Kontakt linzalarni taqqanda; Ko'zda achishish, qurishish, noqulaylik paydo bo'lganda; Ko'zga kuchli zo'riqish bo'lganda (uzoq vaqt rulda, kompyuter, telefon, televizor ekranlari oldida bo'lganda va h.k.); Quruq havo bo'lgan xonalarda, changli yoki tutunli (shu jumladan sigaret tutuni) joylarda, kimyoviy moddalar bilan ishlaganda va h.k.; Quyosh, shamol uzoq vaqt ta'sir qilganda; Avtotransportni uzoq vaqt boshqarganda; 60 yoshdan oshgan shaxslarda; Ko'zdan yosh ajralishi kamaygan yoki ko'z yuzasidan namlik tez bug'lanib ketganda; Ayollarda gormonal buzilishlar (menopauza va postmenopauza davrida, homiladorlikda, emizishda, shuningdek hayz ko'rishda); Ko'rish zo'riqishi oshgan va diqqatni jamlash talab etiladigan zargarlik, go'zallik sohasidagi ustalar va shunga o'xshash kasblarda; Ko'zga operatsiya yoki mexanik shikast yetkazilgandan so'ng; Ba'zi dori vositalarini, masalan, allergiyaga qarshi preparatlar, kontratseptivlar, spazmolitiklar, beta-blokatorlar va boshqalarni qabul qilganda; Ko'zning infeksion-yallig'lanish va boshqa kasalliklari o'tkazilganda; Qalqonsimon bez muammolari va diabet, revmatoid artrit kabi kasalliklar mavjud bo'lsa.

Tibbiy buyum tarkibiy qismlariga individual yuqori sezuvchanlik.

Ko'z tomchilari kon'yunktival qopchaga tomizish uchun mo'ljallangan. Tibbiy buyumdan kun davomida zaruratga qarab 1-2 tomchi tomiziladi, og'riqli simptomlar bartaraf bo'lguncha qo'llaniladi.

Tibbiy buyumni qo'llashdan oldin kontakt linzalarni yechish va tibbiy buyumni qo'llaganingizdan keyin kamida 15 daqiqadan so'ng qayta taqish tavsiya etiladi.