1 plyonka qobiq bilan qoplangan tabletkada quyidagilar mavjud: Faol moddalari: kalsiy 4-metil-2-okso-valerat (Leytsin alfa-ketoanalog kalsiy tuzi) 101,0 mg kalsiy 3-metil-2-okso valerat (Izoleytsin alfa-ketoanalog kalsiy tuzi) 67,0 mg kalsiy 3-metil 2-okso butirat (Valin alfa-ketoanalog kalsiy tuzi) 86,0 mg kalsiy DL-2-gidroksi (metiltiyo) butirat (Metionin alfa-ketoanalog kalsiy tuzi) 59,0 mg kalsiy 2-okso-3-fenilpropionat (Fenilalanin alfa-ketoanalog kalsiy tuzi) 68,0 mg L-lizin asetat 105,0 mg L-treonin 53,0 mg L-gistidin 38,0 mg L-tirozin 30,0 mg L-triptofan 23,0 mg Yordamchi moddalari: natriy kraxmal glikolat, mikrokristallik sellyuloza, povidon (PVP K 30), izopropil spirti, tozalangan talk, magniy stearat, krosprovidon, stearin kislotasi, natriy kroskarmelloza, quruq ananas ta'mi, natriy kraxmal glikolat, mikrokristallik sellyuloza (PH-102), Opadry 21 K580031 oq, Instacoat oq 344 (shaffof), temir oksidi sariq bo'yoq, suyuq ananas ta'mi, izopropil spirti, dixlormetan.

Oqsil-energetik yetishmovchilik, bolalarda oqsil distrofiyasi va gipertrofiyasida. Surunkali buyrak yetishmovchiligida va ratsionda oqsil cheklanganda (kattalar va bolalarda) o‘zgargan yoki yetarli bo‘lmagan oqsil almashinuvi bilan bog‘liq buzilishlarning oldini olish va davolash. Oqsilga bo‘lgan ehtiyoj yoki sarf oshganida va ovqat hazm qilish, so‘rilish va chiqarilish jarayonida oqsil almashinuvining buzilishi natijasida yuzaga keladigan oqsil yetishmovchiligini to‘ldirish yoki bartaraf etish.

Giperkalsemiya, aminokislotalar almashinuvining buzilishi, preparat komponentlariga yuqori sezuvchanlik. Irsiy fenilketonuriyada preparat tarkibida fenilalanin borligini hisobga olish kerak.

Og'iz orqali qabul qilish uchun. Kattalar va 3 yoshdan boshlab bolalarga kuniga tana vaznining har 5 kg ga 1 tabletka yoki kuniga tana vaznining 0,1 g/kg. Agar boshqacha buyurilmagan bo'lsa, ovqat vaqtida kuniga 3 marta qabul qilinadi. Chaynalmay, butun holda yutib yuboriladi. Qo'llash davomiyligi Ketoamin preparati butun glomerulyar filtrlash tezligi 25 ml/min dan past bo'lgan davrda buyuriladi, bu esa glomerulyar filtrlash tezligi 225 ml/min bo'lgan holatlarda qo'llashni istisno qilmaydi. Predializ davrida ovqatdagi oqsil miqdori surunkali buyrak yetishmovchiligi darajasiga qarab kuniga 40 g dan oshmasligi tavsiya etiladi. Dializdagi bemorlarda oqsil iste'moli qabul qilingan standartlarga muvofiq bo'lishi kerak. Kattalar uchun doza (tana vazni 70 kg) kuniga 3 marta 4-8 tabletka. Bolalar uchun doza kuniga tana vaznining har 5 kg ga 1 tabletka. 3 yoshdan 10 yoshgacha bo'lgan bolalar uchun ovqatdagi tavsiya etilgan oqsil miqdori kuniga tana vaznining 1,4-0,8 g/kg, 10 yoshdan katta bolalar uchun esa kuniga tana vaznining 1,0-0,6 g/kg.

Modda almashinuvi tomonidan: juda kam hollarda (uchrashish tezligi <1/10000): giperkalsemiya. Allergik reaksiyalar: teri toshmasi yoki qichishish ko‘rinishida. Allergik reaksiyalar rivojlanganida qo‘llashni to‘xtatish kerak.

