glyukoza 50 g yoki 100 g. Yordamchi moddalari natriy xlorid, xlorid kislotaning 0,1 mol/l eritmasi, in'ektsiya uchun suv.

5% glyukoza eritmasi hujayraviy, hujayra tashqarisi va umumiy degidratatsiyada suyuqlik hajmini tez to‘ldirish uchun, shuningdek, qon o‘rnini bosuvchi va shokga qarshi suyuqliklar tarkibida qo‘llaniladi. 10% glyukoza eritmasi gipoglikemiya, infeksion kasalliklar, gepatit, jigar distrofiyasi va atrofiyasi, yurak faoliyatining dekompensatsiyasi, o‘pka shishi, gemorragik diatezlar, toksikoinfeksiyalar, intoksikatsiyalar (narkotiklar, siyanid kislotasi va uning tuzlari, uglerod oksidi, anilin, mishyakli vodorod, fosgen va boshqalar bilan zaharlanish), shok va kollapsda qo‘llaniladi. Qisman yoki to‘liq parenteral oziqlantirish.

Katta hajmdagi Glyukoza infuziyasi elektrolitlarni katta yo‘qotgan bemorlarda xavfli bo‘lishi mumkin. Giperglikemiya. Qandli diabet.

Izotonik glyukoza eritmasi (5%) teri ostiga, vena ichiga tomchilab, shuningdek, to‘g‘ri ichakka klizma ko‘rinishida, tomchilab 300-500 ml miqdorida yuboriladi. Gipertonik eritma (10%) faqat vena ichiga 20-40-50 ml miqdorida yuboriladi. Zarurat bo‘lsa, kuniga 300 ml gacha tomchilab yuboriladi. Glyukozaning to‘liq va tez o‘zlashtirilishi uchun teri ostiga 1 ED insulin 4-5 g glyukozaga hisoblab yuborish mumkin. Elektrolit muvozanatini nazorat qilish zarur! Qondagi shakar darajasini nazorat qilish zarur.

Eritmani ko‘p marta yuborishda jigar funksional holatining buzilishi va oshqozon osti bezining insulyar apparatining holsizlanishi mumkin. Yuborish joylarida yengil og‘riq, ba’zan tromboflebit.

Glyukoza organizmda oksidlanish-qaytarilish jarayonlarini kuchaytiradi, jigarni antitoksik funksiyasini yaxshilaydi, organizmning energiya sarfining bir qismini qoplaydi, chunki u oson o‘zlashtiriladigan uglevodlar manbai hisoblanadi. 5% glyukoza eritmasi izotonik hisoblanadi. Glyukoza to‘qimalarda metabolizmga uchraganda, organizm hayot faoliyati uchun zarur bo‘lgan katta miqdorda energiya ajralib chiqadi. Eritma qon tomir tizimidan tezda chiqariladi va faqat vaqtincha tomirlarda aylanayotgan suyuqlik hajmini oshiradi. 10% glyukoza eritmasi gipertonik hisoblanadi. Gipertonik eritma vena ichiga yuborilganda, qondagi osmotik bosim oshadi, to‘qimalardan qonga suyuqlik oqimi kuchayadi, moddalar almashinuvi jarayonlari rag‘batlantiriladi, jigarni detoksikatsion funksiyasi yaxshilanadi, diurez oshadi.

Preparatni bolalar ololmaydigan joyda saqlang va yaroqlilik muddati tugaganidan keyin ishlatmang.