• faol modda: insulin lizpro 100 ME;
• yordamchi modda: glitserol (glitserin) 16 mg, metakrezol 3,15 mg, sink oksidi q.s. Zn++ miqdori uchun 0,0197 mg, natriy gidroforfat geptegidrat 1,88 mg, xloridvodorod kislotasi eritmasi 10% va/yoki natriy gidroksidi eritmasi 10% q.s. pH 7,0-8,0 gacha, in'ektsiya uchun suv q.s. 1 ml gacha.

Xumalog® preparati dozasini shifokor har bir bemor uchun qon glyukozasi kontsentratsiyasiga qarab individual ravishda belgilaydi. Insulin yuborish tartibi individual. Xumalog® preparatini ovqatdan sal oldin yuborish mumkin. Zarur bo‘lsa, Xumalog® preparatini ovqatdan keyin ham tez orada yuborish mumkin. Yuboriladigan preparat harorati xona haroratiga mos bo‘lishi kerak. Xumalog® preparatini teri ostiga in'ektsiya tarzida yoki insulinni uzluksiz teri ostiga infuziya qilish uchun insulin pompasi yordamida yuborish kerak. Zarur bo‘lsa (ketoatsidoz, o‘tkir kasalliklar, operatsiyalar oralig‘i yoki operatsiyadan keyingi davrda) Xumalog® preparatini tomir ichiga ham yuborish mumkin. Teri ostiga yuborishda yelka, son, dumba yoki qorin sohasiga yuborish kerak. In'ektsiya joylarini shunday almashtirish kerakki, bir joydan ko‘pi bilan taxminan oyiga bir marta foydalanilsin. Xumalog® preparatini teri ostiga yuborishda preparat qon tomiriga tushib ketmasligiga ehtiyot bo‘lish kerak. In'ektsiyadan so‘ng in'ektsiya joyini massaj qilish mumkin emas. Bemor in'ektsiyani to‘g‘ri bajarish texnikasiga o‘rgatilgan bo‘lishi kerak. Xumalog® preparatini yuborish bo‘yicha yo‘riqnoma a) Yuborishga tayyorgarlik Xumalog preparati eritmasi tiniq va rangsiz bo‘lishi kerak. Xumalog® preparati eritmasi loyqa, quyuqlashgan, biroz rangli yoki ko‘zga ko‘rinadigan qattiq zarrachalar bo‘lsa, ishlatilmaydi. Kapsulani shprits-ruchkaga o‘rnatishda, ignani biriktirishda va insulin in'ektsiyasini bajarishda har bir shprits-ruchkaga ilova qilingan ishlab chiqaruvchi yo‘riqnomalariga amal qilish kerak. b) Yuborish Qo‘llarni yuvib oling. In'ektsiya joyini tanlang. In'ektsiya joyidagi terini artib oling. Ignadan qopqog‘ini olib tashlang. Terini tarang qilib yoki katta burmaga yig‘ib mahkamlang. Ignani shprits-ruchkadan foydalanish bo‘yicha yo‘riqnoma asosida kiriting. Tugmani bosing. Ignani chiqarib oling va in'ektsiya joyini bir necha soniya davomida paxta tampon bilan ehtiyotkorlik bilan bosib turing. In'ektsiya joyini ishqalash mumkin emas. Ignaning himoya qopqog‘i yordamida ignani burab olib tashlang va utilizatsiya qiling. In'ektsiya joylarini shunday almashtiringki, bir joydan ko‘pi bilan taxminan oyiga bir marta foydalanilsin. Xumalog® preparati uchun KwikPen™ shprits-ruchkasida Insulin yuborishdan oldin KwikPen™ shprits-ruchkasidan foydalanish bo‘yicha Qo‘llanma bilan tanishib chiqing. v) Insulinni tomir ichiga yuborish Xumalog® preparatini tomir ichiga in'ektsiya qilish odatdagi klinik amaliyotga muvofiq, masalan, tomir ichiga bolyus tarzida yoki infuziya tizimi yordamida amalga oshiriladi. Bunda qon glyukozasi kontsentratsiyasini tez-tez nazorat qilish talab etiladi. 0,1 XE/ml dan 1,0 XE/ml gacha bo‘lgan lizo pro insulini kontsentratsiyasidagi infuziya tizimlari 0,9% natriy xlorid eritmasida yoki 5% dekstroza eritmasida xona haroratida 48 soat davomida barqaror bo‘ladi. g) Insulinni insulin pompasi yordamida teri ostiga infuziya qilish Xumalog® preparatini infuziya qilish uchun Minimed va Disetronic insulin infuziya pompalaridan foydalanish mumkin. Pompa bilan birga berilgan yo‘riqnomaga qat'iy amal qilish kerak. Infuziya tizimini har 48 soatda almashtirish kerak. Infuziya tizimini ulashda aseptika qoidalariga rioya qilinadi. Gipoglikemiya epizodi yuzaga kelsa, infuziya epizod bartaraf etilgunga qadar to‘xtatiladi. Agar qon glyukozasi juda past bo‘lsa, bu haqda shifokorga xabar berish va insulinni infuziya qilishni kamaytirish yoki to‘xtatishni ko‘zda tutish kerak. Pompa nosozligi yoki infuziya tizimi tiqilib qolishi glyukoza kontsentratsiyasining tez ko‘tarilishiga olib kelishi mumkin. Insulin yuborilishi buzilganiga shubha tug‘ilganda, yo‘riqnomaga amal qilish va zarur bo‘lsa, shifokorga xabar berish kerak. Pompa qo‘llanilganda Xumalog® preparatini boshqa insulillar bilan aralashtirish mumkin emas.

