1 sache-paket quyidagilarni o'z ichiga oladi
faol modda - fosfomitsin trometamol 5,631 g (3,0 g fosfomitsinga ekvivalent),
yordamchi moddalari: saxaroza (maydalanilgan), apelsin essensiyasi, mandarin essensiyasi, kremniy dioksid kolloid anhidrid, natriy saxarin.

Fosfomed quyidagi patogen mikroorganizmlar tomonidan chaqirilgan, fosfomitsinga sezgir infeksiyalarni davolash uchun qo'llaniladi
- o‘tkir va asoratsiz siydik chiqarish yo‘llari infeksiyalari
- simptomsiz bakteriuriya
- siydik chiqarish yo‘llarining pastki bo‘limlarida jarrohlik aralashuvlari va diagnostik tekshiruvlar (masalan, TUR) o‘tkazishda siydik chiqarish yo‘llari infeksiyasining oldini olish

-preparatning har qanday komponentiga yuqori sezuvchanlik
-og'ir buyrak yetishmovchiligi (kreatinin klirensi < 10 ml/min)
-gemodializ
-12 yoshgacha bo'lgan bolalar yoshi

Kattalarga kuniga 1 marta 1 paket (3 g) buyuriladi.
Granulalar 1/3 stakan suvda eritiladi. Preparat kuniga 1 marta och qoringa, ovqatdan 2 soat oldin yoki keyin, afzalroq uxlashdan oldin, siydik pufagini oldindan bo'shatib, og'iz orqali qabul qilinadi.
Davolash kursi 1 kunni tashkil etadi. Og'irroq hollarda (keksa bemorlar, qaytalanuvchi infeksiyalar) 24 soatdan so'ng yana 1 paket qabul qilinadi.
Siydik chiqarish yo'llarining infeksiyalanishini oldini olish maqsadida jarrohlik aralashuvi va transuretral diagnostik muolajalar vaqtida 1 paket Fosfomed aralashuvdan 3 soat oldin va 24 soat o'tgach qabul qilinadi.
Qiz bolalar-o'smirlarga 12 yoshdan boshlab 3 g dozada bir marta buyuriladi.
Buyrak yetishmovchiligida doza kamaytiriladi va qabul qilish oralig'i uzaytiriladi.

Fosfomedning faol ingredienti – fosfomitsin trometamol – keng ta'sir doirasiga ega antibiotik, fosfon kislotasi hosilasi.
Fosfomed bakteritsid ta'sirga ega. Ta'sir mexanizmi bakteriya hujayra devori sintezining birinchi bosqichini bostirish bilan bog'liq. Fosfoenolpiruvatning strukturaviy analogi bo'lganligi sababli, N-atsetil-glyukozamino-3-o-enolpiruvil-transferaza fermenti bilan raqobatli o'zaro ta'sirga kirishadi, natijada ushbu fermentning o'ziga xos, selektiv va qaytmas inhibatsiyasi yuz beradi, bu esa boshqa antibiotiklar sinflari bilan o'zaro rezistentlikning yo'qligini va boshqa antibiotiklar bilan sinergizm imkoniyatini ta'minlaydi (in vitro amoksitsillin, tsefaleksin, pipemidin kislotasi bilan sinergizm kuzatiladi). Fosfomitsin trometamolning in vitro antibakterial ta'sir spektri ko'plab odatiy gram-musbat (Enterococcus spp., Enterococcus faecalis, Staphylococcus aureus, Staphylococcus saprophyt., Staphylococcus spp.) va gram-manfiy (E. coli, Citrobacter spp., Enterobacter spp., Klebsiella spp., Klebsiella pneumoniae, Morganella morganii, Proteus mirabilis, Pseudomonas spp., Serratia spp.) patogenlarni o'z ichiga oladi. In vitro fosfomitsin trometamol siydik chiqarish yo'llari epiteliyida bir qator bakteriyalarning adgeziyasini kamaytiradi.

Bir vaqtda ovqat qabul qilish Fosfomedning so'rilishini sekinlashtiradi, preparatni ovqatdan 2 soat oldin yoki keyin qo'llash kerak.
Preparatni qo'llashda antibakterial preparatlarni to'g'ri ishlatish bo'yicha rasmiy tavsiyalarga, xususan, antibiotiklarga chidamlilik rivojlanishining oldini olishga amal qilish zarur.
Antibiotiklar bilan davolash vaqtida yoki undan keyin og'ir va o'tmaydigan diareya boshlanishi antibiotik bilan bog'liq kolit belgisi bo'lishi mumkin. Uning eng og'ir shakli soxta membranoz kolit bo'lib, uni davolash darhol boshlanishi kerak. Ba'zi hollarda adekvat terapiya buyurilishi talab qilinadi. Bu klinik manzarada antipersistaltik preparatlarni qo'llash mumkin emas. Preparat tarkibida saxaroza mavjud. Irsi fruktoza intoleransi, glyukoza-galaktoza malabsorbsiya yoki saxaroza-izomaltaza yetishmovchiligi bo'lgan bemorlar ushbu dori vositasini qo'llamasliklari kerak.

Homiladorlik va laktatsiya davri
Homiladorlikda preparat faqat onaga kutilayotgan foyda homilaga bo'lgan potentsial xavfdan yuqori bo'lsa buyuriladi.
Agar laktatsiya davrida preparat buyurilishi zarur bo'lsa, davolash vaqtida emizishni to'xtatish kerak.

Dori vositasining transport vositalarini va potentsial xavfli mexanizmlarni boshqarish qobiliyatiga ta'sir qilish xususiyatlari
Dori vositasining nojo'ya ta'sirlarini hisobga olgan holda, transport vositalari va boshqa potentsial xavfli mexanizmlarni boshqarishda ehtiyotkorlikka rioya qilish kerak