Har bir tabletkada quyidagilar mavjud: faol modda: klopidogrel (klopidogrel gidrosulfati ko‘rinishida) – 75 mg; yordamchi modda: makrogol 6000 (E1521), mikrokristallik tsellyuloza 112 (E460), gidroksipropiltsellyuloza past darajada almashgan (E463), gidrogenlangan kastor yog‘i, mannit (mannitol) (E421), qobiq: Opadry II pushti (32K240021) [gipromelloza 2910 (E464), laktoza monogidrat, titan dioksid (E171), triatsetin, temir oksidi qizil (E172)].

Aterotrombotik hodisalarni oldini olish uchun:
1. miokard infarktini boshdan kechirgan (bir necha kundan kamida 35 kungacha), ishemik insult (7 kundan kamida 6 oygacha) yoki periferik arteriya kasalliklari aniqlangan bemorlar;
2. o‘tkir koronar sindromdan aziyat chekayotgan bemorlar:
- ST segmentining ko‘tarilishi bo‘lmagan o‘tkir koronar sindrom (barqaror bo‘lmagan stenokardiya yoki Q tishchasisiz miokard infarkti), shu jumladan perkutan koronar aralashuvga mo‘ljallangan bemorlar, atsetilsalitsil kislotasi (ASK) bilan birga;
- ST segmentining ko‘tarilishi bilan o‘tkir miokard infarkti, atsetilsalitsil kislotasi bilan birga, dori-darmon bilan davolanayotgan va trombolitik terapiya qo‘llanilishi mumkin bo‘lgan bemorlarda.
Klopidogrel kattalar bemorlarda aterotrombotik va tromboembolik asoratlarni oldini olish uchun, fibrillyatsion aritmiya bo‘lgan hollarda qo‘llash uchun ko‘rsatilgan.
Fibrillyatsion aritmiya (FA) va yurak-qon tomir asoratlari xavfi yuqori bo‘lgan, vitamin K antagonistlari (VKA) bilan davolash mumkin bo‘lmagan va qon ketish xavfi past bo‘lgan bemorlarda, klopidogrel ASK bilan birga aterotrombotik va tromboembolik asoratlarni, shu jumladan insultni oldini olish uchun qo‘llash uchun ko‘rsatilgan.

- faol modda yoki dori vositasining har qanday komponentiga yuqori individual sezuvchanlik;
- jigar funksiyasining og‘ir buzilishi;
- o‘tkir patologik qon ketish, masalan, me’da yoki o‘n ikki barmoqli ichak yarasi yoki bosh ichidagi qon quyilishi.

Klinik sinovlarda yoki ro‘yxatdan o‘tkazilgandan keyingi davrda qayd etilgan nojo‘ya ta’sirlar quyida keltirilgan. Nojo‘ya ta’sirlar rivojlanish tez-tezligi quyidagi darajalarda keltirilgan: juda tez-tez (≥1/10); tez-tez (≥1/100, <1/10); kam (≥1/1000, <1/100); noyob (≥1/10000, <1/1000); juda noyob (<1/10000); noma’lum (mavjud ma’lumotlarga ko‘ra uchrash tez-tezligini aniqlash imkoni yo‘q). Har bir organ tizimi sinfida dori vositasining noxush reaksiyalari ularning og‘irlik darajasining kamayish tartibida keltirilgan.
Qon va limfa tizimi: kam – trombotsitopeniya, leykopegiya, eozinofiliya; noyob – neytropeniya, shu jumladan og‘ir neytropeniya; juda noyob – trombotsitopenik purpura, agranulositoz, granulositopeniya, aplastik anemiya, pansitopeniya, orttirilgan gemofiliya A, anemiya, og‘ir trombotsitopeniya.
Immun tizimi: juda noyob – anafilaktik reaksiyalar, zardob kasalligi, boshqa tienopiridinlarga (masalan, tiklopidin, prazugrel) o‘zaro gipersensitivlik reaksiyalari.
Ruhiy buzilishlar: juda noyob – gallyutsinatsiyalar, ongning chalkashligi.
Nerv tizimi: kam – bosh ichiga qon quyilishi (o‘lim bilan yakunlangan bir necha holatlar haqida xabar berilgan), bosh og‘rig‘i, paresteziya, bosh aylanishi; juda noyob – ta’m bilish buzilishlari.
