1 таблетка қўйидагиларни сақлайди:

фаол модда: эритромицин – 100 мг, 250 мг, 500 мг.

ёрдамчи моддалар: картошка крахмали, поливинилпиролидон (повидон), твин-80 (полисорбат-80), кальций стеарати ёки магний стеарати, тальк, натрий крахмал гликоляти.

қобиқ таркиби: 30% полиакрилант дисперсияси, тальк, пропиленгликоль, титан икки оксиди. 

 

 

Эритромицинга сезгир қўзғатувчилар томонидан чақирилган бактериал инфекциялар: 

- ЛОР-аъзолари инфекциялари (ларингит, фарингит, тонзиллит, синусит, ташқи ва ўрта отитлар); 

- қуйи нафас йўллари инфекциялари (трахеит, бронхит, пневмония);

- тери ва юмшоқ тўқималар инфекциялари (терининг йирингли касалликлари, жумладан инфекцияланган жароҳатлар, кўп ётиш туфайли эзилган ёки қотиб қолган тана соҳалари, II-III даражали куйишлар, трофик яралар); 

- ўт чиқариш йўллари инфекциялари (холецистит);

- ҳомиладорларда Chlamydia trachomatis томонидан чақирилган сийдик-жинсий инфекциялари; 

- тетрациклинларни ўзлаштира олмасликда ёки самарасизлигида, катталарда асоратланмаган хламидиоз (сийдик чиқариш йўлларининг қуйи соҳаларида ва тўғри ичакдаги локализацияси билан); 

- бирламчи таносил (пенициллинларга аллергияси бўлган пациентларда);

- гонорея; 

- скарлатина, легионеллёз (легионерлар касаллиги), листериоз, трахомада қўлланилади.

Ревматизм билан оғриган беморларда стрептококкли инфекция зўрайишининг олдини олиш (тонзиллит, фарингит). Хавф омилларига (юрак нуқсонлари, протезланган клапанлар ва бошқалар) эга беморларда стоматологик аралашув ва ЛОР-аъзоларидаги операцияларда инфекцион эндокардитнинг олдини олиш. Эритромицин пенициллин ва пенициллин гуруҳи бошқа антибиотикларига, шунингдек бошқа бета-лактамларга аллергия бўлганда, заҳира антибиотиги ҳисобланади

 

 

Эритромицин-НИКА қуйидаги ҳолатларда қўлланилмасин:

 - эритромицин, препаратнинг бошқа компонентига ёки бошқа макролидларга гиперсезувчанлик; 

- эшитишнинг аҳамиятли пасайиши; 

- терфенадин, астемизол, пимозид, эрготамин, дигидроэрготаминни бир вақтда қўллаш, 14 ёшгача бўлган болаларда қўллаш; 

- эмизиш даврида қўллаш мумкин эмас.

Ҳомиладорлик, аритмиялар (анамнезида), QT оралиғининг чўзилиши, сариқ касал (анамнезида), жигар ва/ёки буйрак етишмовчилиги.

 

 

Ичга қабул қилинади. Таблетка овқатланишдан 1-2 соат олдин ёки овқатлангандан 2-3 соатдан сўнг қабул қилинади. Таблеткани қисмларга бўлиш ва чайнаш мумкин эмас. 

Катталар ва 14 ёшдан ошган ўсмирлар: кўпчилик инфекцияларда одатий доза: бир марталик доза - 250-500 мг, суткалик доза - 1000-2000 мг (1-2 г). Эритромицин суткада 4 маҳал қабул қилинади, қабул қилишдан орасидаги оралиқ – 6 соат. Эритромициннинг 1 г/сутка дан ортиқ бўлмаган дозасида препаратни суткада 2 маҳал қабул қилиш мумкин (ҳар 12 соатда 500 мг дан). Оғир инфекцияларда эритромициннинг суткалик дозаси 4 г (4000 мг) гача оширилиши мумкин. Эритромициннинг катталар учун максимал суткалик дозаси – 4 г (4000 мг). 

Даволаш курси - 5-14 кун, симптомлар йўқолгандан сўнг, даволаш яна 2 кун давом эттирилади. 

Турли локализацияли стрептококкли инфекцияларни даволаш  (жумладан, тонзиллофарингит) –камида 10 кун давом эттирилиши шарт. 

