faol moddalari: fenazon 45,52 mg, lidokain gidroxlorid 11,38 mg; yordamchi moddalari: natriy tiosulfat, etanol 96%, tozalangan suv, natriy gidroksid, glitserin.

Kattalar va bolalarda (yangi tug‘ilganlarni ham qo‘shgan holda) quyidagi holatlarda mahalliy simptomatik davolash va og‘riqni qoldirish uchun: • o‘tkir o‘rta otitda; • grippdan keyingi asorat sifatida otitda; • barotravmatik otitda; • travmadan keyingi otitda.

• preparat komponentlariga va pirazol hosilalariga yuqori sezuvchanlik; • quloq pardasining perforatsiyasi.

Faqat mahalliy qo‘llash uchun. Tomchilar tashqi eshituv yo‘liga 3-4 tomchidan kuniga 2-3 marta tomiziladi. Sovuq eritmaning quloq suprasi bilan to‘qnash kelmasligi uchun flakonni qo‘llashdan oldin kaftda isitish kerak. Fenolor qo‘llash davomiyligi 10 kundan oshmasligi kerak, shundan so‘ng buyurilgan terapiyani tuzatish lozim.

Preparat odatda yaxshi ko‘tariladi. Kamdan-kam hollarda preparatga yuqori sezuvchanlik bilan bog‘liq simptomlar kuzatilishi mumkin.

Fenolor – bu mahalliy qo‘llash uchun mo‘ljallangan kombinatsiyalangan preparat. Mahalliy anestezik va yallig‘lanishga qarshi ta’sir ko‘rsatadi. Preparatning ta’siri tarkibiga kiruvchi faol komponentlar – fenazon va lidokain gidroxlorid bilan bog‘liq. Fenazon – yallig‘lanishga qarshi va og‘riq qoldiruvchi ta’sirga ega bo‘lgan analgetik-antipiretik. Lidokain gidroxlorid – mahalliy anestezik. Fenazon va lidokain gidroxlorid kombinatsiyasi anesteziyaning tezroq boshlanishiga, shuningdek, uning intensivligi va davomiyligini oshirishga yordam beradi.

Preparat pediatriyada qo‘llanilishi mumkin. Avtotransport boshqarish va mexanizmlarni boshqarish qobiliyatiga ta’siri Fenolor avtomobil boshqarish va yuqori psixomotor tezlik talab qiladigan ishlarni bajarish qobiliyatiga ta’sir qilmaydi. Preparatni qo‘llashdan oldin baraban pardasining butunligini tekshirish zarur. Agar preparat baraban pardasi perforatsiyasi bo‘lgan holatda qo‘llansa, faol moddalari tizimli qon aylanishiga o‘tishi mumkin, bu esa asoratlar rivojlanishiga olib kelishi mumkin. Fenolor preparatini boshqa quloq tomchilari bilan birga qo‘llaganda tomchilar orasida kamida 30 daqiqa interval saqlash zarur. Shuni yodda tutish kerakki, preparat tarkibida doping-nazoratda ijobiy natija berishi mumkin bo‘lgan faol komponent mavjud. Homiladorlik va laktatsiya davrida preparatni baraban pardasi butun bo‘lsa, ko‘rsatmalar bo‘yicha qo‘llash mumkin.

Preparatning dozani oshirib yuborilishi bo‘yicha ma’lumotlar mavjud emas.

Preparatni mahalliy qo‘llashda bir vaqtda buyurilgan analgetiklar va yallig‘lanishga qarshi preparatlar, antiseptiklar, antibiotiklarning mahalliy va tizimli qo‘llanilishi bilan salbiy o‘zaro ta’sir kuzatilmaydi.