Ko‘rish organlari: kam – ko‘zga qon quyilishi (kon’yunktival, okulyar, retinal).
Eshitish organlari va vestibulyar apparat: noyob – bosh aylanishi.
Tomir tizimi: tez-tez – gematoma; juda noyob – og‘ir qon ketish, operatsion yaradan qon ketishi, vaskulit, gipotenziya.
Nafas olish tizimi, ko‘krak va mediastinal buzilishlar: tez-tez – burundan qon ketishi; juda noyob – qon tupurish, o‘pka ichiga qon ketishi, bronxospazm, interstitsial pnevmonit, eozinofilik pnevmoniya.
Ovqat hazm qilish tizimi: tez-tez – me’da-ichak qon ketishi, diareya, qorin og‘rig‘i, dispepsiya; kam – me’da va o‘n ikki barmoqli ichak yara kasalligi, gastrit, qusish, ko‘ngil aynishi, qabziyat, meteorizm; noyob – retroperitoneal qon ketishi; juda noyob – me’da-ichak va retroperitoneal qon ketishi o‘lim bilan, pankreatit, kolit (shu jumladan, yarali yoki limfotsitar kolit), stomatit.
Gepatobiliar tizim: juda noyob – o‘tkir jigar yetishmovchiligi, gepatit, jigar funksional testining patologik ko‘rsatkichlari.
Teri va teri osti to‘qimalari: tez-tez – qon quyilishlar; kam – toshma, qichishish, purpura; juda noyob – angionevrotik shish, pufakli toshma (ko‘p shaklli eritema, Stivens-Djonson sindromi, toksik epidermal nekroliz), dori-induktsiyalangan gipersensitivlik sindromi, eozinofiliya va tizimli namoyonlar bilan dori toshmasi (DRESS-sindrom), eritematoz toshma, eshakemi, ekzema va yassi temiratki.
Harakat tizimi, biriktiruvchi to‘qima va suyaklar: juda noyob – skelet-mushak qon ketishi (gemartroz), artralgiya, artrit, mialgiya.
Buyrak va siydik chiqarish tizimi: kam – gematuriya; juda noyob – glomerulonefrit, qonda kreatinin darajasining oshishi.
Reproduktiv tizim va ko‘krak bezlari: ginekomastiya.
Umumiy buzilishlar: tez-tez – punktsiya joyida qon ketishi; juda noyob – tana haroratining ko‘tarilishi.
Laboratoriya tadqiqotlari: kam – qon ketish vaqtining uzayishi va neyrofillar sonining kamayishi, trombotsitlar sonining kamayishi.

Klopidogrel prolek hisoblanadi, uning metabolitlaridan biri trombotsitlar agregatsiyasining ingibitori hisoblanadi. Klopidogrel faol metabolit hosil qilish uchun CYP450 fermentlari yordamida metabolizmga uchrashi kerak. Faol metabolit selektiv tarzda adenozindifosfat (ADF) ning uning trombotsitar retseptori P2Y12 bilan bog‘lanishini va keyinchalik, ADF ta’sirida yuzaga keladigan glikoprotein kompleksi GPIIb/IIIa ning faollashuvini ingibitsiya qiladi, shu tariqa trombotsitlar agregatsiyasiga to‘sqinlik qiladi. Retseptorlar bilan bog‘lanish qaytarilmasligi sababli, trombotsitlar o‘z funksiyasini butun qolgan umr davomida (taxminan 7-10 kun) yo‘qotadi va trombotsitlarning normal funksiyasi tiklanishi trombotsitlar aylanishiga mos tezlikda amalga oshadi. ADF dan boshqa agonistlar tomonidan chaqirilgan trombotsitlar agregatsiyasi ham, chiqarilgan ADF ta’sirida yuzaga keladigan trombotsitlar faollashuvining kuchayishini bloklash natijasida, bostiriladi.
Faol metabolit CYP450 fermentlari yordamida hosil bo‘lishi sababli, ularning ba’zilari polimorf bo‘lishi yoki boshqa dori birikmalari tomonidan bostirilishi mumkin, trombotsitlarni bostirish barcha bemorlarda yetarli bo‘lmasligi mumkin.