Ўсмирлик тошмаларида (ҳуснбузарлар)  - махаллий даволаш билан биргаликда 250 мг дан суткада 2 маҳал, сўнгра, даволаниш бошлангандан 1 ойдан кейин  бемор ҳолатидан келиб чиққан ҳолда, доза 250 мг дан суткада 1 маҳалгача пасайтирилиши мумкин. 

Ҳомиладорлик давридаги сийдик-жинсий хламидийли инфекцияларда  - 500 мг дан суткада 4 маҳал, камида 7 кун давомида ёки (бундай доза ёмон ўзлаштира олинганда) – 250 мг дан суткада 4 маҳал (ёки 500 мг дан суткада 2 маҳал ҳар 12 соатда) камида 14 кун давомида. 

Асоратланмаган хламидиозда (уретрал, эндоцервикал ёки ректал), тетрациклин антибиотикларни ўзлаштира олинмаганда – катталарга 500 мг дан суткада 4 маҳал, камида 7 кун давомида. 

Бирламчи таносилни даволаш – бир курс доза 30-40 г га тенг. Даволаш давомийлиги – 10-15 кун, қабул қилишлар сони – суткада 4 маҳал. Даволашни вена ичига юборишдан бошлаш, ва кейинчалик перорал дори шаклларига ўтиш афзалроқ. 

Гонореяда – 500 мг дан ҳар 6 соатда 3 кун давомида, кейинчалик 250 мг дан ҳар 6 соатда 7 кун давомида. 

Дифтерияли бактерия ташувчиликни даволаш – 250 мг дан суткада 2 маҳал, камида 7 кун. 

Кўкйўталда - 100-250 мг дан суткада 4 маҳал, даволаш курси 5-14 кун. 

Скарлатинада (қизилча касаллиги) – одатий дозаларда, даволаш курси – камида 10 кун. 

Легионеллёзда (легионерлар касаллиги) – 2-4 г/сутка га тенг суткалик дозада, касалликнинг клиник симптоматикаси йўқолгунча қадар (14 кундан кам болмаган) 4 га бўлинган ҳолда қабул қилинади (500-1000 мг дан, суткада 4 маҳал). 

Листериозда - 250-500 мг дан суткада 4 маҳал, камида 7 кун, этиотроп муолажа нормал тана ҳарорати кузатилишининг 6-7 кунигача, оғир кўринишларида эса – 14-21 кунигача амалга оширилади. 

Эритразмда - 250 мг дан суткада 4 маҳал, 5-7 кун давомида, ташқи қўллаш учун воситлар билан биргаликда. 

Амёбали дизентерияда: катталар ва 14 ёшдан катта ўсмирларга - 250 мг дан суткада 4 маҳал. Даволаш давомийлиги - 10-14 кун. 

Ревматизм билан оғриган катталарда стрептококкли инфекциялар (тонзиллит, фарингит) зўрайишининг олдини олиш - 250-500 мг дан суткада 4 маҳал, даволаш курсининг давомийлиги –камида 10 кун. 

Юрак нуқсонларига эга беморларда стоматологик аралашув ва ЛОР-аъзоларидаги операцияларда инфекцион эндокардитнинг олдини олиш - катталарга 1 г (1000 мг) дан даволаш ёки ташхислаш амалиётидан 1-2 соат олдин, кейинчалик 500 мг дан ҳар 6 соатда, умумий 8 та қабул.

 

 

 Баъзи холларда,  қуйидаги салбий реакциялар кузатилади:

- аллергик реакциялар: терида аллергик реакциялари (эшакеми, тошманинг бошқа шакллари), эозинофилия, кам ҳолларда – анафилактик шок.

- овкат хазм килиш тизими томонидан: Кўнгил айниши, қусиш, гастралгия, тенезмлар, абдоминал оғриқлар, диарея, дисбактериоз, кам ҳолларда – оғиз бўшлиғининг кандидози, сохтамембраноз энтероколит (даволаш вақтида ҳам, ундан кейин ҳам), жигар фаолиятини бузилиши, холестатик сариқлик, «жигар» трансаминазалари фаоллигини ошиши, панкреатит, эшитишни пасайиши ва/ёки қулоқларни шанғиллаши (юқори дозалар қўлланганида – суткада 4 г дан ортиқ, эшитишни пасайиши препарат бекор қилинганидан сўнг одатда қайтувчандир).

