1 ml preparat tarkibida faol modda - levokarnitin 200 mg, yordamchi moddalardan xlorid kislotasi suyultirilgan, in'ektsiya uchun suv mavjud

- birlamchi va ikkilamchi levokarnitin yetishmovchiligi - buyrak kasalliklarining terminal bosqichida bo'lgan, uzoq muddat gemodializda bo'lgan kattalarda ikkilamchi levokarnitin yetishmovchiligi va quyidagi holatlar bilan kechuvchi • og'ir va doimiy mushak tirishishlari va/yoki dializ vaqtida arterial gipotenziya epizodlari • energiya yetishmasligi bilan bog'liq hayot sifatining pasayishi • mushak zaifligi va/yoki miopatiya • kardiomiopatiya • uremiyada anemiya, barqaror yoki katta dozalarda eritropoetin talab qiluvchi • yetarli ovqatlanmaslik natijasida mushak massasining yo'qolishi.

L-karnitin hayvonlar, mikroorganizmlar va o'simliklar to'qimalarida tabiiy komponent sifatida mavjud. Inson organizmida normal metabolizm uchun ehtiyojlar karnitin saqlovchi mahsulotlarni iste'mol qilish, shuningdek, jigar va buyraklarda lizindan va metionindan (metil guruhi donorlaridan) endogen sintez hisobiga qoplanadi. Faqat karnitinning L-izomeri (levokarnitin) biologik faol bo'lib, lipid almashinuvida, keton tanachalari metabolizmida, aminokislotalar zanjiri bo'g'ini sifatida asosiy rol o'ynaydi. L-karnitin uzun zanjirli yog' kislotalarining mitoxondriyaga transportida ishtirok etadi (yog' kislotalarining oksidlanishini rag'batlantiradi), ya'ni yog' kislotalarini hujayra membranalari orqali sitoplazmadan mitoxondriyaga tashuvchi sifatida ishtirok etadi, bu yerda ular beta-oksidlanish jarayoniga uchrab, ko'p miqdorda metabolik energiya (ATF) hosil qiladi. Levokarnitin Krebs sikli ishini yaxshilaydi (SoA ni bo'shatish, SoA ta'siri, karnitin-atsiltransferaza fermenti ishtirokida), skelet mushaklarida piruvat degidrogenaza faolligini va tarmoqlangan aminokislotalar zanjiri oksidlanishini rag'batlantiradi. Shunday qilib, levokarnitin to'g'ridan-to'g'ri yoki bilvosita turli almashinuv jarayonlarida ishtirok etadi va nafaqat yog' kislotalari va keton tanachalarining oksidlanishi, balki glyukoza va ayrim aminokislotalarning oksidlanishida ham muhim omil hisoblanadi.