1 tabletka tarkibida: faol komponentlar (komponentlar nisbati 1:1:1:1) – 0,0055 g*: Phytolacca americana (Phytolacca) (Fitolyakka amerikana (Fitolyakka)) S24, Atropa belladonna (Belladonna) (Atropa belladonna (Belladonna)) C30, Hepar sulfuris (Gepar sulfuris) C12, Acidum silicicum (Silicea) (Atsidum silitsium (Silitseya)) C12. * izomaltga gomeopatik suyultirishlarning suv-spirtli aralashmasi ko‘rinishida qo‘llaniladi.

Kattalar va 5 yoshdan katta bolalarda tomoqning yallig‘lanish kasalliklarini davolash, shu jumladan, kompleks terapiya tarkibida.

Preparat tarkibiy qismlariga yuqori individual sezuvchanlik; 5 yoshgacha bo‘lgan bolalar (klinik qo‘llash tajribasi yo‘qligi sababli); homiladorlik, emizish davri.

Qabul qilish uchun bir tabletkani og‘izda to‘liq eriguncha ushlab turiladi. Preparatni kasallikning dastlabki belgilari paydo bo‘lishi bilan qabul qilish maqsadga muvofiq. Preparat quyidagi sxema bo‘yicha qabul qilinadi: davolashning dastlabki 2 soatida har soatda 1 tadan, so‘ngra har 3-4 soatda 1 tadan, lekin sutkada 5 tabletkadan ko‘p emas. Agar preparatni qabul qilish boshlanganidan 24 soat o‘tib ham kasallikning yaqqol simptomlari saqlanib qolsa, shifokorga murojaat qilish zarur.

Preparat komponentlariga individual yuqori sezuvchanlik reaksiyalari bo‘lishi mumkin. Nojo‘ya ta’sirlar paydo bo‘lsa, preparatni qabul qilishni to‘xtatish va bu haqda davolovchi shifokorga xabar berish kerak.

Ko‘p komponentli gomeopatik preparat, uning ta’siri tarkibiga kiruvchi faol komponentlar bilan bog‘liq. Og‘riq qoldiruvchi va yallig‘lanishga qarshi ta’sir ko‘rsatadi. Shish, qizarish, tomoqda qichishish va og‘riqni kamaytiradi, burun orqali nafas olishni yengillashtiradi, LOR-organlar tomonidan asoratlar rivojlanish ehtimolini kamaytiradi.

Gomeopatik dori vositalarini qabul qilganda mavjud simptomlar vaqtincha kuchayishi (birlamchi yomonlashish) mumkin. Bunday holatda preparatni qabul qilishni to‘xtatish va davolovchi shifokorga murojaat qilish kerak. Transport vositalarini, mexanizmlarni boshqarish qobiliyatiga ta’siri: Preparatni qo‘llash diqqatni jamlash va psixomotor reaksiyalar tezligini talab qiluvchi potensial xavfli faoliyat turlarini (transport vositalarini boshqarish, harakatlanuvchi mexanizmlar bilan ishlash, dispetcher, operator ishlari) bajarish qobiliyatiga ta’sir ko‘rsatmaydi.