- эшитиш аъзоси томонидан: ототоксиклик – эшитишнинг пасайиши ва/ёки қулоқларда шовқин (юқори дозалар – 4 г/суткадан кўп дозаларда қўлланганда; одатда қайтар ҳисобланади);

-  юрак-қон томири тизими томонидан: Кам ҳолларда – тахикардия, ЭКГ да QT интервални узайиши, юрак қоринчалари аритмияси, шу жумладан QT интервали узайган беморларда юрак қоринчалари тахикардияси («пируэт» тури) кузатилиши мумкин.

 

 

Макролидлар гуруҳига мансуб бактериостатик антибиотик, рибосомаларнинг 50S суббирлиги билан, унинг донор қисмига қайтувчан боғланади, бу аминокислоталарнинг молекулалари орасида пептид боғларнинг ҳосил бўлишини бузади ва микроорганизмларнинг оқсилларини синтезини блоклайди (нуклеин кислоталарнинг синтезига таъсир этмайди). Юқори дозаларда қўлланганда, қўзғатувчининг туридан келиб чиққан ҳолда бактерицид таъсир кўрсатиши мумкин. Сезгирлар қаторига антибиотик концентрацияси 0.5 мл/л дан паст бўлганда ўсиши секинлашувчи микроорганизмлар, ўртача сезгирлар қаторига – 1-6 мг/л, турғунлар қаторига эса- 6 мг/л дан юқори қийматга эга бўлганлар киради. Эритромициннинг микробларга қарши кенг таъсир доираси ўз ичига қуйидагиларни олади: граммусбат микроорганизмлар (пенициллиназани продуцирловчи ва продуцирламайдиган Staphylococcus spp., жумладан Staphylococcus aureus (метициллинга чидамли бўлган штаммлари - MRSA дан ташқари);  Streptococcus spp. (жумладан Viridans гуруҳига оид Streptococcus pneumoniae, Streptococcus pyogenes, Streptococcus spp.); Bacillus anthracis, Corynebacterium diphtheriae, Corynebacterium minutissimum, Listeria monocytogenes; ва грамманфий микроорганизмлар: Campylobacter jejuni, Moraxella (Branhamella) catarrhalis, Neisseria gonorrhoeae, Haemophilus influenzae (айрим штаммлари эритромицинга чидамли, лекин бошқа макролид антибиотикларга сезгир бўлиши мумкин), Bordetella pertussis, Brucella spp., Legionella spp. (жумладан Legionella pneumophila); ва бошқа микроорганизмлар: Mycoplasma spp. (жумладан Mycoplasma pneumoniae), Chlamydia spp. (жумладан Chlamydia trachomatis), Ureaplasma urealyticum, Treponema spp., Propionibacterium acnes, Entamoeba histolytica.

Эритромицинга чидамли грамманфий таёқчалар: Esherichia coli ва Enterobacteriaceae оиласига мансуб бошқа вакиллар (Klebsiella spp., Proteus spp., Salmonella spp., Shigella spp. ва бошқалар), Pseudomonas aeruginosa, Acinetobacter spp. ва ферментламайдигар бошқа бактериялар, шунингдек анаэроб бактериялар (Bacteroides spp., жумладан Bacteroides fragilis), Staphylococcus aureus нинг метициллинга чидамли штаммлари (MRSA) ва Enterococcus spp. энтерококклари, микобактериялар. 

Мотилин рецепторлари агонисти ҳисобланади. Қорин бўйнининг қисқариш амплитудасининг ортиши ва антрал-дуоденал координациянинг яхшилашиши ҳисобига меъда ичидагисининг чиқарилишини тезлаштиради, прокинетик хусусиятларга эга. 

 

 

Сут ёки сут маҳсулотлари билан қабул қилиш мумкин эмас. Кўплаб клиник тадқиқотларда эритромициннинг антрал ва дуоденал прокинетик самараси исботлаб берилган. 

