambroksola gidroxloridning chiqarilishi kamayadi, bu qon plazmasida uning darajasi 1,3–2 baravar oshishiga olib keladi. Ambroksolning keng terapevtik ta’siri tufayli dozaga tuzatish kiritish talab qilinmaydi. 

Tadqiqotlarda ambroksol farmakokinetikasi patsiyentlarning yoshi va jinsiga bog‘liq emasligi va shu tufayli dozani o‘zgartirish talab qilinmasligi namoyish etilgan. 

Ovqatlanish ambroksola gidroxloridning biokiraolishligiga ta’sir etmaydi. 

Klinik oldi xavfsizlik to‘g‘risida ma’lumotlar 

Ambroksola gidroxlorid o‘tkir darajali toksiklikning juda quyi ko‘rsatkichiga ega. 

Ko‘p martali dozalar ichga yuborilgan holda o‘tkazilgan tadqiqotlarda kuniga 150 mg/kg (sichqonlar – 4 hafta), kuniga 50 mg/kg (kalamushlar – 52 va 78 hafta), kuniga 40 mg/kg (quyonlar – 26 hafta) va kuniga 10 mg/kg (itlar – 52 hafta) kuzatiladigan noxush reaksiyalar (NOAELs) rivojlanishiga olib kelmaydigan maksimal dozalarga muvofiq bo‘lgan. Toksikologik tadqiqotlarda nishon a’zolar shikastlanishlari aniqlanmagan. 

Ambroksola gidroxlorid kalamushlarga kuniga 4, 16 va 64 mg/kg hamda itlarga kuniga 45, 90 va 120 mg/kg (infuziya kuniga 3 soat) ichga yuborilgan holda to‘rt hafta davomida o‘tkazilgan toksiklik tadqiqoti og‘ir darajali mahalliy va tizimli toksiklilikni, shu jumladan gistopatologiyani namoyish etmagan. Barcha noxush reaksiyalar qaytariluvchan bo‘lgan. 

Ambroksola gidroxlorid kalamushlarda kuniga 3000 mg/kg gacha va quyonlarda kuniga 200 mg/kg gacha peroral dozalarda o‘tkazilgan tadqiqotlarda embriotoksik xususiyatlarni ham, teratogen xususiyatlarni ham namoyish etmagan. Preparat kuniga 1500 mg/kg gacha dozalarda yuborilganida erkak va urg‘ochi kalamushlar fertilligi o‘zgarmagan. Perinatal va postnatal rivojlanish davrida NOAEL ko‘rsatkichi kuniga 50 mg/kg ni tashkil etgan. Kuniga 500 mg/kg dozada ambroksola gidroxlorid urg‘ochi kalamushlar va yangi tug‘ilgan bolalari uchun biroz toksiklikni namoyon etgan, bu tana vazni o‘sishi kechikishida va axlat o‘lchami kamayishida ifodalangan. In vitro (Eyms testi va xromosomali aberratsiyalar tahlili) va in vivo (sichqonlarda mikronuklear test) sharoit tajribalarida o‘tkazilgan genotoksik tadqiqotlar ambroksola gidroxloridning mutagenli potensialini namoyish etmagan. 

Ambroksola gidroxlorid sichqonlarda (kuniga 50, 200 va 800 mg/kg) va kalamushlarda (kuniga 65, 250 va 1000 mg/kg) kanserogenlik tadqiqotlarida preparat yem bilan qorishmada, tegishli ravishda, 105 va 116 hafta davomida yuborilganida onkogenli potensialini namoyish etmagan. 

Yo‘talga qarshi preparatlar bilan birga qo‘llanilishi yo‘tal kamayishi holatida balg‘am ko‘chishi qiyinlashishiga olib kelishi mumkin, shu tufayli faqat foyda/xavf nisbati puxta baholanganidan keyin buyurilishi mumkin. 

Ambroksol qabul qilayotgan patsiyentlarda ko‘p shaklli eritema, Stivens-Djonson sindromi, toksik epidermal nekroliz, o‘tkir darajali tarqalgan ekzantematoz pustulez kabi og‘ir darajali teri reaksiyalari rivojlanishi to‘g‘risida ma’lum qilingan. Agar teri reaksiyalarining rivojlanish simptomlari paydo bo‘lsa (ba’zan pufakchalar rivojlanishi va og‘iz, tomoq, burun, ko‘z, genitaliy shilliq pardalari shikastlanishi bilan bog‘liq), dori preparati qo‘llanilishini darhol to‘xtatish va tezda shifokorga murojaat qilish kerak. 

