preparat komponentlariga yuqori sezuvchanlik.

2 yoshgacha bo‘lgan bolalarga ovqatdan oldin kuniga 1 kapsuladan buyuriladi. Kapsula tarkibini oz miqdorda suyuqlik (sharbat, shakarli suv) bilan aralashtirib beriladi.

2-12 yoshli bolalarga ovqatdan oldin kuniga 1-2 kapsuladan, oz miqdorda suyuqlik bilan ichiladi. Agar bola kapsulani yuta olmasa, 2 yoshgacha bo‘lgan bolalardagi kabi harakat qilinadi.

Kattalar va 12 yoshdan katta bolalarga ovqatdan oldin kuniga 2-3 kapsuladan, oz miqdorda suyuqlik bilan ichiladi.

Davolash davomiyligi disbakterioz rivojlanish sababi va organizmning individual xususiyatlariga bog‘liq. Davolash kursi odatda 2-4 hafta davom etadi.

Preparat yaxshi o‘zlashtiriladi, tavsiya etilgan dozalarda qo‘llanganda nojo‘ya ta’sirlar kuzatilmagan.

Preparat tarkibiga kiruvchi sut kislotali bakteriyalar ichak mikroflorasining fiziologik muvozanatini qo‘llab-quvvatlaydi va tiklaydi. Bifidobakteriyalar va laktobatsillalar sut va sirka kislotasini ishlab chiqarib, patogen mikroorganizmlarning ko‘payishi va hayot faoliyati uchun noqulay sharoit yaratadi; ovqat hazm qilish jarayonida va vitaminlar (V1, V2, V3, V6, V12, N, RR, foliy kislotasi, K va E) sintezida ishtirok etadi, elektrolit muvozanatini, oqsillar, fosfolipidlar, o‘t va yog‘ kislotalari, bilirubin, xolesterin almashinuvini tartibga soladi.

Tabiiy polisaxaridlar – fruktooligosaxaridlar ichak bakteriyalari – eubiotiklar ko‘payishi, kolonizatsiyasi va hayot faoliyati uchun yaxshi muhit yaratadi. Fruktooligosaxaridlar ovqat hazm qilish kislotalari ta’sirida parchalanmaydi va o‘zgarmagan holda ichakning pastki bo‘limiga yetib boradi.

Preparatni qo‘llash davrida spirtli ichimliklar qabul qilish tavsiya etilmaydi.

Preparatni bolalar ololmaydigan joyda saqlash va yaroqlilik muddati o‘tgach ishlatmaslik kerak.