Bosh og‘rig‘i, migren, tish og‘rig‘i, nevralgiya, mushak va bo‘g‘imlardagi og‘riqlar, hayz og‘riqlari. Ibufleks 400, og‘riq qoldiruvchi va yallig‘lanishga qarshi vosita sifatida, revmatoid artritni (shu jumladan, yuvenil revmatoid artrit yoki Still kasalligi), ankilozlovchi spondilit, osteoartrit va boshqa norevmatoid (seronegativ) artropatiyalarni davolashda buyuriladi. Ibufleks 400 bo‘g‘im atrofidagi kasalliklarni, masalan, yelka-lopata periartriti, bursit, tendinit va tendosinovitni davolash uchun buyuriladi. 

 Siptomlar: qorin og'rig'i, ko'ngil aynishi, qusish, sekinlashuv, uyquchanlik, depressiya, bosh og'rig'i, quloqda shovqin, metabolik atsidoz, koma, o'tkir buyrak yetishmovchiligi, arterial bosimning pasayishi, bradikardiya, taxikardiya, bo'lmachalar fibrillyatsiyasi, nafas to'xtashi.
Davolash: me'dani yuvish (faqat qabul qilingandan keyin bir soat ichida), faollashtirilgan ko'mir, ishqoriy ichimlik, majburiy diurez, simptomatik terapiya (kislota-ishqor muvozanatini, arterial bosimni tuzatish). 

 Quyidagi dori vositalarini qabul qilayotgan bemorlarga ehtiyotkorlik bilan yondashish kerak, chunki ular bilan ibuprofen o‘zaro ta’siri holatlari qayd etilgan.
Antigipertenziv vositalar, beta-blokatorlar va diuretiklar: NPVPlar antigipertenziv vositalar, masalan, APF ingibitorlari, beta-blokatorlar va diuretiklarning ta’sirini kamaytirishi mumkin.
Diuretiklar: NPVP toksikligini oshirish xavfini kuchaytirishi mumkin.
Yurak glikozidlari: NPVP yurak yetishmovchiligini kuchaytirishi, glomerulyar filtrlatsiya tezligini (GFT) kamaytirishi va yurak glikozidlarining plazmadagi darajasini oshirishi mumkin.
Xolestiramin: ibuprofen va xolestiramin birga buyurilganda, ibuprofenning me’da-ichak yo‘llarida so‘rilishi kamayishi mumkin, biroq bu klinik jihatdan isbotlanmagan.
Litiy: litiy chiqarilish tezligi kamayadi.
Metotreksat: NPVP metotreksatning kanalchali sekretsiyasini ingibitsiyalashi va metotreksat klirensini kamaytirishi mumkin.
Siklosporin: nefrotoksiklik xavfi oshadi.
Mifepriston: NPVPning antiprostaglandin xususiyatlari tufayli dori vositasining samaradorligi nazariy jihatdan kamayishi mumkin. Cheklangan ma’lumotlar shuni ko‘rsatadiki, prostaglandin qo‘llanilgan kuni NPVP birga qo‘llanilganda mifepriston yoki prostaglandinlarning bachadon bo‘ynining ochilishiga salbiy ta’siri va tibbiy abortning klinik samaradorligini kamaytirishi kuzatilmaydi.
Boshqa analgetiklar va selektiv siklooksigenaza-2 ingibitorlari: Ikki yoki undan ortiq NPVP, jumladan, COX-2 ingibitorlarini birga qo‘llashdan saqlanish kerak, chunki bu nojo‘ya ta’sirlar xavfini oshirishi mumkin.
Aspirin: Boshqa NPVP saqlovchi mahsulotlar kabi, ibuprofen va aspirinni birga qo‘llash tavsiya etilmaydi, chunki yangi nojo‘ya reaksiyalar paydo bo‘lishi mumkin.
Eksperimental ma’lumotlar shuni ko‘rsatadiki, ibuprofen past doza aspirinning trombotsitlar agregatsiyasiga ta’sirini birga buyurilganda ingibitsiyalashi mumkin.
Kortikosteroidlar: NPVP bilan birga qo‘llanganda me’da-ichak yarasi yoki qon ketishi xavfi oshadi.
Antikoagulyantlar: NPVP varfarin kabi antikoagulyantlarning ta’sirini kuchaytirishi mumkin.
Xinolon antibiotiklari: hayvonlarda o‘tkazilgan sinovlar shuni ko‘rsatadiki, NPVP xinolon antibiotiklari bilan bog‘liq tutqanoqlar xavfini oshirishi mumkin. NPVP va xinolonlarni qabul qilayotgan bemorlarda tutqanoq rivojlanish xavfi oshishi mumkin.
Sulfonilmochevina preparatlari: NPVP sulfonilmochevina preparatlarining ta’sirini kuchaytirishi mumkin. Sulfonilmochevina preparatlari va ibuprofenni birga qabul qilgan bemorlarda gipoglikemiya holatlari kamdan-kam qayd etilgan.
Antitrombotsitar vositalar va selektiv serotonin qayta qabul qilinishining ingibitorlari (SSRI): NPVP bilan birga qo‘llanganda me’da-ichak qon ketish xavfi oshadi.
Zidovudin: NPVP bilan birga qabul qilinganda gematologik toksiklik xavfi oshadi. Gemofiliyadan aziyat chekayotgan OIV-infeksiyalangan bemorlarda zidovudin va ibuprofenni birga qabul qilganda gemartroz va gematoma rivojlanish xavfi oshganligi haqida ma’lumotlar mavjud.
Aminoglikozidlar: NPVP aminoglikozidlarning chiqarilishini sekinlashtirishi mumkin.
Dorivor o‘simlik ekstraktlari: Ginkgo biloba NPVP bilan birga qo‘llanganda qon ketish xavfini oshirishi mumkin. CYP2C9 ingibitorlari: Ibuprofenni CYP2C9 ingibitorlari bilan birga qo‘llash ibuprofen ta’sirini kuchaytirishi mumkin. Vorikonazol ibuprofenning Cmax va AUC (400 mg bir marta) ni mos ravishda 20 % va 100 % ga oshiradi. Vorikonazol va ibuprofen birga qo‘llanganda bemorlarni mumkin bo‘lgan toksik ta’sirlarni aniqlash uchun kuzatish kerak.