Tabletkalar - 1 tab.: Faol modda: loratadin 10,00 mg; Yordamchi modda: mikrokristallik tsellyuloza, kraxmal, metilparagidroksibenzoat natriy, kremniy dioksid kolloidli suvdan holi, magniy stearat, natriy kraxmal glikolyat, tozalangan talk.

Mavsumiy (pollinoz) va yil davomida davom etuvchi allergik rinit va allergik kon'yunktivit - ushbu kasalliklar bilan bog'liq simptomlarni bartaraf etish: aksirish, burun bo'shlig'i shilliq qavatining qichishishi, rinoreya, ko'zda kuydiruvchi va qichishish hissi, ko'zdan yosh oqishi. Surunkali idiopatik toshma.

Loratadinga yoki Klaridol Allergo® preparatining har qanday boshqa komponentiga yuqori sezuvchanlik. Emizikli davr. 3 yoshgacha bo‘lgan bolalar va tana vazni 30 kg dan kam bo‘lganlar. Ehtiyotkorlik bilan: jigar funksiyasining og‘ir buzilishlari; homiladorlik

Og'iz orqali, ovqatlanish vaqtiga bog'liq holda emas. Kattalar, shu jumladan keksalar va 12 yoshdan katta o'smirlar uchun Klaridol Allergo® dori vositasini 10 mg (1 tabletka) dozada kuniga 1 marta qabul qilish tavsiya etiladi. Preparatni keksa bemorlarda va surunkali buyrak yetishmovchiligi bo'lgan bemorlarda qo'llashda doza tuzatish talab etilmaydi. 3 yoshdan 12 yoshgacha bo'lgan, tana vazni 30 kg dan ortiq bo'lgan bolalarga - 10 mg (1 tabletka) kuniga 1 marta. Kattalar va tana vazni 30 kg dan ortiq bo'lgan bolalarda jigar faoliyatining og'ir buzilishi bo'lsa, boshlang'ich doza har kuni 10 mg (1 tabletka) bo'lishi kerak.

2 dan 12 yoshgacha bo‘lgan bolalar ishtirokida o‘tkazilgan klinik tadqiqotlarda loratadin qabul qilganlarda platsebo («soxta dori») guruhiga nisbatan bosh og‘rig‘i (2,7%), asabiylik (2,3%), charchoq (1%) ko‘proq kuzatilgan. Kattalar ishtirokida o‘tkazilgan klinik tadqiqotlarda platsebo bilan solishtirganda loratadin qabul qilgan bemorlarning 2% ida nojo‘ya hodisalar ko‘proq uchragan. Kattalarda loratadin qabul qilganda platsebo guruhiga nisbatan bosh og‘rig‘i (0,6%), uyquchanlik (1,2%), ishtahaning oshishi (0,5%) va uyqusizlik (0,1%) ko‘proq kuzatilgan. Jahon sog‘liqni saqlash tashkiloti (JSST) ma’lumotlariga ko‘ra, nojo‘ya ta’sirlar rivojlanish tez-tezligiga ko‘ra quyidagicha tasniflanadi: juda tez-tez (≥ 1/10), tez-tez (≥ 1/100 dan < 1/10 gacha), kamdan-kam (≥ 1/1000 dan < 1/100 gacha), kam (≥ 1/10000 dan < 1/1000 gacha), juda kam (< 1/10000); tez-tezligi noma’lum – mavjud ma’lumotlarga ko‘ra, uchrash tez-tezligini aniqlash imkoni bo‘lmadi. Nojo‘ya hodisalar haqidagi ma’lumotlar ro‘yxatdan o‘tkazilgandan keyingi davr kuzatuvlari natijalariga asoslangan. Immun tizimi tomonidan: juda kam – allergik reaksiyalar (angionevrotik shish, anafilaksiya jumladan). Nerv tizimi tomonidan: juda kam – bosh aylanishi, tutqanoq. Yurak-qon tomir tizimi tomonidan: juda kam – taxikardiya, yurak urishining tezlashuvi. Hazm qilish tizimi tomonidan: juda kam – og‘iz qurishi, ko‘ngil aynishi, gastrit. Jigar va o‘t yo‘llari tomonidan: juda kam – jigar funksiyasining buzilishi. Teri va teri osti to‘qimalari tomonidan: juda kam – toshma, alopesiya. Umumiy buzilishlar: juda kam – charchoq. Laborator va instrumental ma’lumotlar: tez-tezligi noma’lum – tana vaznining oshishi. Agar ko‘rsatilgan nojo‘ya ta’sirlar kuchaysa yoki Sizda yo‘riqnomada ko‘rsatilmagan boshqa nojo‘ya ta’sirlar paydo bo‘lsa, bu haqda shifokorga xabar bering.