Айрим чидамли штаммлар  Haemophilus  influenzae,эритромицина  ва сульфаниламидлар тенг кабул килганда сезгир бўладилар. Буйрак ва жигар етишмовчилиги, ҳамда кекса беморларда ототоксик  таъсир ривожланиш  эҳтимолли баландроқ.

Сийдикда катехоламин ва қондаги "жигар" трансаминаз  фаоллиги аниқлашга халақит беради  ( колориметрик аниқлаш дифенилгидразина ёрдамида ).

Жигар ва/ёки буйрак етишмовчилиги бўлган пациентларда эҳтиёткорлик билан қўлланилсин.

Узоқ муддат даволанганда жигар фаолиятининг лаборатория кўрсаткичларини назоратини амалга ошириш лозим.

Холестатик сариқлик даволаш бошланганидан кейин бир неча кундан сўнг ривожланиши мумкин, лекин ривожланиш хавфи 7-14 кун узулуксиз даволашдан кейин ошади.

Болалар ва 14 ёшгача бўлган ўсмирларда қўллаш мумкин эмас. 

Эритромицинни ҳомиладорликда фақатгина она учун кутилаётган фойда ҳомила учун потенциал хафдан устун келгандагина қўллаш мумкин. 

Кўкрак сутига кириши туфайли, эритромицинни лактация даврида қўллаш мумкин эмас, қўлланган ҳолатда эмизишдан тутилиш лозим. 

Препаратни қўллаш транспорт воситаларини бошқариш ҳамда диққатни жамлашни талаб этувчи машина ва механизмларга хизмат кўрсатишга таъсир кўрсатмайди.

 

 

Буйрак найчалари серециясини блокловчи препаратлар эритромициннинг Т 1/2 узайтиради.

Линкомицин, клиндамицин ва хлорамфеникол билан номутаносиб (антагонизм).

Бета-лактам антибиотикларининг (пенициллинлар, цефалоспоринлар, карбопенемларнинг) бактерицид таъсирини пасайтиради. 

Теофиллин концентрациясини оширади.  

Метаболизми жигарда цитохром Р450 тизими орқали амалга ошадиган препаратлар билан бир вақтда қабул қилинганда (карбамазепин, вальпроек кислотаси, гексорбитал, фенитоин, альфентонил, дизопирамид, ловастатин, бромокриптин), препаратларни қон плазмасидаги  концентрацияси ошиши мумкин (жигарни микросоматик ферментларини ингибитори хисобланади). Циклоспориннинг нефротоксиклигини кучайтиради (айниқса ёндош буйрак етишмовчилиги бўлган беморларда). 

Триазолам ва мидазоламнинг клиренсини пасайтиради, шу боисдан бензодиазепинларнинг фармакологик самарасини кучайтириши мумкин.

Терфенадин ёки астемизол билан бир вақтда қабул қилинганда, аритмия ривожланиши мумкин (юрак қоринчаларининг милтиллаши ва дукиллаши, ҳатто ўлим ҳолатигача борувчи юрак қоринчалари тахикардияси), дигидроэрготамин ёки шохкуянинг гидрирланмаган алкалоидлари билан бир вақтда қўлланганида – қон томирларини спазмгача торайиши, дизестзиялар кузатилиши мумкин

Метилпреднизолон, фелодипин ва кумарин қатори антикоагулянтларини чиқарилишини секинлаштиради (таъсирини кучайтиради).

Ловастатин, симвастатин ва бошқа статинлар билан биргаликда буюрилганда рабдомиолизни ривожланишини кучайтиради.

Дигоксиннинг биокираолишлигини оширади.

Гормонал контрацепциянинг самарасини пасайтиради.

 

 

Симптомлари: хатто ўткир жигар етишмовчилигигача ривожланувчи жигар фаолиятини бузилиши, эшитишни йўқолиши. 

Даволаш: фаоллаштирилган кўмирни буюриш, нафас тизимининг ҳолатини синчиклаб назорат қилиш. (зарур бўлганда – ўпка сунъий вентиляциясини ўтказиш, кислота-асос ҳолати ва электролитлар алмашинуви, электрокардиограммани назорат қилиш талаб этилади).  Меъдани ювиш ўртача терапевтик дозадан беш марта катта доза қабул қилинганида самаралидир. Гемодиализ, перитонеал диализ, жадаллаштирилган диурез самарасиздир.