Eritma - 1 amp. (3 ml): Faol modda: xolin alfoserat - 1000 mg; Yordamchi modda: in'ektsiya uchun suv - 3 ml gacha.

O'tkir bosh miya jarohati davri, asosan, miya ustuni darajasida shikastlanish (ong buzilishi, komatoz holat, o'choqli yarim sharsimon simptomatika, miya ustuni shikastlanishi simptomlari); ishiemik (o'tkir va tiklanish davri) va gemorragik insult (tiklanish davri); degenerativ va involyutsion psixoorganik sindromlar va serebrovaskulyar yetishmovchilik oqibatlari, masalan, birlamchi va ikkilamchi mnestik funksiyalar buzilishi, xotira buzilishi, ong chalkashligi, dezorientatsiya, motivatsiya, tashabbuskorlik, diqqatni jamlash qobiliyatining pasayishi; emotsional va xulq-atvor sohasidagi o'zgarishlar: emotsional labilitet, asabiylashuvning oshishi, qiziqishning pasayishi, keksalikdagi psevdome­lankholiya; ko'p infarktli demensiya.

Preparat tarkibiy qismlariga yuqori sezuvchanlik.

Preparat mushak ichiga yoki vena ichiga (tomchilab, sekin) kuniga 1000 mg (1 ampula) dozasida, 10 kun davomida yuboriladi. Dozalar va davolash davomiyligi, zarurat tug‘ilganda va yaxshi o‘zlashtirilganda, davolovchi shifokor tomonidan klinik manzara, kasallik kechishining xususiyatlari, yosh va preparatga o‘zlashtirishga qarab oshirilishi mumkin. Nojo‘ya reaksiyalar paydo bo‘lsa, vaqtincha doza kamaytirilishi mumkin. Bolalar. Gliatilin preparatini bolalarda qo‘llash tajribasi yo‘q.

Ko‘ngil aynishi (dopaminergik faollik natijasida), bu holda preparat dozasini kamaytirish kerak. Allergik reaksiyalar mumkin. Odatda, preparat hatto uzoq muddat qo‘llanganda ham yaxshi o‘zlashtiriladi.

Xolinergik neyronlarda nerv impulslarini uzatishni yaxshilaydi; neyron membranalari plastisligiga va retseptorlar funksiyasiga ijobiy ta'sir ko'rsatadi. Serebral qon aylanishini yaxshilaydi, bosh miya metabolik jarayonlarini kuchaytiradi, bosh miya retikulyar shakllanishi tuzilmalarini faollashtiradi va bosh miya travmatik shikastlanishida ongni tiklaydi. Involyutsion psixoorganik sindromning patogenetik omillariga, masalan, neyron membranalari fosfolipid tarkibining o'zgarishi va xolinergik faollikning pasayishiga profilaktik va korreksion ta'sir ko'rsatadi. Eksperimental tadqiqotlar shuni ko'rsatdiki, Gliatilin fiziologik neyrotransmissiya sharoitida doza bog'liq holda atsetilxolin ajralishini stimulyatsiya qiladi. Organizmga tushganda fermentlar ta'sirida xolin va glitserofosfatga parchalanadi. Gliatilin, bir tomondan, xolin donori sifatida atsetilxolin sintezini oshiradi va neyrotransmissiyaga ijobiy ta'sir ko'rsatadi, boshqa tomondan — glitserofosfat fosfatidilxolin (membrana fosfolipidi) sintezida ishtirok etadi, natijada har ikkisi ham membrana elastikligiga va retseptorlar funksiyasiga ijobiy ta'sir ko'rsatadi, bu esa sinaptik transmissiyani yaxshilaydi. Shu tariqa, farmakodinamik tadqiqotlar shuni ko'rsatdiki, Gliatilin sinaptik, jumladan, xolinergik neyrotransmissiyaga; neyron membranasi plastisligiga; retseptorlar funksiyasiga ta'sir ko'rsatadi.

Belgilar: ko'ngil aynishi. Ushbu belgi paydo bo'lsa, preparat dozasini kamaytirish tavsiya etiladi.