Har bir preparat ampulasi (200 mg) quyidagilarni o‘z ichiga oladi Faol moddalar: Adenozin trifosfat dinatriy tuzi (ATF) – 10 mg, kokarboksilaza g/x - 50 mg, nikotinamid - 20 mg, sianokobalamin - 0,5 mg. Yordamchi moddalar: Glitsin, metilparagidroksibenzoat. Har bir erituvchi ampulasi (2 ml) quyidagilarni o‘z ichiga oladi Faol modda: Lidokain g/x - 10 mg. Yordamchi modda: Inyeksiya uchun suv.

Turli kelib chiqishli nevrit va nevralgiyalar; neyropatiyalar (shu jumladan qandli diabet, pernisioz anemiya holatida) va angiopatiyalar; lumbago va radikulit; mialgiya va ishiyalgiya; bursit va tendinitlar; yurak ishemik kasalligi, miokardit va miokardiopatiyalar; homiladorlarda toksikoz va homila gipoksiyasi; yurak-qon tomir tizimining surunkali kasalliklarini kompleks davolash.

Preparat komponentlariga yuqori sezuvchanlik. Giperkogulyatsiya (shu jumladan o'tkir trombozlarda), eritremiya, eritrotsitoz, arterial gipertenziyaning og'ir shakllari, arterial gipotenziya, o'tkir miokard infarkti, o'pka yallig'lanish kasalliklari.

Preparat eritmasi to‘g‘ridan-to‘g‘ri yuborishdan oldin tayyorlanadi. Mushak ichiga yuboriladi. Har kuni yoki kun ora 1–2 ampula preparat qabul qilinadi.

Bosh og‘rig‘i, bosh aylanishi, taxikardiya, allergik reaksiyalar. Yuborilgan joyda giperemiya, qichishish, shish. Aniq namoyon bo‘lgan nojo‘ya ta’sirlar rivojlanganda preparat bekor qilinadi.

Preparat metabolik moddalari va vitaminlar kompleksidan iborat. Adenozin trifosfat dinatriy tuzi (ATF) – adenozindan hosil bo‘lgan, metabolik jarayonlarni stimulyatsiya qiluvchi modda. Gipotenziya va antiaritmik, tomirlarni kengaytiruvchi ta’sir ko‘rsatadi, shu jumladan koronar tomirlarga ham. Kokarboksilaza – koferment bo‘lib, organizmda tashqaridan keladigan tiamin (vitamin V1) dan hosil bo‘ladi. Uglevod almashinuvda muhim rol o‘ynaydi, karboksilaza fermenti tarkibiga kiradi, u α-ketokislotalarning karboksillanishi va dekarboksillanishini katalizlaydi. Bilvosita nuklein kislotalar, oqsillar va lipidlar sinteziga yordam beradi. Organizmda sut va pirouzum kislotasi darajasini pasaytiradi, glyukozaning o‘zlashtirilishiga yordam beradi. Nerv to‘qimalarining trofikasini yaxshilaydi. Sianokobalamin (vitamin V12) – organizmda faol shaklga – adenozilkobalamin yoki kobamidga aylanadi, u yuqori biologik faollikka ega. Organizmda oqsil sintezini oshiradi va uning to‘planishiga yordam beradi. Uglevod va lipid almashinuvini faollashtiradi. Qonda XS darajasini pasaytiradi, jigar yog‘li infiltratsiyasini oldini oladi. Qon yaratuvchi organlarning normal faoliyati uchun zarur, eritrotsitlarda sulfgidril guruhlarini o‘z ichiga olgan birikmalar to‘planishiga yordam beradi, ularning gemolizga chidamliligini oshiradi. To‘qimalarning regeneratsiya qobiliyatini oshiradi. Jigar va asab tizimi, arteriyalar funksiyasiga ijobiy ta’sir ko‘rsatadi. Nikotinamid – vitamin RRning bir shakli, hujayrada oksidlanish-qaytarilish jarayonlarida ishtirok etadi, uglevod va azot almashinuvini yaxshilaydi, lipid almashinuvini normallashtiradi, qonda aterogen lipoproteinlar darajasini pasaytiradi.