1 plyonka qobiq bilan qoplangan, modifikatsiyalangan chiqarilishli tabletkada faol modda trimetazidin digidroxlorid – 35 mg; yordamchi moddalari: kalsiy gidroforfat anhidrid, kremniy dioksid kolloid anhidrid, polietilenoksid, povidon, ksantan saqichi, magniy stearat.

Karmetadin kardiologik antianginal dori vositasidir. Gipoksiya yoki ishemiya ta’sirida bo‘lgan hujayralarda energetik almashinuvni qo‘llab-quvvatlab, trimetazidin hujayra ichidagi ATF darajasining kamayishini oldini oladi, bu esa ion nasoslari va transmembrana natriy-kaliy oqimini to‘g‘ri ishlashini ta’minlaydi, hujayra gomestazini saqlaydi. Karmetadin yurakda energetik almashinuvni optimallashtiradi, bu yog‘ kislotalarining oksidlanishini qisman bostirish orqali, uzun zanjirli 3-ketoatsil KoA-tiolaza (3-KAT) ni ingibitsiyalash hisobiga amalga oshadi. Bu glyukozaning oksidlanishini kuchaytiradi va glikolizning glyukoza oksidlanishi bilan bog‘lanishini yaxshilaydi, yurakni ishemiya paytida himoya qiladi. Trimetazidin, shuningdek, membrana fosfolipidlarining almashinuvini va ularning membranaga qo‘shilishini oshiradi, bu esa membrananing shikastlanishdan himoyasini kuchaytiradi. Preparatning antianginal xususiyatlari asosida energetik substratning yog‘ kislotalari oksidlanishidan glyukoza oksidlanishiga o‘tishi yotadi. Kardiologiyada, stenokardiyasi bo‘lgan bemorlarda preparatni qo‘llashda quyidagilar kuzatiladi: - koronar rezervning oshishi, natijada jismoniy yuklama bilan chaqirilgan ishemiya boshlanishi kechiktiriladi, davolashning 15-kunidan boshlab; - qon bosimining keskin o‘zgarishlari cheklanadi, yurak urish tezligining sezilarli o‘zgarishisiz; - stenokardiya xurujlari chastotasining sezilarli kamayishi; - nitroglitserin qabul qilishning sezilarli qisqarishi. Otorinolaringologiyada: - preparat bosh aylanishi xurujlarining darajasi, davomiyligi va chastotasiga samarali ta’sir ko‘rsatadi; - Karmetadin ta’sirida quloq shovqini intensivligi va paydo bo‘lish davriyligi kamayadi va qaytalanishlar oldi olinadi; - perseptiv kar so‘qirlikda preparat desibel bo‘yicha qabul qilinadigan diapazonni oshiradi va eshitish muammolarini kamaytiradi. Oftalmologiyada: Preparat ishemiyaga sezgir bo‘lgan elektrorretinogrammaning β-to‘lqin amplitudasini oshiradi. Xorio-retinal tomir buzilishlari bo‘lgan bemorlarda Karmetadin to‘r pardasining funksional faolligini tiklashga yordam beradi, ko‘rish o‘tkirligini yaxshilaydi va ko‘rish maydonini kengaytiradi, bu trimetazidin ta’sirida yuzaga keladigan ijobiy morfologik o‘zgarishlar bilan bog‘liq, ayniqsa, sariq nuqtaning yoshga bog‘liq degenerativ o‘zgarishlarida.

Preparat stenokardiyani asosiy davolash uchun qo'llaniladi, lekin stenokardiya xurujlarini to'xtatish uchun emas, preparatni beqaror stenokardiya yoki miokard infarkti bo'lgan bemorlarda boshlang'ich davolash sifatida qo'llash ko'rsatilmagan. Preparatni keksa yoshdagi shaxslarda davolash uchun qo'llash doza tuzatishni talab qilmaydi. Klinik ma'lumotlar yetishmasligi sababli, preparatni kreatinin klirensi 15 ml/min dan kam bo'lgan buyrak yetishmovchiligi bo'lgan bemorlarga, shuningdek, jigar funksiyasining og'ir buzilishlari bo'lgan bemorlarga buyurish tavsiya etilmaydi. Avtomobil va boshqa mexanizmlarni boshqarish qobiliyatiga ta'siri Karmetadin avtomobil boshqarish va yuqori tezlikdagi psixomotor reaksiyalarni talab qiladigan ishlarni bajarish qobiliyatiga ta'sir qilmaydi. Homiladorlik va emizish davrida qo'llanilishi Homiladorlikda preparatni faqat ko'rsatmalar bo'yicha va foyda/xavf nisbatini sinchiklab baholagandan so'ng qo'llash mumkin. Trimetazidin ona suti bilan ajralib chiqadimi noma'lum. Shuning uchun, laktatsiya davrida preparatni buyurish zarur bo'lsa, emizishni to'xtatish masalasini hal qilish kerak. Pediatriyada qo'llanilishi 18 yoshgacha bo'lgan bolalar va o'smirlar uchun xavfsizligi bo'yicha yetarli ma'lumotlar yo'q. Preparatni bolalar ololmaydigan joyda saqlash va yaroqlilik muddati o'tgach ishlatmaslik kerak. Homiladorlikda preparatni faqat ko'rsatmalar bo'yicha va foyda/xavf nisbatini sinchiklab baholagandan so'ng qo'llash mumkin. Trimetazidin ona suti bilan ajralib chiqadimi noma'lum. Shuning uchun, laktatsiya davrida preparatni buyurish zarur bo'lsa, emizishni to'xtatish masalasini hal qilish kerak.