Torpeda shaklidagi, oq yoki sarg‘ish-oq rangli suppozitoriyalar. Rangning bir xil bo‘lmasligi marmar ko‘rinishida va voronkaga o‘xshash chuqurlik bo‘lishi mumkin. Uzunasiga kesilganda havo tayoqchasi bo‘lishi mumkin.

Xlorgeksidin diglyukonat 16 mg xlorgeksidin diglyukonatning 20 % li eritmasi ko‘rinishida; Makrogol 1000 - 3,10 g gacha.

Akusherlik va ginekologiyada infeksion-yallig‘lanish asoratlarini oldini olish: tug‘ruq va abortdan oldin, bachadon ichki tekshiruvlaridan oldin, ginekologik kasalliklarni operativ davolashdan oldin, bachadon ichiga spiral o‘rnatishdan oldin va keyin, bachadon bo‘ynini diatermokoagulyatsiya qilishdan oldin va keyin. Venerik kasalliklarni (gonoreya, sifilis, trixomoniaz, xlamidioz, ureaplazmoz) oldini olish. Vaginitlarni (jumladan, noaniq, aralash, trixomonadli), surunkali ekzo- va endoservitsitlarni davolash.

Dori vositasining komponentlariga yuqori sezuvchanlik.

Preparat intravaginal qo'llaniladi. Suppozitoriyani qobig'idan chiqarib, chuqurroq qin ichiga kiritish kerak. Davolash uchun 1 dona suppozitoriyadan kuniga 2 marta 7-10 kun davomida buyuriladi. Zaruriyat tug'ilganda kurs 20 kungacha uzaytirilishi mumkin. Jinsiy yo'l bilan yuqadigan infeksiyalarni oldini olish uchun: himoyalanmagan jinsiy aloqadan keyin 2 soatdan kechiktirmay 1 dona suppozitoriy qo'llaniladi.

Kam hollarda allergik reaksiyalar, qichishish mumkin, ular preparatni bekor qilgandan so‘ng o‘tib ketadi. Ushbu yoki boshqa nojo‘ya ta’sirlar paydo bo‘lsa, preparatni qo‘llashni to‘xtatish va shifokorga murojaat qilish kerak.

14 yoshgacha bo‘lgan bolalar yoshida dori vositasi qo‘llanilmaydi.

Dori vositasi anion guruhini o‘z ichiga olgan detarjenlar (saponinlar, natriy laurilsulfat, natriy karboksimetilsellyuloza) va sovunlar bilan, agar ular intravaginal qo‘llansa, mos kelmaydi. Kation guruhini o‘z ichiga olgan dori vositalari (tsetrimoniy bromid, benzalkoniy xlorid) bilan mos keladi.

Yorug‘lik va namlikdan himoyalangan joyda, +8 °S dan +15 °S gacha bo‘lgan haroratda saqlansin. Bolalar ololmaydigan joyda saqlansin!

Hozirgi vaqtgacha dozani oshirib yuborish holatlari haqida xabar berilmagan. Agar siz tasodifan tavsiya etilgan dozani oshirib yuborgan bo'lsangiz, darhol shifokorga murojaat qiling.