Jigar kasalliklarining kompleks davolash tarkibida, masalan, turli etiologiyali o'tkir va surunkali gepatit. Neyropatiyani oldini olish. Qo'llashdan oldin shifokor bilan maslahatlashing va preparat yo'riqnomasi bilan tanishing.

Har bir flakon quyidagilarni o‘z ichiga oladi: faol modda: natriy glyutasion, glyutasionga ekvivalent - 600 mg; 1200 mg; yordamchi modda: natriy gidroksid, natriy bikarbonat. erituvchi: inyektsiya uchun suv.

Jigar kasalliklarining kompleks terapiyasi tarkibida, masalan, turli etiologiyali (virusli, alkogolli, toksik) o‘tkir va surunkali gepatit, alkogolli sirroz, jigar steatozi, jigar fibrozi. Sisplatin yoki sisplatin analogidan foydalanilgan kimyoterapiyadan keyin neyropatiyalarni oldini olish.

Preparat komponentlariga individual toqat qilmaslik, 18 yoshgacha bo‘lgan bolalar, homiladorlik, emizish davri. Ehtiyotkorlik bilan Qariyalar (preparat ikki baravar kamaytirilgan dozada, arterial bosim va yurak urish tezligi diqqat bilan nazorat qilinib buyurilishi kerak).

Vena ichiga yuborishda flakon tarkibi 250-500 ml 0,9% natriy xlorid eritmasida eritiladi. Preparat eritmasi tayyorlangandan so‘ng darhol ishlatiladi, qolgan eritmani qayta ishlatish mumkin emas. Turli etiologiyali og‘ir gepatitlarda – kuniga 1,2-2,4 g vena ichiga 30 kun davomida infuziya tarzida yuboriladi. Spirtli gepatitda – kuniga 1,8 g vena ichiga 14-30 kun davomida infuziya tarzida yuboriladi. Spirtli sirrozda – kuniga 1,2 g vena ichiga 30 kun davomida infuziya tarzida yuboriladi. Jigar steatozida – kuniga 1,8 g vena ichiga 30 kun davomida infuziya tarzida yuboriladi. Vena ichiga infuziya sekin amalga oshirilishi kerak. Neyropatiyalarni oldini olish – kuniga 1-2 flakon mushak ichiga, sekin vena ichiga bolyus in'ektsiyasi yoki vena ichiga infuziya tarzida yuboriladi. Doza bemorning yoshi, tana vazni va klinik holatiga, shuningdek, kimyoterapevtik vositaning doza va dozalanishiga bog‘liq. Mushak ichiga yuborishda: 0,3 g 3 ml 0,9 % natriy xlorid eritmasida, 0,6 g 4 ml 0,9 % natriy xlorid eritmasida eritiladi. Preparat erituvchida to‘liq erishi kerak. Eritma tiniq va rangsiz bo‘lishi kerak. 1,2 g va 1,8 g mushak ichiga yuborilmaydi. Keksalar Jigar yoki yurak funksiyasining buzilishi ehtimoli yuqori bo‘lganligi sababli, Glutad preparatining dozasini keksalarga ehtiyotkorlik bilan, doza diapazonining pastki chegarasidan boshlab tanlash kerak. Turli etiologiyali og‘ir gepatitlarda 0,6-1,2 g vena ichiga kuniga 30 kun davomida infuziya tarzida yuborish tavsiya etilmaydi. Spirtli gepatitda 0,9 g vena ichiga kuniga 14-30 kun davomida infuziya tarzida yuborish tavsiya etilmaydi. Spirtli sirrozda 0,6 g vena ichiga kuniga 30 kun davomida infuziya tarzida yuborish tavsiya etilmaydi. Jigar steatozida 0,9 g vena ichiga kuniga 30 kun davomida infuziya tarzida yuborish tavsiya etilmaydi.

Allergik reaksiyalar, arterial bosimning pasayishi, yurak urish tezligining kamayishi yoki oshishi, yurak urishining tezlashishi, dispeptik buzilishlar mumkin, ular preparat qo‘llanilishini to‘xtatgandan so‘ng o‘tib ketadi.

Glutation - bu sulfgidril guruhiga ega bo‘lgan chiziqli tripeptid bo‘lib, uning tarkibiga L-glutamin, L-sistein va glitsin kiradi. U organizm hujayralarini himoya qilishda muhim funksiyani bajaradi, kuchli antioksidant hisoblanadi. Inson organizmida glutation yetishmasligi ko‘plab kasalliklarning, masalan, Parkinson kasalligi, I tip tirozinemiya, alkogol bilan zaharlanish va boshqalarning paydo bo‘lishiga olib keladi. In vivo va in vitro eksperimentlar glutation yetishmasligi mitoxondriyalarning shikastlanishi va hujayralarning nobud bo‘lishiga olib kelishini ko‘rsatdi, bu esa kislorodning toksik shakllari sonining ortishi va erkin radikallar miqdorining ko‘payishiga sabab bo‘ladi. Glutation hujayralarning shikastlanishini toksik modda va/yoki ularning metabolitlari bilan birikish orqali oldini olishi mumkin. Glutation yordamida ksenobiotiklarni zararsizlantirish uch xil usulda amalga oshirilishi mumkin: substratni glutation bilan kon'yugatsiyalash, nukleofil almashinish natijasida va organik peroksidlarni spirtlarga qaytarish natijasida. Glutation ishtirokidagi zararsizlantirish tizimi organizmning turli ta'sirlarga nisbatan rezistentligini shakllantirishda o‘ziga xos rol o‘ynaydi va hujayraning eng muhim himoya mexanizmi hisoblanadi. Ba'zi ksenobiotiklarning biotransformatsiyasi davomida glutation ishtirokida tioefirlar hosil bo‘ladi, ular keyinchalik merkaptanlarga aylanadi, ular orasida toksik mahsulotlar aniqlangan. Ammo glutationning ko‘pchilik ksenobiotiklar bilan kon'yugatlari boshlang‘ich moddalarga nisbatan kamroq reaktiv va ko‘proq gidrofil bo‘ladi, shuning uchun kamroq toksik va organizmdan oson chiqariladi. Glutation juda ko‘p miqdordagi lipofil birikmalarni bog‘laydi (fizik zararsizlantirish), ularning membrananing lipid qatlamiga kirib borishini va hujayra funksiyalarining buzilishini oldini oladi. Shu tariqa, glutation hujayra membranasining barqarorligini yaxshilaydi, jigar hujayralari membranasini himoya qiladi, fermentlar va jigar faoliyatini oshiradi hamda erkin radikallarni yo‘q qilish orqali jigarni detoksikatsiya va tiklanish faoliyatini kuchaytiradi.

Menadion natriy bisulfit, sianokobalamin, kalsiy pantotenat, sulfanilamid preparatlari va tetratsiklinlar bilan birga qo‘llashdan saqlanish kerak.

Allergiya simptomlari paydo bo‘lsa, preparatni qo‘llashni to‘xtatish kerak. Avtomobil va murakkab mexanizmlarni boshqarish qobiliyatiga ta'siri Dori preparatining mumkin bo‘lgan nojo‘ya ta'sirlari tufayli, transport vositalarini boshqaruvchi va mexanizmlarga xizmat ko‘rsatuvchi shaxslarda preparatni ehtiyotkorlik bilan qo‘llash kerak.