Spirtli ichimliklarni bir vaqtda iste'mol qilishdan saqlanish kerak.

Preparatni uzoq muddat qo'llash tavsiya etilmaydi, chunki preparatga qaramlik rivojlanishi mumkin.

Preparatni arterial gipotenziyada ehtiyotkorlik bilan buyurish kerak. 

 

Korvalol - tinchlantiruvchi va spazmolitik preparat bo‘lib, uning ta’siri tarkibiga kiruvchi komponentlar bilan belgilanadi.

α-bromizovalerian kislotasining etil efiri reflektor tinchlantiruvchi va spazmolitik ta’sir ko‘rsatadi, bu asosan og‘iz bo‘shlig‘i va burun-halqum retseptorlarini qo‘zg‘atish, markaziy asab tizimining markaziy bo‘limlarida reflektor qo‘zg‘aluvchanlikni pasaytirish va bosh miya po‘stlog‘i va po‘stloq osti tuzilmalaridagi neyronlarda tormozlanish hodisalarini kuchaytirish, shuningdek, markaziy tomir-harakat markazlari faolligini pasaytirish va tomirlarning silliq mushaklariga bevosita mahalliy spazmolitik ta’sir ko‘rsatish bilan bog‘liq.

Fenobarbital o‘rta va orqa miya retikulyar formattsiyasi markazlarining bosh miya po‘stlog‘iga faollashtiruvchi ta’sirini bostiradi, natijada bosh miya po‘stlog‘i va po‘stloq osti tuzilmalariga qo‘zg‘atuvchi ta’sirlar oqimi kamayadi. Faollashtiruvchi ta’sirlarning kamayishi dozasiga qarab tinchlantiruvchi, trankvilizator yoki uyqu keltiruvchi effektlarni yuzaga keltiradi. Korvalol tomir-harakat markazlariga, koronar va periferik tomirlarga qo‘zg‘atuvchi ta’sirlarni kamaytiradi, umumiy arterial bosimni pasaytiradi, tomir spazmlarini, ayniqsa yurak tomirlarining spazmlarini bartaraf etadi va oldini oladi.

Yalpiz moyi ko‘plab efir moylarini, jumladan taxminan 50 % mentol va 4-9 % mentol efirlarini o‘z ichiga oladi. Ular og‘iz bo‘shlig‘idagi “sovuq” retseptorlarni qo‘zg‘atishga va reflektor tarzda asosan yurak va miya tomirlarini kengaytirishga, silliq mushak spazmlarini bartaraf etishga, tinchlantiruvchi va yengil o‘t haydovchi ta’sir ko‘rsatishga qodir. Yalpiz moyi antiseptik, spazmolitik ta’sirga ega, meteorizm hodisalarini bartaraf etish xususiyatiga ega. Oshqozon va ichak shilliq qavati retseptorlarini qo‘zg‘atib, ichak peristaltikasini kuchaytiradi. 

 

Markaziy tormozlovchi ta'sirga ega preparatlar Korvalol-NGP ta'sirini kuchaytiradi.

Preparat tarkibida fenobarbital mavjudligi jigar fermentlarini induktsiyalashi mumkin va bu uni jigarda metabolizmga uchraydigan dori vositalari (kumarin hosilalari, grizeofulvin, glyukokortikoidlar, og'iz orqali qabul qilinadigan kontratseptivlar) bilan bir vaqtda qo'llashni nojo'ya qiladi, chunki ularning samaradorligi metabolizm darajasining oshishi natijasida kamayadi.

Korvalol-NGP mahalliy anesteziklar, og'riq qoldiruvchi va uyqu dorilarining ta'sirini kuchaytiradi, bu barbitur kislotasi hosilalari tarkibida mavjudligi bilan bog'liq.

Valproat kislotasi bilan bir vaqtda qo'llanganda uning ta'siri kuchayadi.

Metotreksat bilan bir vaqtda qo'llanganda uning toksik ta'siri kuchayadi.

Alkogol preparatning ta'siri va uning toksikligini kuchaytiradi. 

 

Preparatni tez-tez yoki uzoq muddat qo'llashda, uning tarkibiy qismlarining kumulyatsiyasi bilan bog'liq ravishda, dozani oshirib yuborish mumkin. Uzoq va doimiy qo'llash qaramlik, abstinent sindrom, psixomotor qo'zg'alish chaqiradi. Preparatni to'satdan to'xtatib qo'yish bekor qilish sindromini chaqirishi mumkin.

Dozani oshirib yuborish simptomlari: markaziy asab tizimi tormozlanishi, ongning chalkashishi, bosh aylanishi, ataksiya, uyquchanlik, chuqur uyqugacha. Og'ir zaharlanish holatlarida - nafas olish buzilishi, taxikardiya, aritmiyalar, arterial bosimning pasayishi, kollaps, koma.

Davolash: simptomatik. 

 

Dori vositasining transport vositalarini yoki potentsial xavfli mexanizmlarni boshqarish qobiliyatiga ta'siri

Preparat 58 ob.% alkogol va shuningdek, fenobarbitalni o'z ichiga oladi, bu esa koordinatsiya va psixomotor reaksiyalar tezligini buzishi mumkin, shuning uchun preparatni qabul qilishda mexanizmlar bilan ishlovchi shaxslar, avtomobil haydovchilari ehtiyot bo'lishlari kerak.