Farmakodinamik ta’sirlar
Klopidogrelni kunlik 75 mg dozada muntazam qabul qilish ADF tomonidan chaqirilgan trombotsitlar agregatsiyasining sezilarli darajada susayishiga olib keladi, bu birinchi kundan boshlab yuzaga chiqadi. Ingibitsiyalovchi ta’sir bosqichma-bosqich kuchayadi va muvozanat holatiga 3-7 kun ichida erishiladi. Shu bilan birga, kunlik 75 mg doza ta’sirida o‘rtacha susayish darajasi 40 dan 60% gacha bo‘lgan. Trombotsitlar agregatsiyasi va qon ketish vaqti davolash to‘xtatilganidan so‘ng o‘rtacha 5 kun ichida asta-sekin boshlang‘ich darajaga qaytadi.

Qon ketish va gematologik nojo‘ya ta’sirlar
Davolash jarayonida qon ketish va gematologik nojo‘ya ta’sirlarning rivojlanishiga ishora qiluvchi klinik simptomlar paydo bo‘lsa, darhol qon tahlili o‘tkazish zarur. Qon ketish xavfi oshganligi sababli klopidogrelni varfarin bilan birga qabul qilganda ehtiyotkorlikka rioya qilish lozim.
Klopidogrelni travma, jarrohlik aralashuvlari yoki boshqa patologik holatlar bilan bog‘liq qon ketish xavfi yuqori bo‘lgan bemorlarda, shuningdek klopidogrelni atsetilsalitsil kislotasi, nosteroid yallig‘lanishga qarshi preparatlar, shu jumladan TsOG-2 ingibitorlari, geparin, glikoprotein IIb/IIIa ingibitorlari, selektiv serotonin qayta qabul qilinishining ingibitorlari (SIOZS) yoki qon ketish xavfi bilan bog‘liq boshqa dori vositalari, masalan, pentoksifillin bilan birga qo‘llanganda ehtiyotkorlik bilan ishlatish kerak. Qon ketish belgilari, shu jumladan yashirin qon ketishlarni diqqat bilan nazorat qilish zarur, ayniqsa davolashning birinchi haftalarida va/yoki invaziv yurak muolajalari yoki jarrohlik aralashuvlaridan keyin. Klopidogrelni og‘iz orqali antikoagulyantlar bilan birga qo‘llash tavsiya etilmaydi, chunki bunday kombinatsiya qon ketish intensivligini oshirishi mumkin.
Jarrohlik aralashuvlari zarur bo‘lsa va antiagregant ta’sir istalmagan bo‘lsa, klopidogrel bilan davolashni operatsiyadan 7 kun oldin to‘xtatish kerak. Agar bemorga operatsiya rejalashtirilgan bo‘lsa yoki shifokor yangi dori vositasini buyursa, preparatni qabul qilayotganligi haqida davolovchi shifokor va stomatologga xabar berish zarur.
Klopidogrelni qon ketish xavfi (ayniqsa me’da-ichak va ko‘z ichidagi) bo‘lgan bemorlarda ehtiyotkorlik bilan qo‘llash kerak. Klopidogrel qabul qilinayotganda me’da-ichak kasalliklarini chaqirishi mumkin bo‘lgan dori vositalarini (masalan, atsetilsalitsil kislotasi va NPVQ) ehtiyotkorlik bilan ishlatish lozim.
Shuni bilish kerakki, klopidogrel (yolg‘iz yoki ASK bilan birga) qabul qilinayotganda yuzaga kelgan qon ketishni to‘xtatish ko‘proq vaqt talab qilishi mumkin, shuning uchun har bir noodatiy (joyi va/yoki davomiyligi bo‘yicha) qon ketish holati haqida shifokorga xabar berish zarur.
Trombotik trombotsitopenik purpura (TTP)
Klopidogrel qabul qilgandan keyin trombotik trombotsitopenik purpura (TTP) rivojlanishining juda kam hollari qayd etilgan. Bu trombotsitopeniya va mikroangiopatik gemolitik anemiya bilan, shuningdek, nevrologik simptomatika, buyrak funksiyasi buzilishi yoki isitma bilan birga kechgan. TTP rivojlanishi hayot uchun xavfli bo‘lishi mumkin va zudlik bilan choralar ko‘rishni, shu jumladan plazmaferezni talab qiladi.
