Sirop - 5 ml: Faol modda: ambroksol gidroxlorid - 15 mg; Yordamchi modda: benzoy kislotasi - 8,5 mg, gietelloza (gidroksietilsellyuloza) - 10 mg, kaliy atsesulfam - 5 mg, suyuq sorbitol (nekristallanuvchi) - 1,75 g, glitserol 85% - 750 mg, o‘rmon mevasi aromatizatori PHL-132195 - 11 mg, vanil aromatizatori 201629 - 3 mg, tozalangan suv - 3,0475 g. 100 yoki 200 ml - bolalar uchun xavfsiz, plastik burama qopqoqli, birinchi ochilish nazorati bilan, qahrabo yoki jigarrang shisha flakonlarda (1) o‘lchov stakanchasi bilan birga - karton qutilarda.

O‘tkir va surunkali nafas yo‘llari kasalliklari, quyuq balg‘am ajralishi bilan kechadigan: o‘tkir va surunkali bronxit; pnevmoniya; XOBL; balg‘am ajralishi qiyin bo‘lgan bronxial astma; bronxoektatik kasallik.

Homiladorlikning I trimestri; laktatsiya davri; mevalar shakariga nisbatan kam uchraydigan irsiy toqat qilmaslik; ambroksol yoki preparatning boshqa komponentlariga yuqori sezuvchanlik. Lazolvan® preparatini homiladorlik davrida (II va III trimestrlar), buyrak va/yoki jigar yetishmovchiligida ehtiyotkorlik bilan qo'llash kerak.

Preparat og‘iz orqali, ovqat qabul qilishdan qat’i nazar, qo‘llaniladi. Kattalar va 12 yoshdan katta bolalarga 10 ml 3 marta/kun; 6 yoshdan 12 yoshgacha bo‘lgan bolalarga 5 ml 2-3 marta/kun; 2 yoshdan 6 yoshgacha bo‘lgan bolalarga 2,5 ml 3 marta/kun; 2 yoshgacha bo‘lgan bolalarga 2,5 ml 2 marta/kun buyuriladi. Agar preparatni qo‘llash boshlanganidan 4-5 kun o‘tgach kasallik simptomlari saqlanib qolsa, shifokorga murojaat qilish kerak.

Ovqat hazm qilish tizimi tomonidan: tez-tez (1-10%) - ko‘ngil aynishi, og‘iz bo‘shlig‘i va halqumda sezuvchanlikning pasayishi; kamdan-kam (0,1-1%) - dispepsiya, qusish, diareya, qorin og‘rig‘i, og‘iz qurishi; juda kam (0,01-0,1%) - halqum qurishi. Nerv tizimi tomonidan: tez-tez (1-10%) - disgevziya (ta’m sezish buzilishi). Allergik reaksiyalar: juda kam (0,01-0,1%) - toshma, eshakemi, anafilaktik reaksiyalar (anafilaktik shokni o‘z ichiga oladi)*, angionevrotik shish*, qichishish*, gipersensitivlik*.

Tadqiqotlarda ambroksol nafas yo'llarida sekretsiyani oshirishi ko'rsatilgan. O'pka surfaktantini ishlab chiqarishni kuchaytiradi va siliyar faoliyatni rag'batlantiradi. Ushbu ta'sirlar shilliq oqimi va transportini (mukotsiliyar klirens) kuchaytiradi. Mukotsiliyar klirensning kuchayishi balg'am ajralishini yaxshilaydi va yo'talni yengillashtiradi. XOBL bo'lgan bemorlarda Lazolvan® preparati bilan uzoq muddatli davolash (kamida 2 oy davomida) zo'rayishlar sonining sezilarli kamayishiga olib kelgan. Zo'rayishlar davomiyligi va antibiotikoterapiya kunlari sonining ishonchli kamayishi qayd etilgan.

Boshqa dori vositalari bilan klinik jihatdan ahamiyatli nojo‘ya o‘zaro ta’sirlar haqida xabar berilmagan. Ambroksol amoksitsillin, tsefuroksim, eritromitsin bronxial sekretsiyaga kirib borishini oshiradi.

Lazolvan® siropini balg‘amni chiqarishni qiyinlashtiradigan yo‘talga qarshi vositalar bilan birga qo‘llash tavsiya etilmaydi. Ambroksol gidroxlorid kabi balg‘am ko‘chiruvchi preparatlarni qo‘llash bilan bir vaqtda Stivens-Djonson sindromi va toksik epidermal nekroliz kabi terining og‘ir shikastlanishlari haqida alohida xabarlar mavjud. Ko‘pchilik hollarda bu holatlar asosiy kasallikning og‘irligi va/yoki birga olib borilayotgan terapiya bilan izohlanadi. Stivens-Djonson sindromi yoki toksik epidermal nekroliz bilan kasallangan bemorlarda erta bosqichda harorat, tana og‘rig‘i, rinit, yo‘tal va tomoq og‘rig‘i paydo bo‘lishi mumkin. Simptomatik davolashda shamollashga qarshi vositalarni noto‘g‘ri buyurish ehtimoli mavjud. Terining va shilliq qavatlarning yangi shikastlanishlari rivojlanganida, bemor ambroksol bilan davolashni to‘xtatishi va darhol tibbiy yordamga murojaat qilishi kerak. Lazolvan® siropi (15 mg/5 ml) maksimal tavsiya etilgan sutkalik doza (30 ml) hisobiga 10,5 g sorbitol saqlaydi. Fruktozani kam uchraydigan irsiy o‘zlashtira olmaslikka ega bo‘lgan bemorlarga ushbu preparatni qabul qilish tavsiya etilmaydi. Buyrak funksiyasi buzilgan hollarda Lazolvan® faqat shifokor ko‘rsatmasi bo‘yicha qo‘llanilishi kerak. Avtotransport vositalarini boshqarish va mexanizmlarni boshqarish qobiliyatiga ta’siri Preparatning transport vositalarini va mexanizmlarni boshqarish qobiliyatiga ta’siri holatlari aniqlanmagan. Preparatning avtotransport vositalarini boshqarish va diqqatni yuqori jamlash hamda tez psixomotor reaksiyalarni talab qiladigan boshqa potensial xavfli faoliyat turlari bilan shug‘ullanish qobiliyatiga ta’siri bo‘yicha tadqiqotlar o‘tkazilmagan.

Insonda dozani oshirib yuborishning aniq simptomlari tavsiflanmagan. Lazolvan® preparatining ma’lum nojo‘ya ta’sirlarining simptomlari: ko‘ngil aynishi, dispepsiya, diareya, qusish, qorin og‘rig‘i kuzatilgan tasodifiy dozani oshirib yuborish va/yoki tibbiy xatoliklar haqida xabarlar mavjud. Davolash: preparatni qabul qilgandan keyin dastlabki 1-2 soat ichida sun’iy qusdirish, oshqozonni yuvish, simptomatik terapiya o‘tkazish.