Buyrak funksiyasi buzilishi yoki og‘ir darajali jigar funksiyasi buzilishida LAZOLVAN® faqat shifokor bilan maslahatlashilgandan so‘ng qo‘llanilishi kerak. Dori preparati jigarda metabolizmga uchraydi va buyraklar orqali chiqarilishi tufayli og‘ir darajali buyrak funksiyasi buzilishi holatida ambroksol metabolitlarining jigarda to‘planib qolishi yuzaga kelishi mumkin. 

Bronxlar motorikasi buzilishi bo‘lgan va ko‘p bronxial sekretli patsiyentlarga (masalan, kamdan-kam uchraydigan dastlabki siliar diskineziya sindromida), LAZOLVAN® balg‘am to‘planib qolishi xavfi tufayli ehtiyotkorlik bilan qo‘llanilishi kerak. 

Homiladorlik va laktatsiya davrida qo‘llanilishi 

Homiladorlik 

Ambroksola gidroxlorid platsentar to‘siq orqali o‘tadi. Hayvonlarda o‘tkazilgan tadqiqotlarda homiladorlik kechishiga, embrional / fetal rivojlanishga, tug‘ishga yoki postnatal rivojlanishga bevosita yoki bilvosita salbiy ta’sirlar aniqlanmagan. 28 haftalik homiladorlikdan kechroq muddatlarda preparat qo‘llanilishi keng klinik tadqiqotida homilaga hech qanday salbiy ta’sir dalil-isbotlari aniqlanmagan. Shunga qaramay, homiladorlik vaqtida har qanday dori preparatining qo‘llanilishiga tegishli odatdagi ehtiyotkorlik choralariga rioya qilish tavsiya etiladi. Ayniqsa, homiladorlikning birinchi uch oyligi vaqtida LAZOLVAN® qo‘llanilishi tavsiya etilmaydi. 

Ko‘krakdan emizish davri 

Hayvonlarda o‘tkazilgan tadqiqotlarda isbotlanganidek, ambroksol organizmdan ko‘krak suti bilan chiqariladi. Ko‘krak bilan emizish davrida qo‘llanishi tavsiya etilmaydi. 

Fertillik 

Hayvonlarda o‘tkazilgan tadqiqotlarda fertillikka bevosita yoki bilvosita salbiy ta’sir aniqlanmagan. 

Avtomobilni va murakkab mexanizmlarni boshqarish qobiliyatiga ta’siri 

Transport vositasini boshqarish yoki boshqa mexanizmlardan foydalanish qobiliyatiga ta’sir etgan holatlar to‘g‘risida ma’lumotlar yo‘q. Tegishli tadqiqotlar o‘tkazilmagan. 

Odamda dozani oshirib yuborish simptomlari qayd etilmagan. Tasodifan doza oshirib yuborilgan va/yoki tibbiy xatoliklar holatida, kuzatiladigan simptomlar LAZOLVAN® tavsiya etilgan dozalarda qo‘llanilganida uning ma’lum noxush reaksiyalariga muvofiq ekanligi ma’lum qilingan va ularni bartaraf etish uchun simptomatik terapiya o‘tkazish talab qilinishi mumkin. 

Sirop 15 mg/5 ml yoki 30 mg/5 ml to‘q shishadan tayyorlangan flakonda 100 ml dan, ichidan polietilen plyonka va dastlabki ochish nazorat qilinadigan plastik qopqoq bilan yopilgan, kartonli qutida o‘lchov stakanchasi va tibbiyotda qo‘llanilishga doir yo‘riqnoma bilan birga joylashtirilgan. 

30°C dan yuqori bo‘lmagan haroratda saqlansin, muzlatilmasin. 

Bolalar ololmaydigan joyda saqlansin. 

3 yil. 

O‘ramda qayd etilgan yaroqlilik muddati tugaganidan so‘ng qo‘llanilmasin.