Har bir kapsula tarkibida: faol moddalari: essensial fosfolipidlar - 300,0 mg, nikotinamid - 30,0 mg, vitamin V1 (tiamin mononitrat) - 6,0 mg, vitamin V2 (riboflavin) - 6,0 mg, vitamin V6 (piridoksin gidroxlorid) - 6,0 mg, vitamin V12 (sianokobalamin) - 0,006 mg, vitamin E (alfa-tokoferilatsetat) - 6,0 mg; yordamchi moddalari: talk, magniy stearat, makkajo‘xori kraxmali, kremniy dioksid kolloid suvdan holi, dinatriy tuzi etilendiamintetrauksus kislota; kapsula qobig‘i tarkibi: jelatin, glitserin, titan dioksid E-171, natriy laurilsulfat, quyosh botishi sariq E-110, tozalangan suv.

· turli kelib chiqishli lipid almashinuvi buzilishlari; · o‘tkir va surunkali gepatit; jigar sirrozi; · alkogolli va narkotik intoksikatsiya; · zaharlanishlar (jumladan, dori vositalari bilan); · gepatotsitlar funksiyasi buzilishi (boshqa kasalliklar asorati sifatida); · jigar radiatsion shikastlanishi; · psoriaz (kombinatsiyalangan terapiya tarkibida).

Dori vositasi komponentlariga yuqori sezuvchanlik, xolestaz, o‘t pufagi empiemasi, nefrolitiaz, me’da va o‘n ikki barmoqli ichak yara kasalligi zo‘rayish bosqichida.

Og'iz orqali, ovqat paytida; kapsulalarni butun holda, yetarli miqdorda suv bilan ichish kerak. Dori vositasi 2 kapsuladan kuniga 2-3 marta buyuriladi. Davolash kursining davomiyligi kamida 5 oy; zarurat tug‘ilganda dori vositasini uzoqroq muddat qo‘llash yoki davolash kursini takrorlash mumkin. Psoriazda dori vositasi yordamchi terapiya sifatida 2 kapsuladan kuniga 3 marta 2 hafta davomida qo‘llaniladi.

Odatda dori vositasi yaxshi o‘zlashtiriladi. Juda kam hollarda meteorizm, ko‘ngil aynishi, diareya, siydikning to‘q sariq rangga bo‘yalishi, oshqozon sohasida noqulaylik, gipersensitivlik reaksiyalari, teri toshmalari, eshakemi, qichishish paydo bo‘lishi mumkin.

Kombinatsiyalashgan dori vositasi, uning ta’siri tarkibiga kiruvchi komponentlarning xususiyatlari bilan bog‘liq. «Essensial fosfolipidlar» ― tabiiy kelib chiqishga ega bo‘lgan murakkab moddalar bo‘lib, ular diglitseridli efirlar, fosfatid va to‘yinmagan yog‘ kislotalari (asosan olein va linolen) hisoblanadi. Ular gepatotsitlar hujayra membranalari va organellalarining muhim strukturaviy elementi hisoblanadi. Fosfolipidlar membranalarning o‘tkazuvchanligini, membrana bilan bog‘langan fermentlar faolligini tartibga soladi, oksidlovchi fosforillanishning normal jarayonlarini ta’minlaydi. Dori vositasi turli etiologiyali gepatotsitlar shikastlanishida fosfolipidlar biosintezini va umumiy lipid almashinuvini normallashtiradi. Gepatotsitlar membranasini strukturaviy regeneratsiya va oksidlovchi jarayonlarni raqobatli inhibitsiyalash hisobiga tiklaydi: biomenbranalarga joylashgan to‘yinmagan yog‘ kislotalari membrana lipidlari o‘rniga toksinogen ta’sirlarni o‘ziga qabul qilishga qodir. Jigar hujayralarining regeneratsiyasiga yordam beradi, o‘tning fizik-kimyoviy xususiyatlarini barqarorlashtiradi. Tiamin mononitrat (vitamin V1) koferment sifatida uglevod almashinuvida ishtirok etadi. Riboflavin (vitamin V2) ― hujayra nafas olish jarayonlarining eng muhim katalizatori. Piridoksin gidroxlorid (vitamin V6) koferment sifatida aminokislotalar va oqsillar almashinuvida ishtirok etadi. Sianokobalamin (vitamin V12) foliy kislotasi bilan birga nukleotidlar sintezida ishtirok etadi. Nikotinamid to‘qima nafas olishi, yog‘ va uglevod almashinuvi jarayonlarida ishtirok etadi. Alfa-tokoferilatsetat (vitamin E) antioksidant xususiyatlarga ega, membranalardagi to‘yinmagan yog‘ kislotalarini lipoprotektsiyadan himoya qiladi.

Dori vositasini qo‘llash quyidagi hollarda ehtiyotkorlikni talab qiladi: allergik kasalliklari bo‘lgan bemorlarda, anamnezda me’da va o‘n ikki barmoqli ichak yarasi bo‘lsa, yurak va qon kasalliklarida. Agar dori vositasiga allergik reaksiya paydo bo‘lsa, qabul qilishni to‘xtatish kerak. Surunkali gastriti bo‘lgan bemorlarda jelatinli kapsulalarni hazm qilishni yengillashtirish uchun tarkibida ovqat hazm qilish fermentlari bo‘lgan vositalarni qo‘shimcha qo‘llash tavsiya etiladi. Bolalar. Dori vositasi 12 yoshdan katta bolalarni davolash uchun qo‘llaniladi.