Oq terak 750 mg Qalqonsimon shirinmiya 550 mg Xushbo'y binafsha 100 mg Oddiy arpabodiyon 75 mg Adxatoda tomirli 300 mg Xitoy choyi 125 mg Dori valeriana 100 mg Evkalipt sharsimon 35 mg.

"Insti" o'simlik granulalari ehtiyotkorlik bilan tanlangan o'simliklardan iborat optimal muvozanatli tarkib bo'lib, kuchli og'riq qoldiruvchi, isitmani tushiruvchi, balg'am ko'chiruvchi va dimlanishga qarshi ta'sirga ega. Ular birgalikda keng antimikrob ta'sir doirasiga ega va hatto gripp kabi virusli infeksiyalarga qarshi ham samaradorligi isbotlangan. INSTI granulali shaklda issiq suvda oson eriydi. Insti komponentlarining xos xususiyatlari OQ TERAK Oq terak po‘stlog‘i salitsin saqlaydi va og‘riq hamda isitmada davolash uchun ishlatiladi. Salitsin preparatning og'riq qoldiruvchi, isitmani tushiruvchi, dezinfektsiyalovchi va antiseptik xususiyatlarini kuchaytiradi. ADXATODA TOMIRLI Achchiq uchmaydigan alkaloid vasicin saqlaydi, bu Instining antiseptik xususiyatlarini ta'minlaydi va a'lo balg'am ko'chiruvchi ta'sirga ega. QALQONSIMON SHIRINMIYA Trakeal shilliq qavat sekretsiyasini rag'batlantirish orqali yumshatuvchi va balg'am ko'chiruvchi ta'sir ko'rsatadi. XUSHBO'Y BINAFSHA Antigistamin, balg'am ko'chiruvchi va isitmani tushiruvchi vosita hisoblanadi. DORI VALERIANA Tinchlantiruvchi vosita bo'lib, bosh og'rig'i, yo'tal, titroqda yordam beradi. ODDIY ARPABODIYON Nafas yo'llari kasalliklarida, xususan astma va bronxitda yordam beradi. EVKALIPT SHARSIMON Antiseptik va balg'am ko'chiruvchi ta'siri bilan yordam beradi. XITOY CHOYI Teofillin saqlaydi, u bronxlarni kengaytiruvchi ta'sir ko'rsatadi. Shuningdek, bosh og'rig'ini kamaytiradi. INSTI - turli etiologiyali yo'tal, shamollash, gripp, isitma, bosh va jismoniy og'riqlarda universal ta'sirga ega tez eriydigan granulalardir. INSTI - yoqimli ta'mga ega, faqat dori o'simliklaridan olingan ekstraktlarni o'z ichiga olgan va har qanday sintetik va kimyoviy moddalardan xoli preparatdir. INSTI - narkotik emas, odat hosil qilmaydigan preparat bo'lib, kattalar va bolalar tomonidan xavfsiz ishlatilishi mumkin.

Granulalar tarkibida saxaroza mavjud, bu esa qandli diabet bilan og'rigan bemorlar, shuningdek, past kaloriyali dieta tutayotganlar uchun hisobga olinishi kerak. Preparatni yaroqlilik muddati tugaganidan so'ng qo'llash mumkin emas va bolalar ololmaydigan joyda saqlash lozim. 

Preparatni emizish davrida qo'llash zarur bo'lsa, emizishni to'xtatish tavsiya etiladi. Homiladorlik davrida preparatni qo'llash mumkin emas.

Preparatni qabul qilish davrida avtotransport boshqarish yoki mexanizmlar bilan ishlashdan voz kechish lozim.  12 yoshgacha bo'lgan bolalarga preparat buyurilmaydi. 

 

Preparatni boshqa yo'talga qarshi vositalar, shuningdek, balg'am hosil bo'lishini kamaytiruvchi dori vositalari bilan bir vaqtda qo'llash tavsiya etilmaydi.

Yurak glikozidlari, antiaritmik preparatlar (xinidin), tiazid va ilgak diuretiklari, adrenokortikosteroidlar va ich ketkazuvchi vositalar bilan bir vaqtda qo'llash gipokaliemiyani kuchaytirishi mumkin. Tarkibida arpabodiyon bo'lgan preparatlarning ortiqcha dozalari, estrogen faolligi tufayli, terapiya natijalariga, homiladorlikka qarshi tabletkalarni qo'llashga ta'sir qilishi mumkin. Spirtli ichimliklar, sedativlar, uyqu dorilari, gipotenziya vositalari, anksiolitik va spazmolitik vositalarning ta'sirini kuchaytiradi.

Har qanday boshqa dori vositalarini bir vaqtda qo'llash zarur bo'lsa, shifokor bilan maslahatlashing.

 

Nojo'ya ta'sirlar kuchayishi mumkin.

Sintomlarga quyidagilar kiradi: ko'ngil aynishi, qusish, diareya, terida allergik toshmalar, suv-elektrolit muvozanatining buzilishi, natijada gipokaliemik miopatiya va mioglobinuriya rivojlanishi mumkin; tushkunlik hissi, tez charchash, uyquchanlik, bosh aylanishi, bosh og'rig'i, bradikardiya, qon ivishining oshishi.

Davolash: oshqozonni yuvish, simptomatik terapiya.