Femistron kremi hayvonlardan olingan, suvda eriydigan natriy tuzlari ko'rinishidagi kon'yugirlangan estrogenlar aralashmasini o'z ichiga oladi. 1 g krem tarkibida faol modda — kon'yugirlangan estrogenlar — 0,625 mg, yordamchi moddalardan setil spirti, etilparagidroksibenzoat, glitserin, glitserilmonostearat, suyuq parafin, natriy laurilsulfat, stearin kislotasi, propilenglikol, oq (ari) mumi, tozalangan suv mavjud.

Femistron kremi intravaginal qo‘llash uchun mo‘ljallangan va menopauza va postmenopauza davrida ayollarda estrogen yetishmovchiligi natijasida yuzaga keladigan holatlarni davolash uchun qo‘llaniladi – vaginal simptomlar, masalan, vaginal quruqlik, dispareuniya, qichishish, vulva kraurozi, atrofik vaginit; - vaginal muhit kislotaliligini normallashtirish uchun; – siydik chiqarish buzilishlari, tez-tez, shoshilinch siydik chiqarish, oz miqdorda siydik tutib turolmaslik; - kichik tos a’zolarida operatsiyadan oldin va keyin, postmenopauza davrida ayollarda; - vaginal va siydik chiqarish yo‘llari infeksion kasalliklari qaytalanishining oldini olish uchun.

Bachadon qon ketishi aniqlanmagan kelib chiqishi; 2. Aniqlangan yoki olib tashlangan ko‘krak bezi raki, metastaz qiluvchi o‘smaga davolanayotgan bemorlar bundan mustasno; 3. Aniqlangan va ehtimoliy estrogen bog‘liq neoplaziya (yangi o‘sma, masalan, endometriy raki va gipertrofiyasi); 4. Mavjud yoki o‘tkazilgan chuqur venalarning tromboembolik kasalliklari, o‘pka arteriyasi emboliyasi; 5. O‘tkazilgan (so‘nggi bir yil ichida) yoki o‘tkir miokard infarkti yoki insult; 6. O‘tkir yoki surunkali jigar disfunktsiyasi yoki kasalliklari; 7. Preparat va uning ingredientlariga organizmning yuqori sezuvchanligi; 8. Ma’lum yoki kutilayotgan homiladorlik; 9. Laktatsiya davri.

Femistron kremi intravaginal tarzda 0,5 g – 2,0 g miqdorda kuniga bir marta, kasallik bosqichiga qarab qo'llaniladi. Femistron kremi tashqi jinsiy a'zolarda qichishish bo'lsa, tashqi tomondan qo'llanilishi mumkin. Davolash juda past samarali doza bilan boshlanadi, preparatni qisqa muddatli qo'llash hisobga olinadi. Qo'llash siklik bo'lishi kerak (uch hafta – preparatni qabul qilish, bir hafta – preparatni qabul qilishda tanaffus). Belgilari aniq bo'lgan bemorlarga qisqa muddatli davolash kursini hisobga olgan holda (0,625 mg tabletkalar kuniga 1 marta 10 kun davomida) kremni peroral preparat bilan bir vaqtda qo'llash tavsiya etiladi, bu orqali qin shilliq qavati kremga moslashadi. Estrogen saqlovchi preparatlarni qabul qilayotgan bemorlar shifokor tavsiyalariga muvofiq davriy tekshiruvdan o'tishlari kerak. Dozalash bemorning individual reaksiyasiga asoslanadi. Dozatorni ishlatish. 1. Qo'llarni yuvib, dozator porsheni va korpusini iliq suv va sovun bilan yuvib, tyo'ubikdan qopqoqni olib tashlang. 2. Dozatorning rezbali uchini tyo'ubikka burab ulang. 3. Shifokor tomonidan belgilangan kerakli doza uchun dozator korpusidagi belgilardan foydalaning. Dozator porshenini chiqarib olmasdan, uni tyo'ubikdan krem bilan asta-sekin to'ldiring. 4. Dozatorni tyo'ubikdan ajrating. 5. Orqaga yotib, tizzalarni buking. Dozatorni ehtiyotkorlik bilan qinga chuqur kiriting va dozator porsheniga bosib, kremni kiriting. Tozalash. Porshenni dozator korpusidan chiqarib oling. Iliq suv va sovun bilan yuving. QAYNATMANG VA ISSIQ SUV ISHLATMANG.

