5 ml eritma tarkibida:

faol modda - essensial fosfolipidlar (soya loviyalari asosidagi fosfatidilxolin, quruq modda miqdori 93% (3-sn-fosfatidil) xolini) 298,92 mg (250 mg),

yordamchi moddalari: benzil spirti, dezoksixol kislotasi, natriy xlorid, natriy gidroksid (granulalar), riboflavin (vitamin V2), in'ektsiya uchun suv.

- fosfatidilxolingа va/yoki preparatning biron bir komponentiga yuqori sezuvchanlik            

- 3 yoshgacha bo‘lgan bolalar, shu jumladan yangi tug‘ilgan va muddatidan oldin tug‘ilgan chaqaloqlar, benzil spirti tarkibi tufayli

- laktatsiya davri

Kattalar va 12 yoshdan katta bolalarga tomir ichiga sekin 5-10 ml, og‘ir holatlarda 10-20 ml kuniga yuboriladi. Maksimal bir martalik doza 10 ml, maksimal sutkalik doza 20 ml. Kiritish soni kuniga 1-2 marta.    
3 yoshdan 6 yoshgacha bo‘lgan bolalarga kuniga 2 ml, 6 yoshdan 12 yoshgacha bo‘lgan bolalarga kuniga 2-5 ml.    
Og‘ir kasallik kechishida davolashni tomir ichiga Essentiale® N yuborishdan boshlash, so‘ngra kapsula shaklidagi Essentiale® forte N ni og‘iz orqali qabul qilishga o‘tish tavsiya etiladi.
Davolash davomiyligi klinik-laborator ko‘rsatkichlarni hisobga olgan holda shifokor tomonidan belgilanadi va 5 kundan 10 kungacha bo‘lishi mumkin.
Ixtiyoriy ravishda eritmani bemorning qoni bilan 1:1 nisbatda suyultirish mumkin.
Essentiale® N ni boshqa preparatlar bilan bir shpritsda aralashtirishdan saqlanish zarur!
Eritmani mushak ichiga yuborib bo‘lmaydi, chunki yuborish joyida to‘qimalarning tirnash xususiyati paydo bo‘lishi mumkin. Essentiale® N eritmasini teri ostiga yuborib bo‘lmaydi. Infuziya vaqtida Essentiale® N 5% glyukoza eritmasida eritiladi.
Elektrolit eritmalarida (natriy xlorid fiziologik eritmasi, Ringer eritmasi va boshqalar) suyultirish mumkin emas.
Barcha Essentiale® N eritmalari aralashmasining pH darajasi 7,5 dan past bo‘lmasligi kerak, tayyor eritma in'ektsiya vaqtida shaffofligini saqlashi lozim.

Juda kam hollarda
- ekzantema yoki toshma, eshakemi ko‘rinishidagi allergik reaksiyalar
Tez-tezligi noma’lum
- qichishish

Jigar kasalliklarida gepatotsitlar nobud bo‘ladi, bu esa jigar fermentlarining chiqishiga va ularning qon zardobidagi faolligining oshishiga olib keladi.

Essentiale® N tarkibidagi fosfolipidlarning kimyoviy tuzilishi endogen fosfolipidlarning tuzilishiga o‘xshash, biroq ulardagi ko‘p to‘yinmagan (essensial) yog‘ kislotalarining yuqori miqdori tufayli, Essentiale® N tarkibidagi fosfolipidlar yanada faolroqdir. Yuqori energiyali fosfolipid molekulalari jigar hujayralari membranalari tuzilmasiga qo‘shilib, ularning membranalarining regeneratsiyasini oshiradi.

Essensial fosfolipidlarning kimyoviy tuzilishining o‘ziga xosligi tufayli, hujayra membranalaridagi ko‘p to‘yinmagan yog‘ kislotalarida tsis-ikki bog‘larning (uglevodorod zanjirlarining ikki bog‘lar bir tomonida joylashishi) mavjudligi yog‘ kislotalari tuzilmasining zichlashishiga to‘sqinlik qiladi. Bu membrana tuzilmasining ko‘proq suyuqlanishiga olib keladi, bu esa organizmdagi ko‘pchilik hujayralarning optimal faoliyati uchun zarurdir. Shu mexanizm orqali essensial fosfolipidlar hujayralarning gormonlar yoki neyrotransmitterlar uchun retseptor bo‘lgan qismlariga ta’sir ko‘rsatadi, natijada modda almashinuvi tezligi, ayniqsa, lipidlar almashinuvi kuchayadi. Fosfolipidlar buzilgan lipid almashinuviga lipoproteidlar metabolizmini tartibga solish orqali aralashadi, shunday qilib neytral yog‘lar va xolesterin tashiladigan shakllarga aylanadi va eng muhimi, bu yuqori zichlikdagi lipoproteidlarning xolesterinni ushlash qobiliyatining oshishi hisobiga sodir bo‘ladi va shu tarzda uning oksidlanishiga olib kelishi mumkin. Ekzogen fosfolipid molekulalari o‘zining antioksidant xususiyatlari va erkin radikallarni ushlash xususiyati bilan lipidlarni ortiqcha oksidlanishdan ishonchli himoya qiladi, ya’ni oksidlovchi stressni bostiradi va hujayra shikastlanishini kamaytiradi. Essensial fosfolipidlar jigar mikrosomalarida vodorod peroksidi ishlab chiqarilishini kamaytiradi va jigar hamda plazmadagi kamaygan glyutation konsentratsiyasini oshiradi.

Essentiale® N eritmasining tomir ichiga yuborilishi jigar faoliyati buzilgan bemorlarda ichak-jigar safro kislotalari aylanishini yaxshilaydi. Fosfolipidlar safro tarkibi va oqimiga chuqur ta’sir ko‘rsatadi. Fosfolipidlarning safro bilan chiqarilishi vaqtida safro toshlari hosil bo‘lishi xavfi kamayadi va safro tarkibi barqarorlashadi.

Essentiale® N qo‘llanilganda «soya loviyasidan olingan fosfolipidlar» ga allergik reaksiya xavfi bo‘lishi mumkin.

Preparat tarkibida etanolning iz miqdori (0,6 hajm foizi) mavjud, chunki etil spirti texnologik ishlab chiqarish jarayonida ishlatiladi. Benzil spirti saqlovchi preparat yangi tug‘ilgan va muddatidan oldin tug‘ilgan chaqaloqlarga buyurilganda, benzil spirtining toksik ta’siri natijasida o‘limga olib keluvchi “Gasping sindromi” rivojlanishi mumkin (qarang “Qo‘llash mumkin bo‘lmagan holatlar”).