Farmakodinamikasi Og'iz orqali ovqatlanish uchun mo'ljallangan kombinatsiyalangan preparat. Azot almashinuvini yaxshilovchi vosita. Minimal azot kiritilishi bilan almashtirib bo'lmaydigan aminokislotalar bilan to'liq ta'minlaydi. So'rilishdan so'ng, keto va gidroksikislotalar transaminatsiya yo'li bilan mos ravishda almashtirib bo'lmaydigan aminokislotalarga aylanadi, bunda aminoguruh almashtiriladigan aminokislotalardan o'tkaziladi. Preparat azot saqlovchi almashinuv mahsulotlarining utilizatsiyasiga, oqsillar anabolizmi, siydik hosil bo'lishining kamayishiga va uremik toksinlarning pasayishiga yordam beradi. Keto va gidroksikislotalar qolgan nefronlarda giprefiltratsiyani chaqirmaydi. Ketokislotalar buyrak giprefosfatemiyasi va ikkilamchi giperaparatireozga ijobiy ta'sir ko'rsatadi. Bundan tashqari, ular buyrak osteodistrofiyasini yaxshilaydi. Ketoaminni kam oqsilli dieta bilan birga qabul qilish azot kirishini kamaytirishga imkon beradi, bunda oziq-ovqat bilan oqsil yetishmasligi va to'yinmagan ovqatlanishning salbiy oqibatlaridan qochiladi. Preparatni tizimli qo'llashda surunkali buyrak yetishmovchiligi bo'lgan bemorlarning holati yaxshilanishi kuzatiladi. Farmakokinetikasi Plazmadagi aminokislotalar kinetikasi va ularning metabolik yo'llarga integratsiyasi yaxshi o'rganilgan. Sog'lom odamda og'iz orqali qabul qilingandan so'ng plazmada ketokislotalar darajasi 10 daqiqa ichida oshadi. Plazmadagi maksimal darajalar 20-60 daqiqa ichida erishiladi va 90 daqiqadan so'ng darajalar yana boshlang'ich qiymatlarga qaytadi. Shunday qilib, me'da-ichak so'rilishi juda tez sodir bo'ladi. Plazmada ketokislotalar va mos aminokislotalar darajasining bir vaqtda oshishi ketokislotalarning transaminatsiyasi ham juda tez amalga oshirilishini ko'rsatadi. Organizmda ketokislotalarning fiziologik utilizatsiya yo'llari tufayli, ekzogen ketokislotalar metabolik sikllarga juda tez integratsiyalanadi. Keto kislotalar klassik aminokislotalar bilan bir xil katabolik yo'l bo'ylab harakat qiladi.

Kalsiy saqlovchi dori vositalarini bir vaqtda qo‘llash qonda kalsiy darajasining oshishiga olib kelishi yoki uni kuchaytirishi mumkin. Ichakda so‘rilishni buzmaslik uchun, Kеtoamin bilan bir vaqtda kalsiy bilan qiyin eriydigan birikmalar hosil qiluvchi preparatlarni (masalan, tetratsiklinlar, tsiprofloksatsin va norfloksatsin; temir, ftoridlar va estramustin saqlovchi preparatlar) qabul qilish tavsiya etilmaydi. Kеtoamin va bunday preparatlarni qabul qilish oralig‘i kamida ikki soat bo‘lishi kerak. Glikozidlar (va yurak faoliyatiga ta’sir qiluvchi preparatlar) qonda kalsiy konsentratsiyasining oshishi hisobiga yurak ritmining buzilishi xavfini keltirib chiqarishi mumkin. Kеtoamin ta’sirida uremik simptomlar kamayishi bilan birga, bir vaqtda buyurilgan alyuminiy gidroksidi dozasini mos ravishda kamaytirish kerak. Qon zardobida fosfatlar darajasining pasayishini nazorat qilish zarur.

Qon zardobida kalsiy darajasini muntazam nazorat qilish zarur. Kеtoaminni ovqat vaqtida qabul qilish kerak, bu uning so‘rilishini va mos aminokislotalarga aylanishini yaxshilaydi. Yetarli kaloriya miqdoridagi ovqatlanishni ta’minlash talab qilinadi. Irsiy fenilketonuriyada shuni hisobga olish kerakki, Kеtoamin fenilalanin saqlaydi. Alyuminiy gidroksidi bilan bir vaqtda qabul qilinganda, qon zardobida fosfitlar darajasini nazorat qilish zarur. Giperkalsemiyada qabul qilinayotgan D vitamini dozasini kamaytirish tavsiya etiladi. Agar giperkalsemiya saqlanib qolsa, Kеtoamin va boshqa kalsiy manbalarining dozasini kamaytirish kerak. Homiladorlik va laktatsiya davri Kеtoamin preparatini homiladorlik va laktatsiya davrida shifokor ko‘rsatmasi va nazorati ostida qo‘llash mumkin. Homiladorlik va laktatsiya davrida preparatni qo‘llash bo‘yicha klinik tajriba yetarli emas. Avtotransport boshqarish va mexanizmlarni boshqarish qobiliyatiga ta’siri Kеtoamin avtotransport boshqarish va mexanizmlarni boshqarish qobiliyatiga ta’sir qilmaydi.