Orttirilgan gemofiliya
Klopidogrel qabul qilgandan keyin orttirilgan gemofiliya rivojlanishining ayrim hollari haqida xabar berilgan. Izolyatsiyalangan aktivlashtirilgan qisman tromboplastin vaqtining oshishi qon ketish bilan yoki bo‘lmasdan tasdiqlansa, orttirilgan gemofiliya rivojlanish ehtimolini ko‘rib chiqish kerak. Orttirilgan gemofiliya tashxisi tasdiqlangan bemorlar mutaxassislar nazorati va davosida bo‘lishi, klopidogrel bilan davolash to‘xtatilishi lozim.
Ishiemik insult
Ma’lumotlar yetarli emasligi sababli klopidogrelni o‘tkir ishiemik insultdan keyingi dastlabki 7 kun davomida buyurish tavsiya etilmaydi.
Tsitoxrom P450 2C19 (CYP2C19)
CYP2C19 metabolik faolligi pasaygan bemorlarda klopidogrel tavsiya etilgan dozalarda kamroq miqdorda klopidogrelning faol metabolitini hosil qiladi va kamroq antiagregant ta’sir ko‘rsatadi. Metabolik faolligi pasaygan, o‘tkir koronar sindrom yoki perkutan koronar aralashuv o‘tkazgan va klopidogrel bilan tavsiya etilgan dozalarda davolanayotgan bemorlar, CYP2C19 normal funksional faollikka ega bemorlarga nisbatan yurak-qon tomir asoratlari rivojlanishining yuqori xavfiga ega bo‘lishi mumkin.
Klopidogrel faol metabolitga qisman CYP2C19 yordamida metabolizatsiyalanishi sababli, ushbu ferment faolligini susaytiruvchi dori vositalarini qabul qilish klopidogrelning faol metaboliti konsentratsiyasini kamaytirishi kutiladi. Ushbu o‘zaro ta’sirning klinik ahamiyati o‘rganilmagan. Kuchli yoki o‘rtacha CYP2C19 ingibitorlarini bir vaqtda qo‘llashdan voz kechish kerak.
CYP2C8 substratlari
Klopidogrel bilan birga CYP2C8 izofermenti substratlari bo‘lgan dori vositalarini qabul qilayotgan bemorlarda ehtiyotkorlikka rioya qilish zarur.
Allergik o‘zaro reaktivlik
Bemorning anamnezida boshqa tienopiridinlarga (masalan, tiklopidin, prasugrel) yuqori sezuvchanlik mavjudligini tekshirish kerak, chunki tienopiridinlar bilan allergik o‘zaro reaktivlik holatlari ma’lum. Anamnezida boshqa tienopiridinlarga yuqori sezuvchanlik bo‘lgan bemorlar klopidogrel bilan davolash vaqtida yuqori sezuvchanlik belgilari yuzasidan diqqat bilan kuzatilishi kerak. Tienopiridinlar turli darajadagi allergik reaksiyalar, masalan, toshma, Kvinke shishi yoki gematologik o‘zaro reaksiyalar, masalan, trombotsitopeniya va neytropeniya rivojlanishiga olib kelishi mumkin. Anamnezida bir tienopiridinga allergik va/yoki gematologik reaksiyalar bo‘lgan bemorlarda boshqa tienopiridinga ham shunga o‘xshash yoki boshqa reaksiyalar rivojlanish xavfi yuqori bo‘lishi mumkin.
Buyrak funksiyasi buzilishi
Buyrak funksiyasi buzilgan bemorlarda klopidogrelni qo‘llash bo‘yicha terapevtik tajriba cheklangan. Bunday bemorlarga preparatni ehtiyotkorlik bilan qo‘llash kerak.
Jigar funksiyasi buzilishi
Klopidogrelni o‘rtacha darajadagi jigar funksiyasi buzilgan, gemorragik diatez rivojlanishi mumkin bo‘lgan bemorlarga ehtiyotkorlik bilan qo‘llash kerak.