Dumaloq, yassi tabletkalar, to'q sariqdan och to'q sariq ranggacha, bir tomonida ajratish chizig‘i mavjud. Tabletkalar yuzasida to'q sariq va oq dog‘lar bo‘lishi mumkin.

1 tabletka tarkibida: faol moddalari: paratsetamol - 500 mg, kafein - 30 mg, fenilefrin gidroxlorid - 10 mg, xlorfeniramin maleat - 2 mg; yordamchi moddalari: makkajo‘xori kraxmali, natriy kraxmalglikolat, quyosh botishi sariq bo‘yoq, tozalangan suv, povidon (PVP K-30), tozalangan talk, kolloid suvdan holi kremniy dioksidi, magniy stearat.

gripp va boshqa o‘tkir respirator kasalliklar, shamollash, isitma, bosh va mushak og‘rig‘i, burun oqishi, allergik komponent sifatida aksirish, ko‘zdan yosh oqishi, burun bitishi (shilliq qavatning shishishi) bilan kechuvchi simptomlarni davolash; tish va bosh og‘rig‘i, tomoq og‘rig‘i; artralgiya; mialgiya; nevralgiya; migran; rinit, allergik rinit; rinofaringit; burun atrofidagi bo‘shliqlarning yallig‘lanishi; algodismenoreya; travma va kuyishlardagi og‘riq.

preparat tarkibiy qismlariga yuqori sezuvchanlik; boshqa preparatlar bilan bir vaqtda qabul qilish, tarkibida preparat tarkibiga kiruvchi moddalar mavjud bo'lgan; bir vaqtda trisiklik antidepressantlar, monoaminooksidaza ingibitorlari (shu jumladan bekor qilingandan keyin 14 kungacha), beta-adrenoblokatorlar qabul qilish; jigar va/yoki buyrak funksiyasining og'ir buzilishlari; homiladorlik va emizish davri; alkogolizm; og'ir arterial gipertenziya; barqaror bo'lmagan stenokardiya; miokard infarktining o'tkir davri; gipertireoz; dekompensatsiyalangan yurak yetishmovchiligi; yurak o'tkazuvchanligi buzilishi; o'tkir pankreatit; prostata bezining gipertrofiyasi; qandli diabetning og'ir shakllari; yopiq burchakli glaukoma. Preparat 6 yoshgacha bo'lgan bolalarga buyurilmaydi. Ehtiyotkorlik bilan buyuriladi: glyukoza-6-fosfatdegidrogenaza yetishmovchiligi, qon kasalliklari, jigar va/yoki buyrak yetishmovchiligi, prostata bezining yaxshi sifatli giperplaziyasi, Jilber sindromi, qalqonsimon bez kasalliklari, bronxial astma.

Gripp yoki shamollashning dastlabki belgilarida: kattalar uchun doza 1-2 tabletka kuniga 4 martagacha; 6 yoshdan 12 yoshgacha bo‘lgan bolalar uchun - 0,5 tabletka kuniga 4 martagacha 4-6 soatlik interval bilan. Davolash kursi 5 kundan oshmasligi kerak.

Preparat tavsiya etilgan dozalarda qabul qilinganda nojo‘ya ta’sirlar kamdan-kam hollarda yuzaga keladi. Odatda, preparat bemorlar tomonidan yaxshi o‘zlashtiriladi. Kamdan-kam hollarda preparatni qabul qilish davrida bemorlarda noxush ta’sirlar rivojlanishi mumkin. Nerv tizimi tomonidan: qo‘rquv hissi, diqqatni jamlash va fazoda yo‘nalishni buzilishi, sedatsiya, diskineziya, bosh aylanishi, uyqu buzilishi, uyquchanlik, qo‘zg‘aluvchanlikning oshishi, bosh og‘rig‘i, xavotir, bezovtalik, asabiylik. Tutqanoq, xulq-atvor buzilishlari va koma rivojlanishi mumkin. Ovqat hazm qilish tizimi va gepatobiliar tizim tomonidan: ko‘ngil aynishi, qusish, og‘iz qurishi, epigastral sohada og‘riq, anoreksiya, gipersalivatsiya, qizish, diareya, jigar fermentlari faolligining oshishi. Allergik reaksiyalar: (terida toshma, qichishish, eshakemi, angionevrotik shish), dispnoe, anafilaktik shok, Kvinke shishi, ekzema, Stivens-Djonson sindromi. Kamdan-kam hollarda: anemiya, trombotsitopeniya, leyopeniya, agranulositoz, pansitopeniya; arterial bosimning oshishi, yurak urishining tezlashishi, uxlab qolishning buzilishi; midriaz, akkomodatsiya parezi, ko‘z ichki bosimining oshishi; siydik tutilishi. Uzoq muddatli va yuqori dozalarda qo‘llanganda: gepatotoksik ta’sir; gemolitik yoki aplastik anemiya, metgemoglobinemiyalar, pansitopeniya; bronxoobstruksiya; interstitsial nefrite, papillyar nekroz.

