1 flakon tarkibida: faol modda: Bacillus clausii sporalar, antibiotiklarga polirezistent - 2 milliard; yordamchi modda: propilenglikol, tozalangan glitserin, natriy metilparaben, natriy propilparaben, tozalangan suv.

ichak mikroflorasining buzilishlari va natijaviy endogen (ikkilamchi) avitaminozni (ichakda vitaminlarning so‘rilishi va o‘zlashtirilishi buzilishi natijasida) davolash va oldini olish; antibiotiklar yoki kimyoviy terapiya natijasida o‘zgargan ichak mikroflorasini tiklash bo‘yicha davolash; kattalar va bolalarda, shu jumladan emizikli yoshda, oziq-ovqat zaharlanishi yoki ichak mikroflorasining buzilishi va avitaminoz bilan bog‘liq o‘tkir yoki surunkali me’da-ichak buzilishlari (shu jumladan infeksion, bakteriyalar yoki viruslar sababli); turli kasalliklar, shu jumladan ovqat hazm qilish tizimi zararlanishi (oshqozon va o‘n ikki barmoqli ichak yara kasalligi, pankreatit, xolesistit, surunkali jigar va o‘t yo‘llari kasalliklari va boshqalar) bilan kechuvchi ichak disbakteriozini davolash.

Preparatning faol moddasiga yoki har qanday yordamchi moddasiga yuqori sezuvchanlik.

Ushbu dori vositasi faqat og‘iz orqali qabul qilish uchun mo‘ljallangan. In'ektsiya tarzida yoki boshqa biron-bir usulda yuborish mumkin emas. Kattalar uchun: kuniga 2-3 flakon, agar davolovchi shifokor boshqacha buyurmagan bo‘lsa. Preparatning bir martalik dozasini (1 flakon) qabul qilish orasidagi tavsiya etilgan interval 3-4 soatni tashkil etadi. Chaqaloqlar (28 kundan boshlab) va kichik hamda katta yoshdagi bolalar uchun: kuniga 1-2 flakon, agar davolovchi shifokor boshqacha buyurmagan bo‘lsa. Agar preparatning sutkalik dozasi kuniga 1 flakonni tashkil etsa, preparat 1 marta (1 flakon to‘liq) qabul qilinadi. Agar sutkalik doza 1 flakondan oshsa, preparatning bir martalik dozasini (1 flakon) qabul qilish orasidagi tavsiya etilgan interval 3-4 soatni tashkil etadi. Davolash davomiyligi shifokor tomonidan individual tarzda belgilanadi. Qo‘llash ko‘rsatmasiga qarab quyidagi davolash davomiyligi tavsiya etiladi: Davolash davomiyligi 5-7 kun: antibiotiklar bilan davolash vaqtida va antibiotiklar bilan davolash tugaganidan keyin 1 haftagacha o‘zgargan ichak mikroflorasini tiklash uchun yordamchi davolash; kattalar va bolalarda, shu jumladan chaqaloqlarda, o‘tkir me’da-ichak buzilishlarini (shu jumladan bakteriyalar yoki viruslar sababli yuzaga kelgan infeksion) davolash; ichak mikroflorasi buzilishlari va natijaviy endogen (ikkilamchi) avitaminozni (ichakda vitaminlarning so‘rilishi va o‘zlashtirilishi buzilishi natijasida) davolash va oldini olish. Davolash davomiyligi 30 kungacha: turli kasalliklar kechishida, shu jumladan ovqat hazm qilish tizimi zararlanishi (oshqozon va o‘n ikki barmoqli ichak yara kasalligi, pankreatit, xolesistit, surunkali jigar va o‘t yo‘llari kasalliklari va boshqalar) bilan kechadigan ichak disbakteriozini asosiy davolashga yordamchi vosita sifatida davolash. Qo‘llash usuli 1 flakonni flakonlar lentasidan ajrating. Flakonni chayqatib oling. Flakonning yuqori qismini soat strelkasi bo‘ylab burab, uni ajrating. Flakon tarkibini suv yoki boshqa ichimliklarda (masalan: sut, choy, apelsin sharbati) eritib ichiladi. Preparatni qabul qilish oralig‘i 3-4 soat. Dori vositasi suspenziya ifloslanishining oldini olish uchun darhol ishlatilishi kerak.

Postmarketing tajribasi davomida gipersensitivlik reaksiyalari, jumladan toshma, eshakemi va angionevrotik shish haqida xabar berilgan.

