ta'sir qiluvchi modda: xolina alfoserat 1 ml xolina alfoserat 100% modda hisobida 250 mg yordamchi modda: in'ektsiya uchun suv.

Og‘ir bosh miya jarohatining o‘tkir davri, asosan, miya ustuni darajasidagi shikastlanish (ong buzilishi, komatoz holat, o‘choqli YARIM SHAR simptomatikasi, miya ustuni shikastlanishi simptomlari). Degenerativ-involyutsion miya psixoorganik sindromlari yoki serebrovaskulyar yetishmovchilikning ikkilamchi oqibatlari, ya’ni keksalarda xotira buzilishi, ongning chalkashishi, dezorientatsiya, motivatsiya va tashabbuskorlikning pasayishi, diqqatni jamlash qobiliyatining pasayishi, emotsional soha va xulq-atvordagi o‘zgarishlar: emotsional beqarorlik, asabiylashish, atrof-muhitga befarqlik, keksalarda soxta melanxoliya bilan tavsiflanadigan birlamchi va ikkilamchi aqliy faoliyat buzilishlari.

Preparatga yoki uning komponentlariga yuqori sezuvchanlik. Psixosomatik sindromli bemorlarga, og'ir psixomotor qo'zg'alishda. Homiladorlik va emizish davri.

O‘tkir holatlarda Gliaton mushak ichiga yoki vena ichiga sekin 1 g (1 ampula) 15-20 kun davomida yuboriladi. Bemor holati barqarorlashgandan so‘ng xolina alfostseratning peroral shakllariga o‘tiladi.

Odatda, preparat uzoq muddat qo‘llanilganda ham yaxshi o‘zlashtiriladi. Kiritish joyida reaksiyalar bo‘lishi mumkin. Davolashning dastlabki kunlari yoki haftalarida quyidagi nojo‘ya reaksiyalar paydo bo‘lishi mumkin: xavotir, ajitatsiya, uyqusizlik. Ushbu simptomlar vaqtinchalik bo‘lib, davolashni to‘xtatishni talab qilmaydi, biroq vaqtincha doza kamaytirilishi mumkin. Ko‘ngil aynishi (asosan ikkilamchi dopaminergik faollik natijasida yuzaga keladi), arterial bosimning pasayishi, bosh og‘rig‘i, juda kam hollarda qorin og‘rig‘i va qisqa muddatli ongning chalkashishi mumkin. Bunday hollarda preparatning qo‘llanilgan dozasini kamaytirish zarur. Gipersensitivlik reaksiyalari, jumladan toshma, qichishish, eshakemi, angionevrotik shish, terining qizarishi mumkin.

Xolina alfostserat markaziy xolinomimetiklar guruhiga kiruvchi vosita bo‘lib, asosan markaziy asab tizimiga ta’sir ko‘rsatadi. Xolina alfostserat xolin tashuvchisi va fosfatidilxolinning oldingi agenti sifatida psixoorganik involyutsion sindromning patogen omillari orasida alohida ahamiyatga ega bo‘lgan biokimyoviy shikastlanishlarni oldini olish va tuzatish imkoniyatiga ega, ya’ni xolinergik tonusning pasayishi va nerv hujayralari qobig‘ining fosfolipid tarkibining o‘zgarishiga ta’sir qilishi mumkin. Preparat tarkibida 40,5% metabolik jihatdan himoyalangan xolin mavjud. Metabolik himoya xolinning bosh miya ichida ajralib chiqishini ta’minlaydi. Xolina alfostserat xotira va kognitiv funksiyalarga, shuningdek, emotsional holat va xulq-atvor ko‘rsatkichlariga ijobiy ta’sir ko‘rsatadi, ularning yomonlashuvi miya involyutsion patologiyasi rivojlanishi bilan bog‘liq bo‘lgan. Ta’sir mexanizmi shundan iboratki, organizmga tushganda xolina alfostserat fermentlar ta’sirida xolin va glitserofosfatga parchalanadi: xolin atsetilxolin biosintezida ishtirok etadi – asab qo‘zg‘alishining asosiy mediatorlaridan biri, glitserofosfat esa neyron membranasining fosfolipidlari (fosfatidilxolin) oldingi moddasidir. Shunday qilib, xolina alfostserat xolinergik neyronlarda asab impulslarini o‘tkazilishini yaxshilaydi, neyron membranalari plastisligini va retseptorlar funksiyasini ijobiy ta’sir qiladi. Xolina alfostserat serebral qon aylanishini yaxshilaydi, bosh miya metabolik jarayonlarini kuchaytiradi, bosh miya retikulyar formasiyasi tuzilmalarini faollashtiradi va bosh miya travmatik shikastlanishida ongni tiklaydi.

Gliaton bilan dozani oshirib yuborishda, bu ko‘ngil aynishi, bezovtalik, qo‘zg‘alish, uyqusizlik bilan namoyon bo‘lishi mumkin, preparat dozasini kamaytirish kerak. Qo‘llash xususiyatlari.