1 vaginal kapsula tarkibida faol modda fentykonazol nitrat 600 mg yoki 1000 mg. Yordamchi moddalari: suyuq parafin, oq vazelin, soya lecitini.

vulvovaginal kandidoz,
vaginal trixomoniaz.

Preparat tarkibiy qismlariga yuqori sezuvchanlik. Preparat hayz ko‘rish davrida buyurilmaydi.

Intravaginal qo'llash uchun (Kattalar: 1 kapsula 600 mg yoki 1000 mg chuqur qin ichiga yotgan holda, uxlashdan oldin bir marta qo'llaniladi. Zarur bo'lsa, 3 kundan so'ng takroriy qo'llash mumkin. Trichomonas vaginalis sababli infeksiyalarni davolashda 600 mg yoki 1000 mg kapsulani 24 soatdan so'ng takroriy qo'llash mumkin.

Enzofen tavsiya etilgan dozalarda qo‘llanganda preparat deyarli so‘rilmaydi, shuning uchun tizimli ta’sirlar istisno qilinadi. Mahalliy yuborilgandan so‘ng biroz vaqtinchalik qizarish yoki kuydiruvchi his paydo bo‘lishi mumkin.

Quyida keltirilgan nojo‘ya reaksiyalar chastotasi quyidagicha aniqlangan: juda kam (<1/10000).

Teri va teri osti yog‘ to‘qimasi tomonidan: juda kam – eritema, qichishish, toshma.

Jinsiy a’zolar va sut bezlari tomonidan: juda kam – yuborilgan joyda kuydiruvchi his.

Dori vositasi ro‘yxatdan o‘tkazilgandan keyin shubhali nojo‘ya reaksiyalar haqida xabar berish muhimdir. Agar bemorda dori vositasiga jiddiy nojo‘ya reaksiya aniqlansa yoki ushbu bo‘limda tavsiflanmagan yangi nojo‘ya reaksiya paydo bo‘lsa, bu haqda Milliy farmakonadzor tizimiga muvofiq xabar berishingizni so‘raymiz.

Enzofen – keng ta'sir doirasiga ega bo‘lgan zamburug‘larga qarshi preparat bo‘lib, dermatofitlarga (barcha Trichophyton, Microsporum, Epidermophyton turlari), Candida albicans, shuningdek, teri va shilliq qavatlarning boshqa zamburug‘li infeksiyalariga nisbatan yuqori fungistatik va fungitsid faollikka ega. Fentikonazol gram-musbat mikroorganizmlarga qarshi antibakterial va Trichomonas vaginalis ga qarshi antiparazitar ta'sir ko‘rsatadi.

Preparat o‘zining zamburug‘larga qarshi faolligini Candida albicans ning kislota proteazasi inhibatsiyasi, qobiqning shikastlanishi va sitoxromoksidaza hamda peroksidazani bloklash orqali namoyon qiladi.

Fentikonazol deyarli tizimli so‘rilishga uchramaydi, uzoq muddatli vaginal qo‘llashda uning qon zardobidagi konsentratsiyasi aniqlanmaydi. Shilliq qavatlar orqali so‘rilish darajasi nihoyatda past.

Preparat tarkibiga kiruvchi ba'zi yordamchi moddalar (paragidroksibenzoatlar) allergik reaksiyalarni keltirib chiqarishi mumkin. Sensibilizatsiya yoki allergik reaksiya rivojlangan taqdirda davolash to'xtatilishi kerak.

Bemor quyidagi hollarda shifokoriga murojaat qilishi tavsiya etiladi:

- agar bir hafta davomida yaxshilanish bo'lmasa;

- simptomlar qayta paydo bo'lsa (so'nggi 6 oy ichida 2 martadan ko'p infeksiya);

- jinsiy yo'l bilan yuqadigan infeksiyalar (JYBI) tarixi bo'lsa yoki hamkorida JYBI mavjud bo'lsa;

- bemorning yoshi 16 yoshdan kichik yoki 60 yoshdan katta bo'lsa;

- imidazol yoki boshqa vaginal zamburug'larga qarshi preparatlarga ma'lum yuqori sezuvchanlik bo'lsa;

- har qanday g'ayritabiiy yoki muntazam bo'lmagan vaginal qon ketishi bo'lsa;

- har qanday qonli vaginal ajralmalar bo'lsa;

- har qanday vulvovaginal ochiq teri shikastlanishlari, yaralar yoki buloz shikastlanishlar bo'lsa;

- preparat qo'llanilishi bilan bog'liq har qanday pastki qorin sohasida og'riq yoki dizuriya bo'lsa;

- davolash bilan bog'liq har qanday nojo'ya reaksiyalar, masalan, eritema, qichishish yoki toshma bo'lsa.

Vaginal kapsulalar to'siq kontratseptiv vositalar bilan birga qo'llanilmasligi kerak.

Homiladorlik va emizish davrida fentinikonazol faqat shifokor nazorati ostida qo'llanilishi kerak.

Homilador ayollarda fentinikonazol qo'llanilishi bo'yicha ma'lumotlar cheklangan. Hayvonlarda o'tkazilgan tadqiqotlarda teratogen ta'sir aniqlanmagan, embriotoksik va fetotoksik ta'sir faqat juda yuqori peroral dozalar kiritilganda kuzatilgan. Intravaginal qo'llanilganda fentinikonazolning tizimli ta'siri past bo'lishi kutiladi. Homiladorlik davrida fentinikonazol shifokor nazorati ostida qo'llanilishi kerak.

Hayvonlarda peroral fentinikonazol kiritilganda preparat va/yoki uning metabolitlari sut bilan ajralishi aniqlangan. Hatto Enzofenning intravaginal qo'llanilishi natijasida fentinikonazol va/yoki uning metabolitlari sut bilan ajralishini ko'rsatuvchi ma'lumotlar mavjud bo'lmasa ham, bolaga xavf istisno qilinmaydi. Laktatsiya davrida fentinikonazol shifokor nazorati ostida qo'llanilishi kerak.

16 yoshgacha bo'lgan bolalarda fentinikonazolning xavfsizligi va samaradorligi aniqlanmagan. 16 yoshdan katta bolalar uchun tavsiya etilgan doza kattalar uchun bo'lgani kabi.

Preparat avtotransport boshqarish va diqqatni yuqori jamlashni talab qiluvchi potensial xavfli faoliyat turlari bilan shug'ullanish qobiliyatiga ta'sir qilmaydi.