Individual allergik reaksiyalar shish, bosh aylanishi, toshma, qichishish, nafas olishda muammolar. Ular paydo bo‘lsa, shifokorga murojaat qiling. Juda kam hollarda (preparatga individual toqat qilmaslikda) oshqozon buzilishi, qorin dam bo‘lishi, libido oshishi / kamayishi, bosh aylanishi, bosh og‘rig‘i, ko‘ngil aynishi va ko‘krak sezuvchanligi mumkin. Har qanday nojo‘ya ta’sirlar kuchayishi yoki yomonlashuvi holatida shifokoringizga xabar bering. Agar sizda quyidagi noodatiy, ammo jiddiy nojo‘ya ta’sirlar paydo bo‘lsa: qo‘l yoki oyoqlarning shishishi, ko‘krakda tugunlar, noodatiy vaginal qon ketishi (masalan, dog‘lanish, to‘satdan qon ketish, uzoq / davriy qon ketish), oftalmologik o‘zgarishlar (masalan, kontakt linzalarni taqishda o‘zgarishlar, ko‘rishning yo‘qolishi), noodatiy vaginal ajralma / qichishish / hid, ko‘krak og‘rig‘i, psixik / kayfiyat o‘zgarishlari (masalan, og‘ir depressiya, xotira yo‘qolishi), nafas olishda muammolar, ko‘z yoki terining sarg‘ayishi / shish, to‘satdan kuchli bosh og‘rig‘i, holsizlik, nutqning noaniqligi, darhol shifokoringizga xabar bering. Agar Femistron kremidan yuqorida sanab o‘tilmagan boshqa nojo‘ya ta’sirlarni sezsangiz, shifokor yoki farmatsevtga murojaat qiling. Ko‘plab ayollar Femistron kremidan foydalanganda jiddiy nojo‘ya ta’sirlarni sezmaydi. O‘rganilmagan nojo‘ya ta’sirlarga ginekomastiya (erkaklarda) kiradi.

Endogen estrogenlar, asosan, ayol reproduktiv tizimining rivojlanishi, saqlanishi va ayollarga xos ikkilamchi jinsiy belgilar shakllanishi uchun javobgardir. Garchi endogen estrogenlar va ularning oraliq-metabolitlari dinamik muvozanatda bo‘lsa-da, estradiol asosiy hujayra ichidagi estrogen bo‘lib, uning metabolitlari estron va estriolga nisbatan kuchliroqdir, ular retseptor darajasida ta’sir ko‘rsatadi. Endogen estrogenlar gonadotropin, lyuteinlashtiruvchi gormon (LG) va follikulostimullovchi gormon (FSG) sekretsiyasini teskari aloqa mexanizmi orqali boshqaradi. Premenopauza davridagi ayollarda vaginal pH ko‘rsatkichi 3,5 – 5,0 ni tashkil etadi, bu laktobatsill bakteriyalari tomonidan sut kislotasi ishlab chiqarilishini aks ettiradi. Postmenopauza davrida vaginal pH ko‘rsatkichi 6,0-8,0 gacha ko‘tariladi, bu esa vaginal laktobakterial kolonizatsiyaning kamayishi, yuzaki hujayralarning kamayishi va natijada glikogen miqdorining pasayishi hamda vaginal epiteliyning yupqalashuvi bilan bog‘liq. Bundan tashqari, ushbu atipik vaginal pH ko‘rsatkichi 6,0–8,0 va estrogen konsentratsiyasining pasayishi, xamirturush zamburug‘lari va bakteriyalar, shu jumladan ichak tayoqchasi ko‘payishi uchun qulay patogen omil hisoblanadi. Shu sababli, postmenopauza davrida vagina infeksiya va yallig‘lanish rivojlanishi xavfiga duchor bo‘ladi. Siydik chiqarish yo‘llarining sog‘lom holati vagina holati bilan chambarchas bog‘liq, ayniqsa estrogen yetishmovchiligi holatida. Atipik vaginal pH ko‘rsatkichi 6,0–8,0 va patogen organizmlar pastki siydik chiqarish yo‘llariga ta’sir ko‘rsatishi mumkin, natijada o‘tkir va qaytalanuvchi uretrit va tsistit kasalliklari xavfi oshadi. Shunday qilib, estrogen vaginal muhitning kislotaliligini normallashtirishga yordam beradi. Estrogen yetishmovchiligi siydik pufagi uchburchagida atrofik o‘zgarishlarni keltirib chiqaradi, siydik-jinsiy diafragma mushaklari va biriktiruvchi tuzilmasining elastikligini kamaytiradi, kollagen almashinuvini buzadi va siydik pufagi bo‘yni va siydik chiqarish kanali sfinkterini innervatsiya qiluvchi adrenergik tizim faolligini pasaytiradi. Shunday qilib, ekzogen estrogenlar siydik chiqarish buzilishlarini, masalan, tez-tez, shoshilinch siydik chiqarish, oz miqdorda siydik tutib turolmaslikni davolashga yordam berishi va siydik-jinsiy fiziologiyani tiklashi mumkin.