Gipoglikemik ta'sir kuchi quyidagi dori vositalari bilan birga buyurilganda kamayadi: og'iz orqali kontratseptivlar, glyukokortikosteroidlar, yod saqlovchi qalqonsimon bez gormonlari, danazol, beta2-adrenomimetiklar (masalan, ritodrin, salbutamol, terbutalin), tritsiklik antidepressantlar, tiazid diuretiklar, xlorprotiksen, diazoksid, izoniazid, litiya karbonat, nikotin kislotasi, fenotiazin hosilalari. Gipoglikemik ta'sir kuchi quyidagi dori vositalari bilan birga buyurilganda oshadi: beta-adrenoblokatorlar, etanol va etanol saqlovchi preparatlar, anabolik steroidlar, fenfluramin, guanetidin, tetratsiklinlar, og'iz orqali gipoglikemik preparatlar, salitsilatlar (masalan, atsetilsalitsil kislotasi), sulfanilamid antibiotiklari, ba'zi antidepressantlar (monoaminooksidaza ingibitorlari), angiotenzin aylantiruvchi ferment ingibitorlari (kaptopril, enapril), oktreotid, angiotenzin II retseptor antagonistlari. Humalog® preparatini hayvon insulini preparatlari bilan aralashtirish mumkin emas. Boshqa dori vositalari Humalog® preparati bilan birga qabul qilinsa, shifokor bilan maslahatlashing. Shifokor tavsiyasiga ko'ra Humalog® preparatini uzoq ta'sir qiluvchi inson insulini yoki og'iz orqali qabul qilinadigan sulfonilmochevina preparatlari bilan birga qo'llash mumkin. Agar insulinga qo'shimcha ravishda boshqa dori vositalarini qo'llash zarur bo'lsa, shifokor bilan maslahatlashing.

Dozalashdan oshib ketish gipoglikemiya simptomlarining rivojlanishi bilan kechadi: loqaydlik, ortiqcha terlash, ochlik hissi, tremor, taxikardiya, bosh og‘rig‘i, bosh aylanishi, ko‘rishning buzilishi, qusish, ongning chalkashishi. Yengil gipoglikemik epizodlar og‘iz orqali glyukoza yoki boshqa shakar, yoki shakar saqlovchi mahsulotlarni qabul qilish bilan bartaraf etiladi (doimo kamida 20 g glyukoza o‘zi bilan olib yurish tavsiya etiladi). O‘tkazilgan gipoglikemiya haqida davolovchi shifokorga xabar berish zarur. O‘rtacha og‘irlikdagi gipoglikemiyani tuzatish glyukagonni mushak ichiga yoki teri ostiga yuborish orqali, bemorning holati barqarorlashgandan so‘ng esa og‘iz orqali uglevodlarni qabul qilish bilan amalga oshirilishi mumkin. Glyukagonga javob bermaydigan bemorlarga vena ichiga dekstroza (glyukoza) eritmasi yuboriladi. Agar bemor komatoz holatda bo‘lsa, glyukagon mushak ichiga yoki teri ostiga yuborilishi kerak. Glyukagon mavjud bo‘lmasa yoki uning yuborilishiga javob bo‘lmasa, vena ichiga dekstroza eritmasi yuborish zarur. Ong tiklangandan so‘ng darhol bemorga uglevodlarga boy ovqat berish kerak. Gipoglikemiyaning qaytalanishi mumkinligi sababli, bemorga keyingi uglevodlarni qo‘llab-quvvatlovchi qabul qilish va kuzatuv talab qilinishi mumkin. O‘tkazilgan gipoglikemiya haqida davolovchi shifokorga xabar berish zarur.