Grippostop®ATM tabletkalari - bu bir nechta komponentlardan iborat bo‘lgan kombinatsiyalashgan preparat. Preparat umumiy holda antigistamin, analgezik, isitmani tushiruvchi va shishlarga qarshi ta’sirga ega. Paratsetamol: paratsetamol isitmani tushiruvchi va analgezik ta’sir ko‘rsatadi, prostaglandinlar sintezini ingibitsiya qiladi va gipotalamusning termoregulyatsiya markazi qo‘zg‘aluvchanligini pasaytiradi. Siklooksigenazani bloklaydi, bu prostaglandinlar sintezi to‘xtashiga olib keladi, isitmani tushiruvchi va analgezik ta’sir ko‘rsatadi. Xlorfeniramin maleat: H1-gistamin retseptorlarini bloklaydi. Xlorfeniramin maleat antiallergik va shishlarga qarshi ta’sirga ega, tomirlar o‘tkazuvchanligini kamaytiradi, burun shilliq qavatining shishini va giperemiyasini bartaraf etadi, allergik rinit simptomlarini bostiradi, nafas olishni yengillashtiradi. Fenilefrin gidroxlorid: asosan alfa-1-adrenoretseptorlar stimulyatori. Fenilefrin gidroxlorid tomirlarni toraytiruvchi ta’sir ko‘rsatadi, natijada burun bitishini bartaraf etishga va burundan ajralmalarni kamaytirishga yordam beradi. Tomirlarni toraytiruvchi effekt asosan yuqori nafas yo‘llari tomirlariga nisbatan namoyon bo‘ladi. Kofein: markaziy asab tizimiga stimulyatsion ta’sir ko‘rsatadi, paratsetamolning analgezik ta’sirini kuchaytiradi, charchoq va uyquchanlikni kamaytiradi, jismoniy va aqliy ish qobiliyatini oshiradi. Preparat, shuningdek, orqa miya reflektor qo‘zg‘aluvchanligini oshiradi, nafas olish va tomir harakat markazlarini qo‘zg‘atadi. Uning ta’sirida miya tomirlari torayadi, ayniqsa ularning kengayishi holatida, ergotamin so‘rilishi ham yaxshilanadi. Trombotsitlar agregatsiyasini kamaytiradi, me’da sekretsion faoliyatini oshiradi. Farmakokinetika Paratsetamol: me’da-ichak traktidan tez va deyarli to‘liq so‘riladi, asosan ingichka ichakda. 500 mg dozada bir martalik qabuldan so‘ng plazmadagi maksimal konsentratsiyaga 10-60 daqiqada erishiladi. Paratsetamol tez va bir tekisda organizm to‘qimalarining ko‘p qismiga taqsimlanadi. Qonda paratsetamolning taxminan 25% plazma oqsillari bilan bog‘lanadi. Paratsetamol mikrosomal fermentativ tizim yordamida jigar orqali metabolizmga uchraydi. Organizmda paratsetamolning taxminan 80-85% asosan glyukuron kislotasi bilan va kamroq darajada sulfat kislotasi bilan kon’yugatsiyaga uchraydi. Yarim chiqarilish davri 1-3 soatni tashkil etadi. Paratsetamol asosan paratsetamol glyukuronidi ko‘rinishida, kichik miqdorda paratsetamol sulfat va merkaptan hamda o‘zgarmagan holda siydik bilan chiqariladi. Fenilefrin: me’da-ichak traktida notekis so‘riladi va oson metabolizmga uchraydi. Og‘iz orqali qabul qilingandan so‘ng uning ta’siri 15-20 daqiqada namoyon bo‘ladi va 2-4 soat davom etadi. Fenilefrinning biologik o‘zlashtirilishi past. Fenilefrin so‘rilish davrida ichak devorlarida va jigarda biotransformatsiyaga uchraydi. Qo‘llanilgan dozaning 16% dan kamrog‘i o‘zgarmagan holda va metabolitlari bilan deyarli to‘liq siydik bilan chiqariladi. Xlorfeniramin maleat: me’da-ichak traktidan nisbatan sekin so‘riladi, plazmadagi cho‘qqi konsentratsiyaga og‘iz orqali qabul qilingandan so‘ng 2,5-6 soatda erishiladi. Uning biologik o‘zlashtirilishi past (25-50%). Xlorfeniramin birinchi o‘tish metabolizmiga sezilarli darajada uchraydi. Tizimli qon aylanishida xlorfeniraminning taxminan 70% plazma oqsillari bilan bog‘lanadi. Yarim chiqarilish davri 2 dan 43 soatgacha o‘zgaradi. Xlorfeniramin organizmda keng taqsimlanadi, markaziy asab tizimiga o‘tadi. Xlorfeniramin faol metabolizmga uchraydi. Metabolitlar orasida desmetil va desmetil xlorfeniramin mavjud. O‘zgarmagan xlorfeniramin va metabolitlar asosan siydik bilan chiqariladi. Ta’sir davomiyligi 4-6 soatni tashkil etadi. Bolalarda tezroq va sezilarli so‘rilish, tezroq klirens va qisqaroq yarim chiqarilish davri kuzatilgan. Kofein: og‘iz orqali qabul qilingandan so‘ng yaxshi so‘riladi. Plazmadagi maksimal konsentratsiyaga 15-45 daqiqada erishiladi. Kofein preparatning boshqa komponentlarining so‘rilishini yaxshilashi isbotlangan. Kofein organizm to‘qimalarida tez taqsimlanadi, platsentar va gematoentsefalik to‘siqdan oson o‘tadi. Dozaning taxminan 17-36% plazma oqsillari bilan bog‘lanadi. Kofein metabolizmida jigar sitoxrom R-450 (CYP) izofermenti 1A2 ishtirok etadi. Kattalarda preparat jigarda tez metabolizmga uchraydi va 1-metilur kislotasi va 7-metilksantinga aylanadi. Yarim chiqarilish davri taxminan 3 soatni tashkil etadi. Kofein va uning metabolitlari buyraklar orqali chiqariladi; kofein dozasining taxminan 1% o‘zgarmagan holda chiqariladi.

