Qabul qilayotgan barcha, shu jumladan retseptsiz dori vositalari haqida davolovchi shifokorga albatta xabar bering. Ristomitsin, levomitsetin, sulfanilamidlar bilan bir vaqtda qo‘llash tavsiya etilmaydi, chunki gemopoez jarayonlarining susayishi mumkin. Penitsillin va tsefalosporin bilan birga qo‘llanganda antibakterial ta’siri sezilarli darajada oshadi. Tetratsiklin, eritromitsin yoki oleandomitsin (antibiotiklar) bilan yaxshi kombinatsiyalanadi. Siydikni ishqoriylashtiruvchi vositalar nitrofuranlarning faolligini pasaytiradi. Siydikni kislotali qiluvchi vositalar (kislotalar, shu jumladan askorbin kislotasi, shuningdek, kalsiy xlorid) dori vositasining faolligini oshiradi, biroq toksik hodisalar rivojlanish xavfi ortadi. Furamag va urikozurik dori vositalari (probenetsid, sulfinpirazon) bir vaqtda qo‘llanganda fuzaridin kaliyning siydik bilan chiqarilishi kamayadi va natijada toksikligi oshishi mumkin. Davolanish vaqtida alkogolli ichimliklar iste’mol qilish mumkin emas, chunki nojo‘ya ta’sirlar (bosh og‘rig‘i, ko‘ngil aynishi, qusish, yurak urishining kuchayishi, arterial bosimning pasayishi, tutqanoq) kuchayishi mumkin. 

 Glyukoza-6-fosfatdegidrogenaza yetishmovchiligi bo‘lgan bemorlarga ehtiyotkorlik bilan qo‘llash lozim, chunki gemoliz rivojlanish xavfi mavjud. Buyrak, jigar va asab tizimi funksiyasi buzilgan bemorlarga ehtiyotkorlik bilan qabul qilish tavsiya etiladi. Furamag buyrak parenximasi infeksiyalarida qabul qilish tavsiya etilmaydi. Anemiya, B guruhi vitaminlari yetishmovchiligi, o‘pka kasalliklari va dori vositalariga ma’lum yuqori sezuvchanligi bo‘lgan bemorlarga ehtiyotkorlik bilan qo‘llash lozim. Qandli diabeti bo‘lgan bemorlarga polinevropatiya rivojlanish xavfi tufayli ehtiyotkorlik bilan buyuriladi. Neyropatiya birinchi simptomlari paydo bo‘lishi bilan dori vositasini qabul qilishni to‘xtatish lozim. Furamagning uzoq muddatli qo‘llanilishi periferik neyropatiyani (og‘riq, mos nerv sohasida sezuvchanlik buzilishi) ham chaqirishi mumkin. Uzoq muddatli qo‘llanilganda jigar va buyrak funksiyasi, shuningdek, o‘pka funksiyasini nazorat qilish zarur, ayniqsa 65 yoshdan katta bemorlarda (o‘pka fibrozining rivojlanish xavfi). Furamagning uzoq muddatli profilaktik dozalarida klinik ahamiyatli bakterial rezistentlik rivojlanmaydi. Furamag bilan davolash vaqtida psedomembranoz kolit rivojlanish holatlari haqida ma’lumotlar yo‘q, biroq deyarli barcha antibakterial vositalar, shu jumladan nitrofuran hosilalari uchun psedomembranoz kolit holatlari haqida xabarlar mavjud. Antibakterial vositalarni qo‘llash vaqtida to‘g‘ri ichakning tabiiy mikroflorasi bostirilishi natijasida diareya paydo bo‘lgan bemorlarda ushbu nojo‘ya ta’sir ehtimolini inobatga olish lozim. Antibiotiklardan farqli o‘laroq, Furamag ichak mikroflorasini deyarli o‘zgartirmaydi. Psevdomebranli kolitning yengil shaklida antibakterial vositani qabul qilishni to‘xtatish kifoya. Furamag qabul qilayotgan bemorlarda siydikda glyukozani misni qaytarish usuli bilan aniqlashda soxta musbat natijalar bo‘lishi mumkin. Agar siydikda glyukozani aniqlash uchun fermentativ usullar qo‘llanilsa, Furamag tahlil natijalariga ta’sir qilmaydi. Transport vositalarini boshqarish va mexanizmlarni xizmat ko‘rsatish qobiliyatiga ta’siri Dori vositasi transport vositalarini boshqarish yoki mexanizmlarga xizmat ko‘rsatish qobiliyatiga ta’sir qilmaydi. Biroq, davolash vaqtida bosh aylanishi, uyquchanlik yoki markaziy asab tizimi tomonidan boshqa nojo‘ya ta’sirlar paydo bo‘lgan bemorlar avtomobil yoki boshqa mexanizmlarni boshqarishda ehtiyotkorlikka rioya qilishlari lozim. Preparat yaroqlilik muddati tugaganidan so‘ng qo‘llanilmasligi va bolalar uchun yaroqsiz joyda saqlanishi lozim. Qo‘llash mumkin emas. 

 Doza oshirib yuborish holatlari haqida ma’lumotlar yo‘q. Odatda toksik hodisalar buyrak funksiyasi buzilgan bemorlarda namoyon bo‘lishi mumkin. Bunday hollarda