1 flakon (15 ml) tarkibida: Faol modda: temir protein suksinat – 800 mg (40 mg Fe+3 ga ekvivalent) Yordamchi modda: sorbitol - 1400 mg, propilenglikol – 1000 mg, metilparagidroksibenzot natriy – 45 mg, propilparagidroksibenzot natriy – 15 mg, gilos aromatizatori (yovvoyi qora gilos aromatizatori kontsentrati, vanilin, amilatsetat, boshqa efirlarning kichik miqdorlari, benzaldehid, chinnigul daraxti guli moyi, propilenglikol, dietilenglikol monoetil efiri, suv) – 60 mg, natriy saxarinat – 15 mg, tozalangan suv – 15 ml gacha. Har bir qopqoq-dozator (qopqoq-konteyner) tarkibida: Faol modda: kalsiy folinat pentagidrat – 0,235 mg (0,200 mg kalsiy folinat yoki 0,185 mg folin kislotasiga ekvivalent); Yordamchi modda: mannitol – 99,8 mg.

- Temir (temir tanqisligi anemiyasi) va folatlarning latent va klinik jihatdan namoyon bo‘lgan yetishmovchiligini davolash; - Homiladorlik, laktatsiya, faol o‘sish davrida temir va folat yetishmovchiligini oldini olish uchun profilaktik terapiya; uzoq davom etgan qon ketishlardan so‘ng, to‘liq bo‘lmagan va muvozanatsiz ovqatlanish fonida.

- Preparatga yuqori sezuvchanlik; - Temir ortiqchaligi (gemoxromatoz); - Temir o‘zlashtirilishining buzilishi (qo‘rg‘oshinli anemiya, sideroaxrestik anemiya); - Temir tanqisligi bo‘lmagan anemiyalar (gemolitik anemiya; megaloblast anemiya, B12 vitamini yetishmovchiligi bilan bog‘liq); - Surunkali pankreatit; - Jigar sirrozi.

Ferlatum Fol og‘iz orqali ovqatdan oldin yoki keyin qabul qilinadi. Og‘iz orqali qabul qilish uchun eritma tayyorlash uchun qopqoq-dozator perforatoriga kuch bilan bosib, flakondagi eritmaga kukunni to‘kib yuborish kerak. Kuchli chayqatib, qopqoq-dozatorni olib tashlang va eritmani flakondan iching. Kattalar: kuniga 1-2 flakon, bu 40-80 mg Fe3+ va 0,235-0,470 mg kalsiy folinat pentagidratiga ekvivalent miqdorda yoki shifokor tavsiyasiga ko‘ra, 2 marta qabul qilinadi. Bolalar (yangi tug‘ilgan davrdan boshlab): kuniga 1,5 ml/kg (bu 4 mg/kg/kun Fe3+ va 0,0235 mg/kg/kun kalsiy folinat pentagidratiga ekvivalent miqdorda) 2 marta yoki shifokor tavsiyasiga ko‘ra. 1 flakon (15 ml) tarkibida: temir protein suksinilat – 800 mg (40 mg Fe+3 ga ekvivalent) va 0,235 mg kalsiy folinat pentagidrati (0,185 mg folin kislotasiga ekvivalent) mavjud. Homilador ayollar: Temir tanqisligi anemiyasining oldini olish uchun – kuniga 1 flakon. Temirning latent yoki klinik jihatdan namoyon bo‘lgan yetishmovchiligini davolash uchun – kuniga 1-2 flakon, 2 marta qabul qilinadi. Qon zardobidagi temir va gemoglobin ko‘rsatkichlari normallashgandan so‘ng, davolashni kamida yana 8-12 hafta davom ettirib, qo‘llab-quvvatlovchi doza buyuriladi.

Kamdan-kam hollarda, dozani kamaytirish yoki preparatni bekor qilishda yo‘qoladigan me’da-ichak buzilishlari paydo bo‘lishi mumkin.

Ferlatum Fol – temir va kalsiy folinat preparati, organizmdagi temir va folat yetishmovchiligini to‘ldiradi. Temirning asosiy funksiyasi – to‘qimalarga kislorod yetkazib berishdir. Temir gemoglobin, mioglobin, temir saqlovchi fermentlar-tsitoxromlar tarkibiga kiradi, elektronlarni tashiydi va oksidlanish, gidroksillanish va boshqa metabolik jarayonlar reaksiyalarining katalizatori sifatida ishlaydi. Ferlatum Fol temir-protein suksinilatni o‘z ichiga oladi, bu kompleks birikma bo‘lib, unda uch valentli temir (Fe3+) atomlari yarim sintetik oqsilli tashuvchi bilan o‘ralgan, bu esa me’da shilliq qavatining shikastlanishini oldini oladi. Oqsilli tashuvchi o‘n ikki barmoqli ichakda qayta eriydi va temirni uning eng yaxshi so‘rilish joyida ajratib chiqaradi. Ichakdan qonga uch valentli temir faol so‘rilish yo‘li bilan o‘tadi, bu esa dozani oshirib yuborish va zaharlanishning mumkin emasligini tushuntiradi. Kalsiy folinat – folin kislotasining kalsiy tuzi bo‘lib, organizmdagi folat yetishmovchiligini to‘ldiradi.