1 ampula tarkibida Faol modda kokarboksilaza gidroxlorid – 50,0 mg; Yordamchi modda natriy uglekislotasi – 8,0 mg.

Kokarboksilaza jigar va buyrak yetishmovchiligi, diabetik prekom va koma, diabetik ketoatsidoz, surunkali yurak yetishmovchiligi va yurak ritmi buzilishlari, periferik nevritlarda kompleks terapiya tarkibida buyuriladi. Bolalarga preparat xuddi shu ko‘rsatmalar bo‘yicha buyuriladi. Yangi tug‘ilgan bolalarda preparat, shuningdek, gipoksiya va atsidoz bilan kechuvchi holatlarda, jumladan yangi tug‘ilganlar asfiksiyasi, perinatal gipoksik ensefalopatiya, qon aylanish yetishmovchiligi, pnevmoniya, sepsisda kompleks terapiya tarkibida qo‘llaniladi.

Preparatga yoki preparat tarkibiga kiruvchi boshqa komponentlarga yuqori sezuvchanlik.

Kokarboksilaza mushak ichiga yoki vena ichiga (struyno yoki kapelno) yuboriladi. Yurak kasalliklarida 100-200 mg/kun 15-30 kun davomida buyuriladi. Qandli diabetda (ketoatsidoz, koma) sutkalik doza 100 mg ni tashkil etadi. O‘tkir buyrak va jigar yetishmovchiligida vena ichiga struyno 100-150 mg 3 marta kuniga yoki kapelno (5 % dekstroza eritmasida) 100-150 mg/kun yuboriladi. Periferik nevritlarda mushak ichiga 50-100 mg/kun 1-1,5 oy davomida buyuriladi. Bolalarga mushak ichiga, vena ichiga (kapelno yoki struyno) yuboriladi. Og‘irligi va klinik simptomatikasiga qarab 25 dan 50 mg/gacha kuniga buyuriladi. Davolash kursi 3-7 kundan 15-30 kungacha. Yangi tug‘ilgan bolalarga vena ichiga (sekin) 10 mg/kg bir marta kuniga yuboriladi. Eritmalar tayyorlash Mushak ichiga yuborish uchun ampula (50 mg) tarkibi to‘g‘ridan-to‘g‘ri yuborishdan oldin 2 ml in'ektsiya uchun suvda eritiladi. Vena ichiga struyno yuborish uchun eritma hajmi 10-20 ml gacha yetkaziladi, kapelno yuborish uchun esa 200-400 ml gacha, 0,9 % natriy xlorid eritmasi yoki dekstroza eritmasi qo‘shiladi.

Allergik reaksiyalar (qichima, qizish); mushak ichiga yuborilganda – in'ektsiya joyida giperemiya, shish.

Kokarboksilaza - organizmda tiamindan hosil bo‘ladigan tiaminpirofosfatdir. Organizmda faol tiaminpirofosfatga aylanadi va koferment sifatida piruvatdekarboksilaz, alfa-ketoglutaratdekarboksilaz komplekslari tarkibiga kiradi, ular piruvinograd va alfa-ketoglutar kislotalarining oksidlovchi dekarboksillanishida ishtirok etadi; transketolaza – pentozofosfat shunt fermenti.

Transport vositalari va mexanizmlarni boshqarish qobiliyatiga ta'sir qilmaydi. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak. Homiladorlik va emizish davrida preparatni qo‘llash uchun qarshi ko‘rsatmalar aniqlanmagan.

Yurak glikozidlarining kardiotonik ta’sirini kuchaytiradi va ularning o‘zlashtirilishini yaxshilaydi.