Loratadin uch halqali birikma bo‘lib, yaqqol antigistamin ta’sirga ega va periferik N1-gistamin retseptorlarining selektiv blokatori hisoblanadi. Tez va uzoq davom etuvchi antiallergik ta’sirga ega. Ta’sir boshlanishi – Klaridol Allergo® dori vositasi ichga qabul qilingandan keyin 30 daqiqa ichida. Antigistamin ta’sir maksimal darajaga 8-12 soat o‘tib yetadi va 24 soatdan ortiq davom etadi. Loratadin gematoensefalik to‘siqdan o‘tmaydi va markaziy asab tizimiga ta’sir qilmaydi. Klinik jihatdan ahamiyatli antixolinergik yoki sedativ ta’sir ko‘rsatmaydi, ya’ni tavsiya etilgan dozalarda uyquchanlik chaqirmaydi va psixomotor reaksiyalar tezligiga ta’sir qilmaydi. Klaridol Allergo® dori vositasini qabul qilish EKGda QT intervalining uzayishiga olib kelmaydi. Uzoq muddatli davolashda hayotiy muhim funksiyalar ko‘rsatkichlarida, fizik tekshiruv natijalarida, laboratoriya tadqiqotlari yoki elektrokardiografiya natijalarida klinik jihatdan ahamiyatli o‘zgarishlar kuzatilmagan. Loratadin N2-gistamin retseptorlariga nisbatan ahamiyatli selektivlikka ega emas. Norepinefrinning qayta qabul qilinishini inhibe qilmaydi va yurak-qon tomir tizimi yoki ritm haydovchisi funksiyasiga deyarli ta’sir ko‘rsatmaydi.

Klaridol Allergo® dori vositasini qabul qilish teri testlarini o'tkazishdan 48 soat oldin to'xtatilishi kerak, chunki antigistamin dori vositalari diagnostik tadqiqot natijalarini buzishi mumkin. Foydalanilmagan dori vositasini yo'q qilish bo'yicha maxsus ehtiyot choralar Foydalanilmagan preparatni utilizatsiya qilish bo'yicha maxsus ehtiyot choralar ko'zda tutilmagan. Agar dori vositasi yaroqsiz holga kelgan bo'lsa yoki yaroqlilik muddati tugagan bo'lsa - uni oqova suvga yoki ko'chaga tashlamang. Dori vositasini paketga joylashtiring va chiqindi konteyneriga tashlang. Ushbu choralar atrof-muhitni himoya qilishga yordam beradi. Avtotransport vositalarini boshqarish va mexanizmlarni boshqarish qobiliyatiga ta'siri Klaridol Allergo® dori vositasining avtomobil boshqarish yoki yuqori diqqatni talab qiladigan boshqa faoliyat bilan shug'ullanish qobiliyatiga salbiy ta'siri aniqlanmagan. Biroq, juda kam hollarda ba'zi bemorlar Klaridol Allergo® dori vositasini qabul qilganda uyquchanlikni boshdan kechiradilar, bu ularning transport vositalarini boshqarish va mexanizmlar bilan ishlash qobiliyatiga ta'sir qilishi mumkin.

Siptomlari: uyquchanlik, taxikardiya, bosh og'rig'i. Dozani oshirib yuborishda darhol shifokorga murojaat qilish kerak. Davolash: simptomatik va qo'llab-quvvatlovchi terapiya. Oshqozonni yuvish, adsorbentlar (maydalangan faollashtirilgan ko'mir suv bilan) qabul qilish mumkin. Loratadin gemodializ yordamida chiqarilmaydi. Shoshilinch yordam ko'rsatilgandan so'ng bemorning holatini kuzatishni davom ettirish zarur.