5 ml sirop tarkibida:

faol modda: karbotsistein 250 mg.

yordamchi modda: saxaroza, metilparagidrokisibenzoat, etanol 96%, «Karamel» aromatizatori, «Rom» aromatizatori, «Dolchin» aromatizatori, natriy gidroksid, tozalangan suv.

Nafas yo‘llari kasalliklarining qo‘shimcha terapiyasi, ortiqcha, quyuq shilliq hosil bo‘lishi bilan tavsiflanadigan, shu jumladan surunkali obstruktiv nafas yo‘llari kasalliklari.

- karbotsisteinga yoki preparatning boshqa komponentlariga yuqori sezuvchanlik;

- oshqozon va o'n ikki barmoqli ichak yara kasalligining zo‘rayish bosqichi;

- fruktozani o‘zlashtira olmaslik, glyukoza-galaktoza malabsorbsiya yoki saxaraza-izomaltaza yetishmovchiligi;

- 2 yoshgacha bo‘lgan bolalar yoshi.

Sirop og‘iz orqali qabul qilish uchun mo‘ljallangan, afzal 1 soat ovqatdan oldin yoki ovqatdan 2 soat o‘tib qabul qilinadi.

Kattalar va 12 yoshdan katta bolalarga 15 ml (15 ml preparatda 750 mg karbotsistein mavjud) kuniga 3 marta buyuriladi (sutkalik doza 2250 mg karbotsistein), keyinchalik sutkalik doza 10 ml (sutkalik doza 1500 mg karbotsistein) kuniga 3 marta kamaytiriladi.

5-12 yoshli bolalarga: 5 ml (5 ml preparatda 250 mg karbotsistein mavjud) kuniga 3 marta.

2-5 yoshli bolalarga: 1,25-2,5 ml (1 ml preparatda 50 mg karbotsistein mavjud) kuniga 4 marta.

Siropni dozalash uchun qadoqda mavjud o‘lchov stakanchasi ishlatiladi.

Davolash shifokor bilan maslahatlashmasdan 8-10 kundan ortiq davom etmasligi kerak.

Nojo'ya reaksiyalar chastotasi quyidagicha aniqlanadi: juda tez-tez (≥ 1/10); tez-tez (≥ 1/100, lekin < 1/10); kamdan-kam (≥ 1/1000, lekin < 1/100); kam (≥ 1/10000, lekin < 1/1000); juda kam (< 1/10000); chastotasi noma'lum (mavjud ma'lumotlar asosida baholab bo'lmaydi).

Immun tizimi tomonidan: chastotasi noma'lum – anafilaktik reaksiyalar, mahalliy dori toshmasi.

Gastrointestinal trakt tomonidan: chastotasi noma'lum – qusish, me'da-ichak qon ketishi.

Teri va teri osti to'qimalari tomonidan: chastotasi noma'lum – teri toshmasi, allergik teri toshmasi, bulyoz dermatit (Stivens-Djonson sindromi, ko'p shaklli eritema).

Shubhali nojo'ya reaksiyalar haqida xabar berish

Dori vositasi ro'yxatdan o'tkazilgandan keyin shubhali nojo'ya reaksiyalar haqida xabar berish muhimdir. Agar bemorda dori vositasiga jiddiy nojo'ya reaksiya aniqlansa yoki ushbu bo'limda tavsiflanmagan yangi nojo'ya reaksiya paydo bo'lsa, bu haqda Milliy farmakonazorat tizimiga muvofiq xabar berishingizni so'raymiz.

Karbotsistein - balg‘am ko‘chiruvchi va mukolitik vosita. Bundan tashqari, karbotsistein mukoproteinlar mavjud bo‘lgan barcha tuzilmalar (nafas yo‘llari, me’da-ichak trakti (MITr), siydik-jinsiy yo‘llar, ichki quloq)da shilliq holatini tartibga soladi.

Karbotsistein bronxlar shilliq qavatining bokal hujayralari fermenti bo‘lgan sial transferazani faollashtiradi. Karbotsistein shilliqning biokimyoviy va fizik xususiyatlarini o‘zgartiradi, uning quyuqligi va elastikligini tiklaydi. Shilliqning gel fazasiga ta’sir qilib, glikoproteinlarning disulfid ko‘priklarini uzadi va patologik quyuq sekretsiyani suyultiradi, shu tariqa balg‘am ajralishiga yordam beradi. Bronx sekretsiyasidagi kislotali va neytral sialomutsinlarning miqdoriy nisbatini normallashtiradi (neytral glikopeptidlar miqdorini kamaytiradi, gidroksisialoglikopeptidlar miqdorini oshiradi).

Karbotsistein shilliq qavatining regeneratsiyasiga yordam beradi, uning tuzilishini normallashtiradi, bokal hujayralari sonini, ayniqsa terminal bronxlarda kamaytiradi va natijada shilliq ishlab chiqarilishini kamaytiradi, kiprikli epiteliy faoliyatini faollashtiradi, mukotsiliar klirensni yaxshilaydi. Yallig‘lanish mediatorlarining mahalliy ta’sirini susaytiradi, antibiotiklarning bronx sekretsiyasiga kirib borishiga yordam beradi.