Faol modda - aminodigidroftalazindion natriy (Galavit) 50 mg, yordamchi moddalari – vitepsol W-35 (yog‘ kislotalari glitseridlari) - 575 mg, vitepsol H-15 (yog‘ kislotalari glitseridlari) - 575 mg.

Immunomodulyator va yallig‘lanishga qarshi vosita sifatida immunodefitsit holatlarini kompleks davolashda kattalar va 12 yoshdan katta o‘smirlarda: - infeksion-yallig‘lanishli urogenital kasalliklar (xlamidiy va trixomonad etiologiyali uretrit, xlamidiy prostatit, o‘tkir va surunkali salpingooforit, endometrit); - yiringli-yallig‘lanishli kichik chanoq a’zolari kasalliklari; - gerpes virusi chaqirgan surunkali qaytalanuvchi kasalliklar; - papilloma virusi chaqirgan kasalliklar; - bachadon miomasi bo‘lgan bemorlarni operatsiyadan keyingi reabilitatsiyasi; - reproduktiv yoshdagi ayollarda operatsiyadan keyingi asoratlar; - operatsiyadan keyingi yiringli-septik asoratlar va ularning oldini olish (shu jumladan, onkologik bemorlarda); - surunkali qaytalanuvchi furunkulyoz, roja; - gripp va o‘tkir respirator infeksiyalarning nonspecific profilaktikasi va davolash; - og‘iz bo‘shlig‘i va tomoq shilliq qavati yallig‘lanish kasalliklari, parodont kasalliklari; - virusli gepatitlar; - intoksikatsiya va/yoki diareya bilan kechuvchi infeksion ichak kasalliklari; - me’da va 12 barmoqli ichak yara kasalligi; - astenik holatlar, nevrotik va somatoform buzilishlar, jismoniy ish qobiliyatining pasayishi (shu jumladan, sportchilarda); alkogol va narkotikga qaramlikda psixik, xulq-atvor va postabstinent buzilishlar.

Galavit va preparatning boshqa komponentlariga yuqori sezuvchanlik, homiladorlik va emizish davri, 12 yoshgacha bo‘lgan bolalar yoshi.

Rektal tarzda. Suppozitoriy konturli qadoqdan chiqariladi va so‘ng to‘g‘ri ichakka kiritiladi. Avval ichakni bo‘shatib olish tavsiya etiladi. Preparatni qo‘llash doza va davomiyligi kasallikning xususiyati, og‘irligi va davomiyligiga bog‘liq. - Urogenital kasalliklarda - xlamidiy va trixomonad etiologiyali uretritda, xlamidiy prostatitda: 1 kun davomida 1 suppozitoriydan ikki marta, so‘ng bir kundan keyin bittadan. Kurs 10-15 suppozitoriy (patologik jarayon og‘irligiga qarab). - Salpingooforit, endometritning o‘tkir davrida: 2 kun davomida 2 suppozitoriydan 1 marta kuniga, so‘ng 72 soatlik interval bilan bittadan. Surunkali davrda: 5 kun davomida 1 suppozitoriydan 1 marta kuniga, so‘ng har 72 soatda bittadan. Kurs - 20 suppozitoriy. - O‘tkir va surunkali yiringli kichik tos a’zolari kasalliklarida - o‘tkir davrda: 1 kun 2 suppozitoriy bir marta, 3 kun davomida har kuni bittadan, so‘ng 5 kun davomida bir kundan keyin bittadan. Kurs - 10 suppozitoriy. Surunkali davrda: 5 kun davomida 1 suppozitoriydan 1 marta kuniga, so‘ng har 72 soatda bittadan. Kurs - 20 suppozitoriy. - Surunkali qaytalanuvchi kasalliklarda, gerpes virusi sababli: 1 suppozitoriydan har kuni 5 suppozitoriy, so‘ng bir kundan keyin bittadan - 15 suppozitoriy. - Papilloma virusi sababli kasalliklarda: 5 kun davomida 1 suppozitoriydan 1 marta kuniga, so‘ng bir kundan keyin bittadan. Kurs – 20 suppozitoriy. - Bachadon miomasi bilan og‘rigan bemorlarni operatsiyadan keyingi reabilitatsiya va reproduktiv yoshdagi ayollarda operatsiyadan keyingi asoratlarda: 5 kun davomida 1 suppozitoriydan 1 marta kuniga, so‘ng bir kundan keyin bittadan. Kurs - 15 suppozitoriy. - Jarrohlik asoratlarini oldini olish va davolash uchun operatsiyadan oldin va keyin (shu jumladan, onkologik bemorlarda): 1 suppozitoriydan 1 marta kuniga - operatsiyadan oldin 5 suppozitoriy, operatsiyadan keyin bir kundan keyin 5 suppozitoriy va 72 soatlik interval bilan 5 suppozitoriy. Kasallik og‘ir kechsa, boshlang‘ich doza 2 suppozitoriy bir marta yoki 2 marta kuniga bittadan. Kurs - 20 suppozitoriy. - Surunkali qaytalanuvchi furunkulyoz, roje: 5 kun davomida bittadan 1 marta kuniga, so‘ng bir kundan keyin bittadan. Kurs - 20 suppozitoriy. - Gripp va o‘tkir respirator infeksiyalarni nonspefik profilaktikasi va davolash uchun: bittadan 1 marta kuniga. Kurs 5 kun. - Og‘iz bo‘shlig‘i va tomoq shilliq qavati yallig‘lanish kasalliklarida, parodont kasalliklarida: boshlang‘ich doza 1 suppozitoriydan har kuni - 5 suppozitoriy, so‘ng 72 soatlik interval bilan bittadan. Kurs 15 suppozitoriy. - Virusli gepatitlarda: boshlang‘ich doza 2 suppozitoriy bir marta, so‘ng 1 suppozitoriydan kuniga 2 marta intoksikatsiya va yallig‘lanish simptomlari bartaraf bo‘lguncha. Keyingi kurs davomida 1 suppozitoriydan 72 soatlik interval bilan. Kurs 20-25 suppozitoriy. - O‘tkir infeksion ichak kasalliklarida, diareya sindromi bilan kechuvchi: boshlang‘ich doza 2 suppozitoriy bir marta, so‘ng 1 suppozitoriydan kuniga 2 marta intoksikatsiya simptomlari bartaraf bo‘lguncha. Keyingi kurs davomida 1 suppozitoriydan 72 soatlik interval bilan. Kurs 20-25 suppozitoriy. - O‘tkir davrda me’da va 12 barmoqli ichak yara kasalligida: 2 kun davomida 2 suppozitoriydan 1 marta kuniga, so‘ng 72 soatlik interval bilan 1 suppozitoriydan. Kurs 15-25 suppozitoriy. Surunkali davrda: 5 kun davomida 1 suppozitoriydan 1 marta kuniga, so‘ng 72 soatda bittadan. Kurs 20 suppozitoriy. - Astenik holatlar, nevrotik va somatoform buzilishlarda, psixik, xulq-atvor va postabstinent buzilishlarda, alkogol va narkotikga qaram bemorlarda: 5 kun davomida bittadan har kuni, so‘ng 72 soatda bittadan. Kurs 15-20 suppozitoriy. - Jismoniy ish qobiliyatini oshirish uchun: 1 suppozitoriydan bir kundan keyin – 5 suppozitoriy, so‘ng 72 soatda bittadan, kurs - 20 suppozitoriygacha.

