Yuzaki venlarning tromboflebiti, yuzaki periflebiti; teri osti gematomasi; postin'ektsion va postinfuzion flebit; yuzaki mastit; lokalizatsiyalangan infiltratlar va shishlar, jarohatlar va lat yeyishlar (shu jumladan, mushak to'qimalari, paylar, bo'g'imlar); tashqi gemorroy, tug'ruqdan keyingi gemorroy tugunlarining yallig'lanishi; limfedema (fil kasalligi), limfangit.

Preparat tarkibiy qismlariga yuqori sezuvchanlik; zararlangan sohada teri butunligining buzilishi (ochiq infeksiyalangan yaralar, ayniqsa, yara-nekrotik jarayonlar); 1 yoshgacha bo‘lgan bolalar yoshi. Ehtiyotkorlik bilan Qon ivish tizimi buzilishlari, trombotsitopeniya.

Tashqi qo‘llash uchun. Mazni shikastlangan soha yuzasiga yupqa qatlamda surtib (3-5 sm diametrli soha uchun 0,5-1 g (2-4 sm mazn) hisobida) ehtiyotkorlik bilan teriga ishqalab yuboriladi. Maz kuniga 2-3 marta har kuni yallig‘lanish hodisalari yo‘qolguncha, o‘rtacha 3 dan 7 kungacha qo‘llaniladi. Davolash kursini uzoqroq davom ettirish imkoniyati shifokor tomonidan belgilanadi. Tashqi gemorroy tugunlarining trombozida rektal tamponlar qo‘llaniladi, maz biaz yoki mato prokladkaga surtiladi, u to‘g‘ridan-to‘g‘ri tromblangan tugunlarga qo‘yiladi va mahkamlanadi. Maz bilan shimdirilgan tampon to‘g‘ri ichakka kiritiladi. Mazni har kuni, simptomlar yo‘qolguncha, o‘rtacha 3-14 kun davomida qo‘llash kerak.

Preparat uzoq muddat qo‘llanilganda qo‘llash joyida teri giperemiyasi, sezuvchanlikning pasayishi, allergik reaksiyalar (teri toshmasi, qichishish) ko‘rinishida mahalliy reaksiyalar bo‘lishi mumkin.

Tashqi qo‘llash uchun mo‘ljallangan kombinatsiyalangan preparat bo‘lib, uning ta’siri tarkibiga kiruvchi komponentlar xususiyatlari bilan belgilanadi. Geparin — to‘g‘ridan-to‘g‘ri ta’sir qiluvchi antikoagulyant, o‘rtacha molekulyar geparinlar guruhiga kiradi. Tashqi qo‘llanganda mahalliy antikoagulyant, antiekssudativ, o‘rtacha yallig‘lanishga qarshi ta’sir ko‘rsatadi. Trombin hosil bo‘lishini bloklaydi. Geparin yallig‘lanish jarayonini kamaytiradi va antikoagulyant ta’sir ko‘rsatadi, bilvosita mikrotsirkulyatsiyani yaxshilaydi, bu esa gematomalar va tromblarning so‘rilish jarayoniga va to‘qimalar shishining kamayishiga yordam beradi. Benzilnikotinat periferik vazodilatator vosita bo‘lib, mikrotsirkulyatsiyani yaxshilashga yordam beradi. Geparinning o‘tishini yaxshilash uchun ad’yuvant sifatida qo‘llaniladi. Benzokain mahalliy og‘riqsizlantiruvchi ta’sir ko‘rsatadi. Natriy ionlari uchun hujayra membranasi o‘tkazuvchanligini kamaytiradi, membrananing ichki yuzasida joylashgan retseptorlardan kalsiy ionlarini siqib chiqaradi, nerv impulslarini o‘tkazishni bloklaydi. Og‘riq impulslarining sezuvchi nervlarning uchlarida paydo bo‘lishiga va ularning nerv tolalari bo‘ylab o‘tishiga to‘sqinlik qiladi.

Geparinli mazni uzoq muddat katta sohalarga qo‘llash va bir vaqtning o‘zida qon ivish tizimiga va/yoki gemopoezga ta’sir qiluvchi peroral dori vositalarini qabul qilishda ivish vaqtini va protrombin vaqtini nazorat qilish kerak. Zarur bo‘lsa, uzoq muddatli davolash kursi va homilador ayollarda hamda 65 yoshdan katta ayollarda katta zararlangan sohalarda xuddi shunday nazorat tavsiya etiladi. Ochiq yaralarga, yiringli jarayonlar mavjud bo‘lsa, surtmaslik kerak. Mazni chuqur venoz trombozda qo‘llash tavsiya etilmaydi. Homiladorlik va laktatsiya davrida qo‘llash Preparatni homiladorlik va laktatsiya davrida qo‘llash xavfsizligi aniqlanmagan. Geparin platsentar to‘siqdan o‘tmaydi va ona sutiga ajralmaydi. Preparatning boshqa komponentlarining ona sutiga o‘tishi haqida ma’lumot yo‘q. Geparinli maz homiladorlik va laktatsiya (emizish) davrida faqat onaga kutilayotgan foyda homila yoki bolaga bo‘lgan potensial xavfdan yuqori bo‘lsa qo‘llaniladi. Avtomobil va murakkab mexanizmlarni boshqarish qobiliyatiga ta’siri Preparat transport vositalarini boshqarish va mexanizmlar bilan ishlash qobiliyatiga nojo‘ya ta’sir ko‘rsatmaydi.

Minimal tizimli so‘rilish tufayli dozani oshirib yuborish ehtimoli juda past.