Tizimli qo‘llash: Herpes simplex va Varicella zoster viruslari bilan chaqirilgan infeksiyalarni oldini olish va davolash (shu jumladan, genital gerpes, gerpetik ensefalit, toshmali temiratki, immuniteti pasaygan bemorlarda generalizatsiyalashgan gerpes, shuningdek, suvchechak). Maz: teri va tashqi shilliq qavatlarning gerpetik shikastlanishlari (lab gerpesi, tashqi jinsiy a’zolar gerpesi), Herpes simplex 1 va 2-tiplari, Varicella zoster viruslari bilan chaqirilgan, birlamchi va qaytalanuvchi, immunodefitsitli bemorlarda gerpetik shikastlanishlar.

atsiklovirga yuqori sezuvchanlik, 3 oygacha bo'lgan yosh. Preparatni homiladorlik va emizish davrida qo'llash tavsiya etilmaydi (davolash davrida emizishni to'xtatish kerak).

Infeksiyani tarqalishini oldini olish uchun rezina qo‘lqoplar yoki barmoq qoplamalaridan foydalanish tavsiya etiladi. Davolash gerpetik infeksiya birinchi simptomlari paydo bo‘lishi bilan buyurilishi kerak. Mazni zararlangan teri va tashqi shilliq qavatlarga surtishadi. Mazni, shuningdek, zararlangan yuzaga tutash teri sohalariga ham surtish kerak. Mazni muntazam qo‘llash zarur; navbatdagi qo‘llash o‘tkazib yuborilganda, keyingi dori surtilishida doza ikki barobar oshirilmasligi kerak. Davolash kursi — 5–10 kun. Mahalliy qo‘llashda ta’sir bo‘lmasa, preparatni og‘iz orqali qabul qilish uchun tabletkalar shaklida buyurish tavsiya etiladi.

Nauzea, qusish, diareya, ichak kolikasi; allergik reaksiyalar (terida toshma, qichishish, angionevrotik shish, isitma); bosh og‘rig‘i, charchoqlik, bosh aylanishi; laboratoriya ko‘rsatkichlarining o‘zgarishi — bilirubin, mochevina, kreatinin, jigar transaminazalari faolligining oshishi; gematologik ko‘rsatkichlarning yomonlashuvi; kamdan-kam — anoreksiya, OPN; juda kam — alopesiya. Asiklovirni juda tez v/i yuborishda va degidratatsiyada qonda mochevina va kreatinin darajasining o‘tkinchi oshishi yuzaga kelishi mumkin, shuning uchun infuziya sekin o‘tkazilishi va yetarli gidratatsiya ta’minlanishi kerak. Eritma teri osti yog‘ qatlamiga tushganda to‘qimalarning mahalliy tirnash xususiyati reaksiyasi yuzaga keladi. Mazning dastlabki qo‘llanishlarida kuydiruvchi his, zararlangan joyda og‘riq, qichishish paydo bo‘lishi mumkin. Maz ichki shilliq qavatlarga tushganda ularning yallig‘lanishi rivojlanishi mumkin.

Atsiklovir (2-amino-9-[(2 gidroksietoksi)metil]-1,9-digidro-6N-purin-6-on) — virusga qarshi preparat, purin nukleozidi dezoksiguanidin — DNK komponenti analogi. Ayniqsa oddiy gerpes virusi va toshmali temiratkiga nisbatan samarali. Atsiklovir va dezoksiguanidin tuzilmasining o'xshashligi atskilovirga virus fermentlari bilan o'zaro ta'sirlashish imkonini beradi, bu esa virus replikatsiyasining to'xtashiga olib keladi. Gerpes bilan zararlangan hujayraga atskilovir kirgandan so'ng, virus tomonidan ajratiladigan timidinkinaza ta'sirida atskilovir atskilovir-monofosfatga aylanadi, u esa xujayra fermentlari yordamida avval atskilovir-difosfatga, so'ngra faol shakli atskilovir-trifosfatga aylanadi, u esa virus DNK sintezini selektiv ravishda bloklaydi. Inson (xo'jayin) hujayra DNK replikatsiyasiga atskilovir-trifosfat deyarli ta'sir qilmaydi. Atsiklovir gerpesda yangi toshma elementlarining paydo bo'lishini oldini oladi, teri dissimenatsiyasi va visseral asoratlar ehtimolini kamaytiradi, zararlanishlarni tezroq bitishini ta'minlaydi, toshmali gerpesning o'tkir bosqichida og'riqni yengillashtiradi. Preparat immunostimulyatsion ta'sir ko'rsatadi. Shuningdek, Epshteyn — Barr virusi, sitomegalovirusga nisbatan ham faol.

Preparat buyrak funksiyasi buzilganida, keksalarda, shuningdek yuqori dozalarda buyurilganda, ayniqsa bemorlarda degidratatsiya bo'lsa, ehtiyotkorlik bilan qo'llanilishi kerak.