Immunal — bu o‘simlik xomashyosi asosida tayyorlangan immunostimulyator preparatdir. Immunal tabletkalarining faol moddasini gullayotgan echinatsiya purpurnaya (Echinacea purpurea (L.) Moench) yangi o‘rilgan o‘simlik sharbati quritilgan holatda tashkil etadi. Echinatsiya purpurnayaning faol moddalari organizmning tabiiy himoya kuchlarini kuchaytiradi va immunitetning noxos stimulyatorlari sifatida ta’sir qiladi. Leykotsitlar (granulotsitlar va makrofaglar) sonini oshirib va fagotsitozni faollashtirib, ular kasallik qo‘zg‘atuvchi mikroorganizmlarni yo‘q qilishga yordam beradi. Bundan tashqari, echinatsiya purpurnayaning gripp va gerpes qo‘zg‘atuvchilariga nisbatan virusga qarshi ta’siri aniqlangan.

1 tabletka tarkibida 80 mg quritilgan sharbat mavjud bo‘lib, u gullayotgan echinatsiya purpurnaya (Echinacea purpurea (L.) Moench, herba, succus siccum, 31-601) yangi o‘rilgan o‘simlikdan olingan. Yordamchi moddalari: magniy stearati, laktosa monogidrat, kremniy dioksid kolloid anhidrid, natriy saxarinat, vanilin, gilos aromati.

immunitetni stimulyatsiya qilish; sovuq tegish va grippning oldini olish va ularni tezroq davolash; nafas yo'llarining asoratsiz virusli va bakterial kasalliklarida simptomlarni yengillashtirish (burun oqishi, tomoq yallig'lanishi, yo'tal, holsizlik); surunkali infeksion kasalliklarni uzoq muddatli antibiotikoterapiyasida yordamchi dori vositasi sifatida.

Davolashni kasallikning dastlabki belgilarida boshlash kerak. Kattalar va 12 yoshdan katta o'smirlar, shuningdek, keksalar kuniga 3–4 marta 1 tadan tabletka qabul qiladilar. Og'iz orqali qabul qilish uchun. Tabletkani suv bilan ichish kerak. Ovqatdan qat'i nazar qabul qilinadi. Qabul qilish davomiyligi Qisqa muddatli profilaktika va davolash uchun preparatni uzluksiz 10 kun davomida qabul qilish tavsiya etiladi. Kursni 14 kunlik tanaffusdan oldin takrorlash mumkin emas. Agar simptomlar kuchaysa yoki 10 kundan ko'proq davom etsa, shifokor yoki farmatsevtga murojaat qilish kerak.

Barcha dori vositalari kabi, Immunal tabletkalari ham nojo'ya ta'sirlarni keltirib chiqarishi mumkin, garchi ular har doim ham har bir bemorda rivojlanmaydi. Nojo'ya ta'sirlar tez-tezligi noma'lum. Ayrim hollarda gipersensitivlik reaksiyalari (terida toshma, qichishish, bronxospazm obstruksiya va astma bilan), angionevrotik teri shishi, Kvinke shishi, Stivens–Jonson sindromi (allergik reaksiya natijasida og'riqli teri reaksiyasi), anafilaktik shok yuzaga kelishi mumkin. Bunday hollarda darhol dori qabulini to'xtating va shifokoringizga murojaat qiling. Preparat atopi bo'lgan bemorlarda allergik reaksiyalarni chaqirishi mumkin. Avtoimmun kasalliklar (tarqalgan skleroz, tugunli eritema, avtoimmun trombotsitopeniya, Evans sindromi, buyrak kanallari disfunktsiyasi bilan kechuvchi Sjogren sindromi) bilan bog'liqligi tasvirlangan. Uzoq muddatli qo'llanilganda (8 haftadan ko'proq) leykotsitlar sonining kamayishi (leykopeniya) tasvirlangan. Agar biror nojo'ya ta'sir jiddiy bo'lsa yoki ushbu varaqada ko'rsatilmagan nojo'ya ta'sirlarni sezsangiz, bu haqda shifokor yoki farmatsevtga xabar bering.