Har bir flakon preparat quyidagilarni o‘z ichiga oladi:

faol modda: levokarnitin - 1,0 g yoki 2,0 g;

yordamchi modda: olma kislotasi, natriy benzoat, natriy saxarin, "Apelsin" aromatizatori, tozalangan suv.

 

 

 

L-Viava - metabolik jarayonlarni korreksiya qilish uchun preparat.

Levokarnitin - tabiiy modda, B guruhi vitaminlariga o‘xshash. Modda almashinuvi jarayonlarida yog‘ kislotalarini hujayra membranalari orqali sitoplazmadan mitoxondriyaga tashuvchi sifatida ishtirok etadi, bu yerda ushbu kislotalar β-oksidlanish jarayoniga uchrab, katta miqdorda energiya (ATF shaklida) hosil bo‘ladi. Koenzim A ni bo‘shatib, levokarnitin metabolitlarning Krebs sikliga kirishini kuchaytiradi. Shu mexanizm orqali u skelet mushaklarida piruvatdegidrogenaza faolligini va tarmoqlangan aminokislotalarning oksidlanishini stimulyatsiya qiladi. Preparat oqsil va yog‘ almashinuvini normallashtiradi, qonni ishqoriy zaxirasini tiklaydi, ketokislotalar va anaerob glikoliz hosil bo‘lishini bostiradi, laktatsidoz darajasini kamaytiradi, shuningdek, harakat faolligini oshiradi va jismoniy yuklamalarga bardoshlilikni oshiradi, shu bilan birga glikogenning tejamkor sarflanishiga va uning jigar zaxiralarining ko‘payishiga yordam beradi. 

 

L-Viavani qandli diabetli bemorlarga buyurish glyukozaning o‘zlashtirilishi yaxshilanishi natijasida gipoglikemiya rivojlanishiga olib kelishi mumkin. Shu munosabat bilan preparat qabul qilish davrida qon glyukozasi darajasini muntazam nazorat qilish va zarur bo‘lsa, gipoglikemik preparatlar va insulin dozasini tuzatish tavsiya etiladi.

Homiladorlik va laktatsiya davrida qo‘llanilishi

L-Viava homiladorlik va laktatsiya davrida faqat terapiyaning ona uchun kutilayotgan foydasi homila yoki chaqaloq uchun potensial xavfdan ustun bo‘lsa qo‘llanilishi mumkin.

Pediatriyada qo‘llanilishi

Preparat pediatrik amaliyotda qo‘llaniladi.

Preparatni bolalar uchun yaroqsiz joyda saqlash va yaroqlilik muddati tugaganidan so‘ng ishlatmaslik kerak.