1 g maz tarkibida Faol moddalari: nonivamid - 4 mg; nikoboksil - 25 mg Yordamchi moddalari: diizopropil adipat, kremniy dioksid kolloid, oq yumshoq parafin, sorbin kislotasi, Seylon sitronella moyi, tozalangan suv.

Artrit; revmatoid genezli artralgiyalar va mialgiya; sport jarohatlari, lat yeyishlar va boylam apparati shikastlanishlari; haddan tashqari jismoniy yuklama natijasida yuzaga kelgan mialgiya; lumbago; nevrid; ishalgiya; bursit va tendovaginit; jismoniy mashqlar, sport musobaqalari oldidan mushaklarni oldindan "qizdirish" uchun; periferik qon aylanishi buzilishlarida kompleks tomir kengaytiruvchi terapiya tarkibida.

Nikoboksil, nonivamid yoki preparatning yordamchi moddalarga yuqori sezuvchanlik; 12 yoshgacha bo‘lgan bolalar yoshi. preparatni sezgir teriga, ochiq yaralarga, yallig‘langan teri sohalariga, o‘tkazuvchanligi oshgan teri sohalariga: bo‘yin, qorin pastki qismi, son ichki yuzasiga surtish tavsiya etilmaydi.

Davolashni preparatning kichik miqdorini terining kichik sohasiga surtishdan boshlash kerak, individual reaksiyani baholash uchun. Preparatga individual reaksiya sezilarli darajada farq qilishi mumkin: ba'zi odamlarga zarur isituvchi effektni chaqirish uchun mazning kichik miqdorini surtish yetarli bo‘ladi. Ilova qilingan aplikator yordamida preparatning 0,5 sm dan oshmaydigan ustuni kaft kattaligidagi teri sohasiga yengil ishqalovchi harakatlar bilan surtiladi. Davolovchi ta'sirni kuchaytirish uchun preparat surtilgan teri sohasini jun mato bilan yopish mumkin. Ko‘p marotaba qo‘llanganda mazga reaksiya kamayishi mumkin, bu dozani oshirishni talab qiladi, doza individual tanlanadi. Zarurat tug‘ilganda mazni 2-3 marta/kun qo‘llash mumkin. Jismoniy mashqlar, sport musobaqalari oldidan mushaklarni oldindan isitish uchun taxminan 30 daqiqa oldin ishqalash tavsiya etiladi. Bemorni ogohlantirish kerakki, agar 10 kun davomida kutilgan effekt bo‘lmasa, shifokorga murojaat qilish lozim. Preparat teriga surtilgandan so‘ng qo‘llarni sovun bilan yaxshilab yuvish kerak.

Dori vositasining uzoq muddatli qo'llanilishi davomida quyidagi nojo'ya ta'sirlar aniqlangan: Immun tizimidan: anafilaktik reaksiyalar, oshirilgan sezgirlik. Nerv tizimidan: paresteziya, terining kuyish hissi. Nafas tizimidan: yo'tal, nafas qisilishi. Teri va teri osti to'qimalaridan: qo'llash joyida pufaklar yoki puskalar, mahalliy teri reaksiyasi (masalan, kontakt dermatiti), qichish, toshma, yuzning shishishi, qichish, qo'llash joyida issiqlik hissi.

Nonivamid Sintetik kapsaisin analogi hisoblanadi va og‘riqni kamaytiruvchi xususiyatlarga ega, bu xususiyatlar faol moddaning teriga preparatni qayta qo‘llashda periferik nozisiptiv S-tolalar va A-delta nerv tolalariga asta-sekin kirib borishi natijasida namoyon bo‘ladi. Terining sezgir nerv uchlarini stimulyatsiya qilib, atrofdagi tomirlarga kengaytiruvchi ta’sir ko‘rsatadi, bu esa kuchli va uzoq davom etuvchi issiqlik hissi bilan kechadi. Nikoboksil To‘g‘ridan-to‘g‘ri tomirlarni kengaytiruvchi ta’sir ko‘rsatadi. Nikoboksilning giperemik ta’siri nonivamidga nisbatan tezroq boshlanadi va kuchliroq bo‘ladi. Kombinatsiyalangan ta’sir Nonivamid va nikoboksil bir-birini to‘ldiruvchi tomirlarni kengaytiruvchi xususiyatlarga ega, terining giperemiyasini (qizarishini) chaqiradi. Giperemiya paydo bo‘lishi va teri haroratining bir necha daqiqa ichida oshishi preparatning faol komponentlari teriga tez kirib borayotganidan dalolat beradi. Finalgon® ta’siri lokal tarzda namoyon bo‘ladi va bir necha daqiqada rivojlanadi, maksimal effekt 20-30 daqiqada yuzaga chiqadi.