Kamdan-kam hollarda allergik reaktsiyalar mumkin. Agar sizda ko'rsatmalarda keltirilgan nojo'ya ta'sirlar kuzatilsa yoki ular kuchayib ketsa, yoki siz ko'rsatmalarda keltirilmagan boshqa nojo'ya ta'sirlarni sezsangiz, buni shifokorga xabar qiling.

Preparatning ta’sir mexanizmi makrofaglarning funksional-metabolik faolligiga ta’sir ko‘rsatish qobiliyati bilan bog‘liq. Yallig‘lanish kasalliklarida preparat 6-8 soat davomida o‘tkir yallig‘lanish reaksiyalarining darajasini, ularning tsiklikligini va intoksikatsiya og‘irligini belgilovchi giperaktivlangan makrofaglar tomonidan o‘ta ko‘p ishlab chiqariladigan o‘sma nekrozi omili, interleykin-1 va boshqa proyallig‘lanish sitokinlari, kislorodning faol shakllarining sintezini qaytar tarzda ingibitsiya qiladi. Makrofaglarning funksional holatini normallashtirish makrofaglarning antigen taqdim etuvchi va regulyator funksiyasini tiklanishiga, autoagressiya darajasining pasayishiga olib keladi. Neytrofilli granulositlarning bakteritsid faolligini stimulyatsiya qiladi, fagotsitozni kuchaytiradi va organizmning infeksion kasalliklarga nisbatan noxos o‘ziga xos bo‘lmagan rezistentligini oshiradi.

Ko‘rsatilgan doza va davolash kursi davomiyligini davolovchi shifokor bilan maslahatlashmasdan oshirmaslik kerak. Transport vositalarini, mexanizmlarni boshqarish qobiliyatiga ta’siri: Galavitâ rektal supozitoriylari 50 mg preparatini qo‘llash transport vositalarini boshqarish, mexanizmlarga xizmat ko‘rsatish va diqqatni yuqori jamlash hamda psixomotor reaksiyalar tezligini talab qiluvchi boshqa ish turlariga ta’sir qilmaydi.

Bir vaqtda qo‘llanilganda antibiotiklarning kursli dozalari kamayishi mumkin. Boshqa dori vositalari bilan nomutanosiblik holatlari aniqlanmagan.

Dozalashdan ortiqcha ma’lumotlar mavjud emas.