Qo‘llashni boshlashdan oldin umumiy tibbiy va ginekologik tekshiruv, shu jumladan kichik chanoq a’zolari, sut bezlari tekshiruvi, QD o‘lchash, endometriy sitologik tahlili o‘tkazilishi lozim. Homiladorlikni istisno qilish zarur. Uzoq muddatli davolashda bunday tekshiruv har 6–12 oyda o‘tkazilishi kerak. Rejalashtirilgan jarrohlik aralashuvidan 4–6 hafta oldin va uzoq muddatli immobilizatsiya davrida tromb hosil bo‘lishining oldini olish uchun davolashni to‘xtatish tavsiya etiladi. Quyidagi holatlarda preparatni qabul qilishni darhol to‘xtatish kerak: chuqur venalar trombozi, tromboembolik kasalliklar, QDning sezilarli oshishi, sariqlik paydo bo‘lishi, migren kabi bosh og‘rig‘i paydo bo‘lishi, to‘satdan ko‘rishning buzilishi. Gipertenziyadan aziyat chekayotgan bemorlarda o‘rinbosar gormonal terapiya vaqtida QDni muntazam nazorat qilish kerak. Davolashning boshlang‘ich davrida qandli diabetli bemorlar glyukozaga tolerantlikning pasayishi mumkinligi sababli diqqat bilan kuzatilishi lozim. Barbituratlar, fenilbutazon, rifampitsinni bir vaqtda qabul qilish, preparatni qabul qilish oralig‘ida noaniq qon ketishlar yoki g‘ayrioddiy ko‘p qon ketishlar, epigastral sohada noqulayliklar paydo bo‘lishi haqida davolovchi shifokorga xabar berish zarur. Preparatni qabul qilish vaqtida noaniq bachadon qon ketishlari yuzaga kelsa, endometriy sitologik tahlili o‘tkazilishi kerak. Davolash muddati 5 yildan ortiq bo‘lsa, davolashning ijobiy ta’siri va nojo‘ya ta’sirlarini diqqat bilan baholash zarur. Preparatni sut bezlarida tugunli yoki fibroz-kistoz o‘zgarishlari bo‘lgan yoki ilgari bo‘lgan ayollarga buyurishda alohida ehtiyotkorlik ko‘rsatish kerak. Bunday hollarda diqqatli kuzatuv va muntazam mamografiya o‘tkazish zarur. Klimakterik davrda estrogen preparatlarini qabul qilayotgan ayollarda o‘t tosh kasalligi xavfi oshadi (estrogenlar o‘tning litogenligini oshiradi). Preparat kontratseptiv vosita emas va urug‘lantirish qobiliyatini tiklamaydi. Preparat prezervativlarning ishonchliligini kamaytirishi mumkin, qo‘shimcha himoya vositalari bo‘yicha shifokoringizga murojaat qiling. Bolalar yoshida qo‘llash Estrogenlar bilan katta va takroriy dozalarda uzoq muddatli davolash epifiz o‘sish zonasining tezroq yopilishiga olib kelishi mumkin, bu esa sog‘lom o‘smirlarda fiziologik o‘sish va jinsiy yetilish tugallanishidan oldin davolash boshlangan bo‘lsa, fiziologik o‘sishni to‘xtatishi mumkin. Agar estrogenlar fiziologik o‘sishi tugallanmagan bemorlarga buyurilsa, bemorning keyingi rivojlanishini va estrogenlarning epifiz markazlariga ta’siri natijalarini monitoring qilish kerak. O‘smirlarda preparatning xavfsizligi va samaradorligi aniqlanmagan. Pubertat davrida qizlarda estrogen bilan davolash ko‘krakning erta rivojlanishi va vaginal keratinizatsiyani chaqiradi, shuningdek, vaginal qon ketishiga olib kelishi mumkin. O‘g‘il bolalarda estrogen bilan davolash normal jinsiy yetilish jarayonini o‘zgartirishi va ginekomastiyaga olib kelishi mumkin. Dori vositasining avtotransport va potensial xavfli mexanizmlarni boshqarish qobiliyatiga ta’sir qilish xususiyatlari Aniqlanmagan. Preparatni bolalar ololmaydigan joyda saqlash va yaroqlilik muddati o‘tganidan keyin qo‘llamaslik kerak. Femistron homiladorlikda qo‘llash uchun kontraindikatsiyalangan. Laktatsiya davrida Femistron qo‘llash zarur bo‘lsa, emizishni to‘xtatish masalasini hal qilish kerak.