Monoterapiya sifatida va kompleks terapiya tarkibida
- har qanday etiologiyadagi ichak disfunktsiyasi
- ichak disbakteriozi uzoq muddatli antibakterial, gormonal, nurlanish va boshqa terapiyadan so'ng, o'tkazilgan ichak infeksiyasidan keyin
- yangi tug'ilgan chaqaloqlarda, shu jumladan muddatidan oldin tug'ilganlarda, og'ir premorbid fon (raxit, anemiya, sun'iy oziqlantirish) bilan birga ichak disfunktsiyasi yoki disbakteriozi
- turli etiologiyadagi surunkali kolitlar
- atopik dermatit
- ayollarning jinsiy sohasining noaniq yallig'lanish kasalliklari
- homilador ayollarda "xavf" guruhidagi qin (jinsiy yo'llar) disbiozi (vaginal sekretsiya tozaligining III-IV darajasi buzilishi) 

 Laktobakterin ichak kasalliklarida ichga, akusherlik-ginekologik amaliyotda esa intravaginal qo'llaniladi.
Flakon tarkibini xona haroratidagi qaynatilgan suvda 1 doza preparatga 5 ml (choy qoshiq) suv hisobida eritiladi.
Eritish quyidagicha amalga oshiriladi: stakanga flakonda ko'rsatilgan doza miqdoriga mos suv quyiladi; flakon ochiladi, qopqoq va probka olib tashlanadi; stakandan flakonga oz miqdorda suv quyiladi; eritilgandan so'ng (preparat 5 daqiqadan ko'p bo'lmagan vaqtda bir jinsli oqish-sariq yoki sarg'ish-bej rangli suspenziya hosil qiladi) flakon tarkibi yana shu stakanga quyiladi va aralashtiriladi. Shu tarzda eritilgan preparatning bir choy qoshiq miqdori 1 doza hisoblanadi. Eritilgan preparat saqlashga yaroqsiz.
Zarur doza miqdori (mos ravishda choy qoshiq) ovqatdan 40-60 daqiqa oldin qabul qilinadi va iloji boricha sut bilan ichiladi. Emizikli bolalarga preparatni to'g'ridan-to'g'ri emizishdan oldin berish mumkin. Davolash vitaminlar qabul qilish bilan birga olib borilishi tavsiya etiladi.
Kattalar va 12 yoshdan katta bolalarga preparatni kuniga 2-3 marta 5 dozadan qabul qilish tavsiya etiladi.
Maksimal bir martalik doza – 5 doza. Maksimal sutkalik doza – 15 doza.
Bolalarda ichak disbakteriozida preparat tug'ilgan kundan boshlab quyidagi sxema bo'yicha qo'llaniladi:
- birinchi yarim yillikda – 1 qabulga 3 doza kuniga 2 marta;
- ikkinchi yarim yillikda – 1 qabulga 3 doza kuniga 3 marta;
- 1 yoshdan 3 yoshgacha – 1 qabulga 5 doza kuniga 2 marta;
- 3 yoshdan 6 yoshgacha – 1 qabulga 5 doza kuniga 2-3 marta;
- 6 yoshdan 12 yoshgacha – 1 qabulga 5 doza kuniga 2-3 marta.
Maksimal bir martalik doza – 5 doza. Maksimal sutkalik doza – 15 doza.
Davolash kursining davomiyligi klinik manzaraning og'irligi, bakteriologik va boshqa tekshiruv natijalari, bemorning yoshi bilan belgilanadi va quyidagicha:
- turli etiologiyali disfunktsiya va disbakteriozlarda – 3-4 hafta;
- surunkali va uzoq davom etuvchi dizenteriya, postdizenterik kolit, OXI dan keyingi rekonvalestsentlarni davolashda, shuningdek, aniqlanmagan etiologiyali uzoq davom etuvchi ichak disfunktsiyasida – kamida 4-6 hafta;
- noaniq yarali kolit, shuningdek, surunkali kolit va enterokolitlarda – 2 oygacha.
Agar preparatni 2 hafta davomida qo'llashda ta'sir bo'lmasa, me'da-ichak trakti mikroflorasini qayta tekshirish va natijaga qarab boshqa preparatlar bilan tuzatish zarur.
Olingan klinik ta'sirni mustahkamlash yoki davolash kursi tugagandan so'ng mikroflora to'liq normallashmagan hollarda, qaytalanib turadigan kasalliklarda, davolash kurslarini takrorlash maqsadga muvofiq. Bunday hollarda preparat buyurishdan oldin mikroflorani qayta tekshirish zarur. Preparatning qo'llab-quvvatlovchi dozasi (sutkalik dozaning yarmi) 2-3 haftadan so'ng 1-1,5 oy davomida buyuriladi.
Atopik dermatitda, har qanday etiologiyali kasalliklar bilan zaiflashgan bolalarga preparat 1 qabulga 5 doza kuniga 2 marta buyuriladi.
Ayollarning jinsiy soha yallig'lanish kasalliklarida va homiladorlikka tayyorlanayotgan "xavf" guruhidagi homilador ayollarga preparat quyidagicha buyuriladi:
- ayollarning jinsiy soha yallig'lanish kasalliklarida – 5 doza kuniga 2 marta intravaginal 10-12 kun davomida, hayz siklining 10-12 kunidan boshlab.
- "xavf" guruhidagi homilador ayollarni tug'ruqqa tayyorlash uchun – 5 doza kuniga 1 marta intravaginal 5-8 kun davomida.
Intravaginal qo'llashda steril tampon preparat (5 doza) 10 ml suvda eritilib shimdiriladi va 2-3 soatga qin ichiga qo'yiladi. Davolash vaginal sekret tozaligini I-II darajagacha tiklash, yallig'lanish klinik simptomlari yo'qolishi va laborator tasdiqlangunga qadar olib boriladi. 

 Laktobakteriyalarning yuqori antibiotiklarga chidamliligi tufayli laktobakterin quruqni antibiotikoterapiyada qo'llash mumkin. Shu bilan birga, antibiotiklar va kimyoterapevtik preparatlar bilan birga qabul qilinganda preparatning terapevtik samaradorligi kamayishi mumkin. Laktobakterin vitaminlar (ayniqsa B guruhi) bilan birga qo'llanganda preparatning ta'siri kuchayadi. 

 Qadoqlanish yaxlitligi buzilgan (yoriq flakonlar), markirovkasiz, fizik xossalari o‘zgargan (rangi o‘zgargan, biomassa burishgan), begona aralashmalar mavjud bo‘lgan preparatni qo‘llash mumkin emas.
Preparatni suyultirish uchun 40 °S dan yuqori haroratdagi suvni ishlatmang va uni suyultirilgan holda saqlamang.
Pediatriyada qo‘llanilishi
Bola (shu jumladan muddatidan oldin tug‘ilgan)larga preparatni hayotining birinchi kunlaridan boshlab qo‘llash mumkin.
Homiladorlik va laktatsiya davri
Qo‘llashga qarshi ko‘rsatma emas.
Dori vositasining transport vositasini yoki potensial xavfli mexanizmlarni boshqarish qobiliyatiga ta’sir qilish xususiyati
Ta’sir qilmaydi.