Bitta suppozitoriy quyidagilarni o'z ichiga oladi: Faol modda: Xlorgeksidin biglyukonat — 16 mg (xlorgeksidin biglyukonat eritma ko'rinishida ishlatiladi (konsentratsiyasi 20%)); Yordamchi modda: Suppozitoriy uchun asos — suppozitoriy massasini 3,10 g gacha yetkazish uchun yetarli miqdorda — makrogol 1500 (polietilenoksid 1500) 92 — 98%, makrogol 400 (polietilenoksid 400) 8 — 2%.

• jinsiy yo‘l bilan yuqadigan infeksiyalar (shu jumladan, gonoreya, sifilis, trixomoniaz, xlamidioz, ureaplazmoz, genital gerpes) profilaktikasi;
• akusherlik va ginekologiyada infeksion-yallig‘lanish asoratlarini oldini olish (ginekologik kasalliklarni operativ davolashdan oldin, tug‘ruq va abortdan oldin, bachadon ichi spiralini o‘rnatishdan oldin va keyin, bachadon bo‘yni diatermokoagulyatsiyasidan oldin va keyin, bachadon ichi tekshiruvlaridan oldin);
• bakterial vaginoz, kolpitlar (shu jumladan, noaniq, aralash, trixomonadli) davolash.

• preparat tarkibiy qismlariga yuqori sezuvchanlik. 
   Ehtiyotkorlik bilan bolalar yoshi. Bolalar yoshida Geksikon D, vaginal suppozitoriylar 0,008 g preparatini qo'llash tavsiya etiladi.
  
  Homiladorlik va laktatsiya davrida qo'llash mumkin emasligi aniqlanmagan. 

Preparat intravaginal qo'llaniladi. Qo'llashdan oldin suppozitoriya konturli o'ramdan chiqariladi.

Jinsiy yo'l bilan yuqadigan infeksiyalarni oldini olish uchun, himoyalanmagan jinsiy aloqadan keyin 2 soatdan kechiktirmay 1 dona suppozitoriya buyuriladi.

Davolash uchun 1 dona suppozitoriya kuniga 2 marta 7-10 kun davomida buyuriladi.

Allergik reaksiyalar: toshma, qichishish bo'lishi mumkin. Xlorgeksidin juda kam hollarda (<0.0001%) yuqori sezuvchanlik reaksiyalarini, shu jumladan og'ir allergik reaksiyalar va anafilaksiyani keltirib chiqarishi mumkin.

Mahalliy reaksiyalar: kuydiruvchi hissiyot bo'lishi mumkin.

Ayrim hollarda qinidan qon aralash ajralmalar paydo bo'lishi mumkin.

Agar ko'rsatilgan nojo'ya ta'sirlar kuchaysa yoki ko'rsatmada qayd etilmagan boshqa nojo'ya ta'sirlar paydo bo'lsa, bemor shifokorga xabar berishi kerak.

Mahalliy qo‘llash uchun antiseptik preparat.

Gram-musbat va gram-manfiy bakteriyalarga nisbatan faol: Treponema pallidum, Chlamydia spp., Ureaplasma spp., Neisseria gonorrhoeae, Gardnerella vaginalis, Bacteroides fragilis; sodda organizmlar: Trichomonas vaginalis; viruslar: Herpes simplex 1 va 2 turlari.

Preparatga ayrim Pseudomonas spp., Proteus spp. shtammlari past sezuvchanlikka ega, shuningdek, kislota-barqaror bakteriyalar, bakteriya sporasi va zamburug‘lar chidamli.

Geksikon® laktobatsillarning funksional faolligini buzmaydi.

Qon, yiring mavjudligida ham (biroz pasaygan bo‘lsa-da) faolligini saqlaydi.

Suppozitoriya kiritilgandan keyin noqulay sezgilar (qichishish, kuydiruvchi hissiyot) paydo bo'lsa, preparatni qo'llashni to'xtatish kerak.

Preparatni qo'llashda qin ajralmalari miqdori oshishi mumkin. Odatda, oz miqdordagi shaffof ajralmalar bo'lsa, davolashni to'xtatmaslik mumkin. Qon aralash ajralmalar paydo bo'lsa, preparatni qo'llashni to'xtatish va shifokorga murojaat qilish tavsiya etiladi.

Preparat bilan aloqa qilgandan so'ng, xlorgeksidin ko'zga tushib ketmasligi uchun qo'llarni yuvish kerak.

Tashqi jinsiy a'zolar gigiyenasi suppozitoriylarning samaradorligi va o'zlashtirilishiga ta'sir qilmaydi, chunki preparat intravaginal qo'llaniladi.

Transport vositalari va mexanizmlarni boshqarish qobiliyatiga ta'siri

Preparatni qo'llash transport vositalari va mexanizmlarni boshqarish qobiliyatiga ta'sir qilmaydi.

Hozirgi vaqtda preparatning dozani oshirib yuborilishi holatlari haqida xabar berilmagan.

Yod bilan bir vaqtda qo‘llash tavsiya etilmaydi.

Geksikon® anion guruhini o‘z ichiga olgan detarjenlar (saponinlar, natriy lauril sulfat, natriy karboksimetilsellyuloza) va sovunlar bilan mos kelmaydi, agar ular intravaginal qo‘llansa. Tashqi jinsiy a’zolar gigiyenasi Geksikon® vaginal supozitoriylarining samaradorligi va o‘zlashtirilishiga ta’sir qilmaydi, chunki preparat intravaginal qo‘llaniladi.

Preparat bolalar ololmaydigan joyda, 25°C dan yuqori bo‘lmagan haroratda saqlansin.

Yaroqlilik muddati – 2 yil. Qadoqda ko‘rsatilgan yaroqlilik muddati tugaganidan keyin preparatni qo‘llamang.