Preparat polivalent antigen kompleks, bakteriyalar lizatlarining aralashmasi bo‘lib, tarkibi og‘iz bo‘shlig‘i va halqumda yallig‘lanish jarayonlarini eng ko‘p chaqiradigan qo‘zg‘atuvchilarga mos keladi.

Bitta tabletkada:

Faol komponent: Imudon® (bakteriyalar lizatlarining aralashmasi) - 2,7 mg (quruq modda hisobida); jumladan: bakteriyalar lizatlari: [L. acidophilus + L. delbrueckii ss lactis + L. helveticus + L. fermentum + S. pyogenes groupe A + S. sanguis groupe H + S. aureus + E. faecium + E. faecalis + K. pneumoniae ss pneumoniae + F. nucleatum ss fusiforme + C. pseudodiphtheriticum + C. albicans] - 0,1575 mg; yordamchi moddalar: glitsin - 2,0 mg; natriy dezoksixolat - 0,53 mg; tiomersal - 0,0125 mg dan ko‘p emas.

Yordamchi moddalar: glitsin - 47,3 mg, laktosa monogidrat - 350 mg, mannitol - 100 mg, natriy saxarinat - 1,12 mg, povidon - 10 mg, natriy gidrokarbonat - 30,0 mg, limon kislotasi suvdan holi - 23,0 mg, yalpiz aromatizatori - 8,0 mg, magniy stearat - 4,88 mg. 

Og'iz bo'shlig'i va halqumning infeksion-yallig'lanish kasalliklarini davolash va oldini olish:
• faringit;
• surunkali tonzillit;
• tonzillektomiyadan oldin tayyorlash va operatsiyadan keyingi davr;
• yuzaki va chuqur parodontozlar, parodontit, stomatit (jumladan, aftoz),
glossit;
• eritematoz va yara bilan kechuvchi gingivit;
• og'iz bo'shlig'i disbakteriozi;
• tishlarni olib tashlashdan, sun'iy tish ildizlarini implantatsiyadan keyingi infeksiyalar;
tish protezlari sababli yuzaga kelgan yaralar.

Kattalar va 14 yoshdan katta o'smirlar uchun.

Og'iz bo'shlig'i va halqumning o'tkir yallig'lanish kasalliklari hamda surunkali kasalliklarning zo'rayishi da preparat kuniga 8 tabletka qabul qilinadi. Tabletkalar og'iz bo'shlig'ida so'riladi (chaynamasdan) 1-2 soat oralig'ida. Davolash kursining o'rtacha davomiyligi 10 kun.

Og'iz bo'shlig'i va halqumning surunkali yallig'lanish kasalliklarining zo'rayishini oldini olish uchun preparat kuniga 6 tabletka qabul qilinadi. Tabletkalar og'iz bo'shlig'ida so'riladi (chaynamasdan) 2 soat oralig'ida. Kurs davomiyligi 20 kun. Imudon bilan profilaktik davolash kurslarini yiliga 3-4 marta o'tkazish tavsiya etiladi.

Otorinolaringologiya, stomatologiyada mahalliy qo'llash uchun immunostimulyator vosita

Dori vositasini qo'llash sohasi: Og'iz bo'shlig'i va halqumning infeksion-yallig'lanish kasalliklarini davolash va oldini olish

 

  

Homiladorlik va laktatsiya davrida qo‘llanilishi

Imudonning homilador ayollarda qo‘llanishi bo‘yicha ma’lumotlar yetarli emas. Hayvonlarda o‘tkazilgan eksperimentlar va epidemiologik tadqiqotlar bo‘yicha mos ma’lumotlar mavjud emas.

Homiladorlik yoki laktatsiya davrida Imudon® qabul qilish tavsiya etilmaydi.

Avtomobil va boshqa mexanizmlarni boshqarish qobiliyatiga ta’siri

Davolash davrida avtomobil yoki boshqa mexanizmlarni boshqarish bilan bog‘liq faoliyatni cheklash zarurligini ko‘rsatuvchi ma’lumotlar yo‘q.