Kaspargin kaliy va magniy yetishmovchiligini bartaraf etishga yordam beradi, elektrolit muvozanatini normallashtiradi, antiaritmik ta'sir ko'rsatadi, miokardda moddalar almashinuvini yaxshilaydi.

Kaliy ionlari ATF, glikogen, oqsillar, atsetilxolin va boshqalarni sintezini rag'batlantiradi. Salbiy xrono- va batmotrop ta'sirga ega, yuqori dozalarda – salbiy ino- va dromotrop ta'sir ko'rsatadi. Kichik dozalarda kaliy ionlari koronar arteriyalarni kengaytiradi, katta dozalarda esa toraytiradi. Shuningdek, mo'tadil diuretik ta'sir ko'rsatadi.

Magniy ionlari neyronlarning qo'zg'aluvchanligini kamaytiradi, nerv-mushak uzatishni sekinlashtiradi, ko'plab fermentativ reaksiyalarda, elektrolitlar muvozanatida, ionlar transporti va membranalar o'tkazuvchanligida ishtirok etadi. Magniy kaliyning hujayraga kirishiga yordam beradi, ya'ni natriy-kaliy-ATF-azani faollashtiradi, hujayradan natriyni chiqarib, kaliyni qaytaradi, natriy konsentratsiyasini pasaytiradi, silliq tomir mushaklarida natriyning kalsiyga almashinishiga to'sqinlik qiladi va ularning rezistentligini pasaytiradi. Magniy DNKning (pentozofosfat) tuzilmasiga kiradi, RNK sintezida, irsiyat apparatida, hujayra o'sishida, hujayra bo'linish jarayonida ishtirok etadi. Stressda ortiqcha katexolamin ajralishini cheklaydi va oldini oladi, mumkin bo'lgan lipoliz va erkin yog' kislotalarining ajralishini kamaytiradi. Miokard to'qimalariga antiishemik ta'sir ko'rsatadi, qisqarish kuchi va yurak ritmi chastotasini pasaytiradi, natijada miokardning kislorodga bo'lgan ehtiyoji kamayadi, vazodilatatsiya, jumladan koronar tomirlarda ham yuzaga keladi.

Asparginat magniy va kaliy ionlarining hujayra ichki makoniga kirishiga yordam beradi, hujayralararo fosfatlar sintezini rag'batlantiradi.

Kaspargin nerv tolalari bo'ylab impulslar o'tkazilishini, sinaptik uzatishni, mushak qisqarishini, yurak mushaklari faoliyatini tartibga soladi. Magniy ionlari hisobiga energiyaning kirib kelishi va sarflanishi jarayonlarida ishtirok etadi, membranalar o'tkazuvchanligini, nerv-mushak o'tkazuvchanligini, DNK, RNK sintezini, hujayra o'sishi, hujayra bo'linishi, kislorod o'zlashtirilishi va fosfatlar sintezini normallashtiradi.

Kaspargin yurak glikozidlariga yuqori sezuvchanlikni kamaytiradi, ularning toksikligini pasaytiradi, glyukokortikosteroidlar va diuretiklar bilan chaqirilgan gipokaliemiyani bartaraf etadi.

Faqat shaffof eritmalarni va butun flakonlardagi eritmalarni ishlatish kerak. Flakon ochilgandan so‘ng Kaspargin darhol ishlatilishi lozim.

Pediatriyada qo‘llanilishi.
Dorining pediatriyada qo‘llanilishi faqat to‘g‘ridan-to‘g‘ri ko‘rsatma mavjud bo‘lsa va kutilayotgan foyda va mumkin bo‘lgan xavf nisbati baholanganidan keyin mumkin.

Dorining tez tomir ichiga yuborilishi bemor hayotiga xavf tug‘dirgani uchun mumkin emas.

Dorini uzoq muddat qo‘llashda EKG va qonda kaliy va magniy darajasini nazorat qilish zarur.

Dorini bolalar ololmaydigan joyda saqlash va yaroqlilik muddati tugaganidan so‘ng ishlatmaslik kerak.

Homiladorlik va laktatsiya davrida qo‘llanilishi.

Dorini homiladorlikda faqat onaga kutilayotgan foyda homilaga bo‘lgan potentsial xavfdan ustun bo‘lsa qo‘llash mumkin.

Dori bilan davolash davrida emizishni to‘xtatish kerak.

Avtotransport boshqarish va mexanizmlarni boshqarish qobiliyatiga ta’siri.

Ma’lumotlar yo‘q.
Dorini bolalar ololmaydigan joyda saqlash va yaroqlilik muddati tugaganidan so‘ng ishlatmaslik kerak.