Gamma-aminomoy kislota inson markaziy asab tizimining muhim mediatoridir, u markaziy tormozlanish jarayonlarida ishtirok etadi. Ginkgo Biloba ekstrakti arteriyalar spazmini oldini oladi, kapillyarlarning o'tkazuvchanligini kamaytiradi, ularning tonusini normallashtiradi, arterial, kapillyar va venoz oqimda ham miya, ham periferik qon aylanishining aniq oshishini chaqiradi; venalar va arteriyalarda xavfli quyqalar yoki tromblar hosil bo'lishiga moyillikni kamaytiradi. 5-gidroksitriptofan - o'simlik kelib chiqishidagi tabiiy "antidepressant" bo'lib, u aminokislotadir, miya ichida serotonin va melatonin sinteziga yordam beradi. Organizmga stress ta'sirini kamaytiradi (tashvish, depressiya, asabiylashish, tajovuzkorlik, befarqlik holati, vahima xurujlari, nevrozni bartaraf etadi). Vitamin V2 asab hujayralarida moddalar almashinuvini yaxshilaydi, qo'zg'aluvchanlikni kamaytiradi, stressni kamaytiradi, uyqu sikllarini normallashtiradi, asab tolalarining miyelin qobig'ini tiklanishini rag'batlantiradi. Vitamin V3 - asosiy ozuqa moddalari almashinuvda ishtirok etadi, natijada markaziy va periferik asab tizimining normal faoliyati ta'minlanadi. Vitamin V6 markaziy va periferik asab tizimining normal faoliyati uchun zarur. Vitamin V12 hujayra almashinuvda, asab funksiyasida muhim rol o'ynaydi, bosh miya glutamatning toksik ta'siridan himoya qiladi va miya qobig'ining yoshga bog'liq buzilish jarayonlarini sekinlashtiradi. Folat kislotasi miya to'g'ri faoliyati uchun hal qiluvchi ahamiyatga ega va ruhiy hamda emotsional salomatlikda muhim rol o'ynaydi.

1 tabletka tarkibida: Y-aminomoy kislota - 125 mg; Ginkgo Biloba ekstrakti - 120 mg; 5-gidroksitriptofan - 25 mg; Riboflavin - 2.4 mg; Nikotinat kislota - 18 mg; Piridoksin - 1.5 mg; Sianokobalamin - 1.5 mg; Folat kislotasi - 100 mkg.

Kretamin preparati quyidagi hollarda qo'llash uchun tavsiya etilishi mumkin: Xotira va kognitiv qobiliyatlarning yomonlashuvi. Energiya va diqqat darajasining pasayishi. Miya faoliyatini faollashtirish zarurati. Normal asab tizimini qo'llab-quvvatlash uchun.

Quyidagi hollarda Kretaminni qo‘llash tavsiya etilmaydi: Preparat tarkibiy qismlariga individual toqat qilmaslik. Buyrak va jigar kasalliklari mavjud bo‘lsa. Homiladorlik va laktatsiya davrida.

Og'iz orqali, ovqat paytida yoki ovqatdan keyin. 12 yoshdan boshlab bolalar va kattalarga o'rtacha darajadagi buzilishlarda kuniga 1 marta 1 tabletka, og'ir darajadagi buzilishlarda kuniga 2 marta 1 tabletka. Qabul qilish kursi 1-2 oy.