Shaffof, rangsiz, yalpiz hidi bilan eritma

100 millilitr spreydan tarkibida
faol modda – benzidamin gidroxlorid 0,150 g,
yordamchi moddalari metilparagidroksibenzоat, glitserol, 96 % etanol, natriy saxarin, natriy gidrokarbonat, polisorbat 60, yalpiz suyuq 27198/14, tozalangan suv

Mahalliy simptomatik davolash (kompleks terapiya tarkibida)
- og'iz bo'shlig'i va tomoqning yallig'lanish kasalliklari (gingivit, stomatit, faringit)
- tishlarni konservativ davolashga va tish olib tashlangandan keyin qo'shimcha sifatida

- faol modda yoki tarkibiy qismlardan biriga yuqori sezuvchanlik
- 3 yoshgacha bo'lgan bolalar yoshi

- kattalar va keksalar uchun har 1,5-3 soatda 4-8 doza buyuriladi;
- 6-12 yoshli bolalarga har 1,5-3 soatda 4 doza;
- 3-6 yoshli bolalarga 4 kg tana vazniga 1 doza, maksimal – 4 doza, har 1,5-3 soatda.
1. Flakonni vertikal holatga qo'ying, qopqoq nasadkasini chapga yoki o'ngga flakonga nisbatan 90 0S burchak ostida burang.
2. Nasadkani og'iz bo'shlig'iga kiriting va qopqoqni (rasmda ko'rsatilgan o'q bilan) tavsiya etilgan doza bo'yicha bir necha marta bosing. Bosishlar orasidagi oraliq kamida 5 soniya bo'lishi kerak.
3. Nasadkani dastlabki holatiga qaytaring.
Diqqat, birinchi ishlatishdan oldin purkagichni havoga bir necha marta bosing.
Barcha shifokor ko'rsatmalariga rioya qiling, terapiyani to'xtatmang va dozalashni shifokor bilan maslahatlashmasdan o'zgartirmang. Agar preparatni qabul qilishni o'tkazib yuborgan bo'lsangiz, o'tkazib yuborilgan doza imkon qadar tezroq qabul qiling. Agar keyingi qabul vaqti yaqinlashgan bo'lsa, o'tkazib yuborilgan doza qabul qilinmaydi, oddiy sxema bo'yicha davom eting.
Ikki barobar doza qabul qilish mumkin emas! Davolash davomiyligi 7 kundan oshmasligi kerak. Tavsiya etilgan dozani oshirmang. Uzoqroq qo'llash faqat shifokor tavsiyasi va nazorati ostida.

Mahalliy
- og'iz qurishi, og'iz bo'shlig'ida uvishish, kuydiruvchi his (odatda o'tkinchi, to'liq qaytuvchan va kamdan-kam qo'shimcha davolash talab qiladi), ta'm o'zgarishi, og'iz bo'shlig'ida paresteziya, til rangining o'zgarishi
Kamdan-kam
- allergik reaksiyalar (terida toshma), uyquchanlik
- ko'ngil aynishi, qusish
- fotosensibilizatsiya
Juda kamdan-kam
- laringospazm, bronxospazm
- anafilaktik reaksiyalar
Mahalliy qo'llashdan so'ng benzidamin oz miqdorda qon oqimiga tushishi mumkin va shuning uchun kamdan-kam hollarda tizimli nojo'ya ta'sirlar mumkin.

Benzidamin indazol guruhiga kiradi va nosteroid yallig‘lanishga qarshi preparat hisoblanadi. Yallig‘lanishga qarshi, analgezik, mahalliy anestezik va keng spektrli mikroorganizmlarga qarshi antibakterial ta’sir ko‘rsatadi. Kapillyarlarning o‘tkazuvchanligini kamaytiradi; hujayra membranalarini barqarorlashtiradi va oksidlovchi fosforillanish jarayonlarida ATF va boshqa makroergik birikmalar ishlab chiqarilishini sekinlashtiradi.
Preparatning yallig‘lanishga qarshi va membrana barqarorlashtiruvchi ta’siri prostaglandinlar, gistamin, bradikinin, sitokinlar, komplement omillari va boshqa noaniq zararli omillar sintezi va inaktivatsiyasini sekinlashtirish bilan bog‘liq.
Analgezik va mahalliy anestezik ta’siri biogen aminlarning algogen xususiyatlarga ega bo‘lgan konsentratsiyasini bilvosita kamaytirish va retseptor apparatining og‘riq sezgirligi chegarasini oshirish bilan bog‘liq; benzidamin, shuningdek, bradikininning to‘qima retseptorlari bilan o‘zaro ta’sirini bloklaydi, mikrosirkulyatsiyani tiklaydi va yallig‘lanish o‘chog‘ida og‘riq sezgirligini kamaytiradi.

Gervetin bilan davolash 7 kundan oshmasligi kerak, bundan mustasno shifokor tavsiyasi bo‘yicha holatlar.
Infeksion-yallig‘lanish kasalliklarida kombinatsiyalangan terapiya tarkibida qo‘llash zarur.
Spreyning ko‘zga tushishidan saqlanish kerak.
Preparat bronxial astma va bronxial astma anamnezida bo‘lgan bemorlarda bronxospazm chaqirishi mumkin. Bunday bemorlar bu haqda albatta ogohlantirilishi kerak.
Preparat metilparagidroksibenzoat saqlaydi, u allergik reaksiyalar (shuningdek, kechikkan reaksiyalar) chaqirishi mumkin.
Kichik miqdordagi bemorlarda og‘iz bo‘shlig‘i va halqum shilliq qavatida yallig‘lanish va yaralar jiddiy kasalliklarning belgisi bo‘lishi mumkin. Yallig‘lanish simptomlari kuchaygan yoki 3 kunlik davolash davomida yaxshilanish kuzatilmagan bemorlar o‘z davolovchi shifokori yoki stomatologiga murojaat qilishlari kerak.
Benzidamin bilan uzoq muddatli davolash gipersensitivlik reaksiyasini chaqirishi mumkin. Bunday holatda davolashni to‘xtatish va mos davolash choralarini ko‘rish zarur.
Agar 7 kunlik terapiyadan so‘ng yaxshilanish bo‘lmasa, shifokorga murojaat qilish kerak. Preparat 96% etanol saqlaydi, shuning uchun alkogolizm, epilepsiya bilan kasallangan bemorlarga qo‘llash tavsiya etilmaydi.
Homiladorlik va laktatsiya davri
Preparatni homilador va laktatsiya davridagi ayollarda qo‘llash bo‘yicha klinik tadqiqotlar o‘tkazilmagan, shuning uchun tavsiya etilmaydi.
Dori vositasining transport vositasini boshqarish yoki potensial xavfli mexanizmlarni boshqarish qobiliyatiga ta’sir qilish xususiyatlari
Preparat spirt saqlaydi, bu transport vositasini boshqarishda va yuqori e’tibor talab qiladigan ishlarni bajarishda hisobga olinishi kerak.

Hozirgi vaqtgacha Gervetin preparati bilan dozani oshirib yuborish holatlari haqida xabar berilmagan.
Sintomlari: qusish, qorin og‘rig‘i, bezovtalik, qo‘rquv, gallyutsinatsiyalar, tutqanoq, ataksiya, isitma, taxikardiya va nafas olish falaji.
Davolash: preparatni qabul qilishni to‘xtatish, oshqozonni yuvish, simptomatik davolash.

Gervetin preparatining boshqa dori vositalari bilan klinik jihatdan ahamiyatli o'zaro ta'siri aniqlanmagan.