Mahalliy yoki tizimli qo‘llaniladigan boshqa preparatlar bilan o‘zaro ta’siri aniqlanmagan.

Finalgon® tomonidan chaqirilgan teri qoplamlarining mahalliy giperemiyasi tufayli qizarish, issiqlik hissi, qichishish yoki kuydiruvchi hissiyot paydo bo‘lishi mumkin. Ushbu simptomlar ayniqsa, Finalgon® ortiqcha miqdorda surtilganda yoki Finalgon® teriga juda intensiv ishqalanganda kuchliroq bo‘lishi mumkin. Mazning ortiqcha miqdori yoki ishqalanishi pufakchalar paydo bo‘lishiga olib kelishi mumkin. Finalgon® surtilgandan so‘ng darhol qo‘llarni yuvish kerak; preparatni davolash talab qilinmaydigan teri sohalariga, shuningdek, boshqa odamlarga tushmasligiga e’tibor berish lozim. Finalgon® ni yuzga, ko‘zga, og‘iz bo‘shlig‘iga surish mumkin emas. Aks holda, yuzning o‘tkinchi shishishi, og‘riq, kon’yunktiva yallig‘lanishi, ko‘zlarning giperemiyasi, ko‘zda kuydiruvchi hissiyot, ko‘rishning buzilishi, og‘izda noqulaylik va stomatit paydo bo‘lishi mumkin. Mazni bo‘yin, qorin yoki sonning ichki yuzasi kabi sezgir teri sohalariga surish tavsiya etilmaydi. Oq sochli odamlarda teri qoplamlari ko‘proq sezgir bo‘ladi va effekt kamroq miqdordagi maz qo‘llanganda ham erishiladi. Finalgon® surtilishidan oldin yoki keyin issiq dush yoki vanna qabul qilish mumkin emas. Finalgon® surtilganidan bir necha soat o‘tgach ham, terining qizarishi va kuchli issiqlik hissi terlash yoki qizish natijasida yuzaga kelishi mumkin. Finalgon® mazida yordamchi modda sifatida sorbin kislotasi mavjud, u mahalliy reaksiyalar (masalan, kontakt dermatit) chaqirishi mumkin. Dori vositasining transport vositalarini va mexanizmlarni boshqarish qobiliyatiga ta’siri. Finalgon® ning transport vositalarini va mexanizmlarni boshqarish qobiliyatiga ta’siri bo‘yicha tadqiqotlar o‘tkazilmagan. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak. Homiladorlik yoki laktatsiya davrida preparatni qo‘llash bo‘yicha ma’lumotlar yo‘qligi sababli, Finalgon® ni ushbu davrlarda qo‘llash tavsiya etilmaydi.

Simptomlar Finalgon® juda ko‘p miqdorda surtilganda uning giperemik ta’siri kuchayishi va tavsiflangan nojo‘ya ta’sirlar og‘irlashishi mumkin. Ko‘pincha shikastlangan terida pufakchalar yoki pufaklar paydo bo‘ladi. Nikoboksil teriga yaxshi so‘rilgani sababli, Finalgon® ning dozasi oshib ketganda tizimli reaksiyalar, masalan, yuqori tana qismining qizarishi, tana haroratining oshishi, qon quyilishi, og‘riqli giperemiya va arterial bosimning pasayishi yuzaga kelishi mumkin. Davolash Finalgon® ortiqcha miqdorda ishlatilganda, mazni teri yuzasidan o‘simlik moyi yoki oziqlantiruvchi krem yordamida olib tashlash orqali ta’sirini kamaytirish mumkin. Bunday hollarda Finalgon® ni ko‘z shilliq qavatidan vazelin yordamida olib tashlash kerak. Simptomatik davolash qo‘llaniladi.