Siydik chiqarishda qiyinchilik bo‘lgan, bronxial astma, ko‘z ichki bosimi oshgan, qalqonsimon bez giprefunksiyasi bo‘lgan bemorlarga ehtiyotkorlik bilan qo‘llash kerak. Preparat tarkibiy qismlariga yuqori sezuvchanlik reaksiyasi paydo bo‘lsa, qabul qilishni to‘xtatish kerak. Agar preparat qabul qilinishiga qaramay kasallik simptomlari 3 kun davomida o‘tmasa, shifokorga murojaat qilish kerak. Uzoq muddat qo‘llanganda preparat nefrotoksik va gepatotoksik ta’sir ko‘rsatadi. Agar kasallik simptomlari 5 kun davomida o‘tmasa, shifokorga murojaat qilish kerak. Preparatni yaroqlilik muddati tugaganidan keyin qo‘llash mumkin emas va uni bolalar uchun yetib bo‘lmaydigan joyda saqlash kerak. Homiladorlik va laktatsiya davrida preparatni qo‘llash Homiladorlikda qo‘llash xavfsizligi aniqlanmagan. Preparatning oz miqdori sut bilan ajraladi. Shuning uchun emizikli onalarga qo‘llash tavsiya etilmaydi. Transport vositalarini va yuqori diqqatni talab qiluvchi mexanizmlarni boshqarish qobiliyatiga ta’siri Davolanish vaqtida preparat uyquchanlik yoki sekinlik chaqirishi mumkin, shu sababli avtomobil haydash yoki yuqori diqqat talab qiluvchi boshqa faoliyat bilan shug‘ullanish mumkin emas.

Kattalarda toksik ta'sir preparat tarkibida 10-15 g dan ortiq paratsetamol qabul qilinganda mumkin. Siptomlari: (paratsetamol bilan bog‘liq) teri rangparligi, ishtahaning pasayishi, ko‘ngil aynishi, qusish, gepatonekroz (intoksikatsiya natijasida nekrozning og‘irligi dozadan oshib ketish darajasiga bevosita bog‘liq), "jigar" transaminazalarining faolligining oshishi, protrombin vaqtining uzayishi (qabul qilingandan 12-48 soat o‘tib): jigar shikastlanishining to‘liq klinik manzarasi 1-6 kun ichida namoyon bo‘ladi. Kamdan-kam hollarda: jigar yetishmovchiligi chaqmoq tezligida rivojlanadi va buyrak yetishmovchiligi (tubulyar nekroz) bilan asoratlanishi mumkin. Davolash: dozani oshirib yuborganidan keyingi dastlabki 6 soat ichida - oshqozonni yuvish, SH-guruh donorlarini va glutation sintezi prekursorlarini - metioninni dozani oshirib yuborganidan 8-9 soat o‘tib, N-atsetilsisteinni 12 soatdan keyin yuborish. Qo‘shimcha terapevtik choralar (metioninni vena ichiga (v/i) kiritish, N-atsetilsisteinni yuborish) zarurati paratsetamolning qondagi konsentratsiyasi va uni qabul qilganidan keyin o‘tgan vaqtga bog‘liq.