Farmakodinamiка Entaksinorm ichakning odatiy yashovchisi bo‘lgan Bacillus clausii sporalaridan iborat preparat bo‘lib, patogen ta’sir ko‘rsatmaydi. Og‘iz orqali qabul qilinganda Bacillus clausii sporalarining kimyoviy va fizik moddalarga yuqori chidamliligi tufayli ular me’da shirasining kislota to‘sig‘idan o‘tib, butun holda ichak traktiga yetib boradi va u yerda metabolik jihatdan faol vegetativ hujayralarga aylanadi. Bacillus clausii ta’siri natijasida Entaksinorm dori vositasini qo‘llash turli omillar ta’sirida buzilgan ichak mikroflorasini tiklashga yordam beradi. Bacillus clausii turli xil vitaminlar, xususan, B guruhi vitaminlarini ishlab chiqarishga ham qodir bo‘lgani uchun Entaksinorm organizmda antibiotiklar va umuman kimyoterapiya natijasida yuzaga kelgan vitamin muvozanati buzilishini normallashtirishga yordam beradi. Entaksinorm Bacillus clausii ning metabolik ta’siri bilan chambarchas bog‘liq bo‘lgan noaniq antigen va antitoksik effektga erishish imkonini beradi. Bundan tashqari, Bacillus clausii ning antibiotiklarga yuqori darajadagi sun’iy hosil qilingan geterogen chidamliligi antibiotiklar, ayniqsa, keng ta’sir doirasiga ega bo‘lganlarni qo‘llash natijasida ichak mikroflorasi buzilishining oldini olish yoki ichak mikroflorasi muvozanatini tiklash uchun terapevtik asosni ta’minlaydi. Ushbu antibiotiklarga chidamlilik tufayli Entaksinormni antibiotiklarning ikki dozasi orasida qo‘llash mumkin. Preparat penitsillinlarga (agar beta-laktamaza ingibitorlari bilan birga bo‘lmasa), sefalosporinlarga (ko‘pchilik hollarda qisman chidamlilik), tetratsiklinlarga, makrolidlarga, aminoglikozidlarga (gentamitsin va amikatsindan tashqari), xloramfenikol, tiamfenikol, linkomitsin, klindamitsin, izoniazid, sikloserin, novobiotsin, rifampitsin, nalidiks kislota va pipemid kislota (oraliq chidamlilik) hamda metronidazolga nisbatan chidamlilikka ega. Farmakokinetika Entaksinorm preparati kimyoviy modda emas, balki oshqozon-ichak traktida qolishi kerak bo‘lgan bakteriya sporalaridan iborat bo‘lgani sababli, so‘rilish, taqsimlanish, metabolizm va chiqarilish (ADME tadqiqotlari) bo‘yicha tadqiqotlar o‘tkazish zarurati yo‘q.

Boshqa preparatlar bilan bir vaqtda qabul qilinganda ma’lum dori vositalari o‘zaro ta’siri aniqlanmagan.

Flakonlarda ko‘rinadigan qo‘shimchalar mavjud bo‘lishi Bacillus clausii sporlarining agregatlari bilan bog‘liq, shuning uchun bu preparatning o‘zgarishiga dalolat bermaydi. Qo‘llashdan oldin flakonni chayqatib oling. Ushbu preparat tseliakiya (yoki glyuten kasalligi) bo‘lgan bemorlarda qo‘llash uchun qarshi ko‘rsatma emas. Agar Entaksinorm antibiotikoterapiya kursi davomida qo‘llanilsa, preparatni antibiotikning ikki ketma-ket dozasi orasida (masalan: antibakterial preparatni qabul qilgandan 2-3 soat o‘tib) qabul qilish tavsiya etiladi. Ushbu preparat faqat og‘iz orqali qabul qilish uchun mo‘ljallangan. Inyeksion yoki boshqa har qanday yuborish yo‘li taqiqlanadi, chunki og‘ir anafilaktik reaksiyalar, masalan, anafilaktik shok xavfi yuqori. Agar klinik holat yomonlashsa yoki davolash boshlanganidan 2-3 kun o‘tgach yaxshilanish bo‘lmasa va quyidagi simptomlar paydo bo‘lsa: isitma, qusish, najasda qon yoki shilliq, kuchli chanqoq, og‘iz qurishi, bemor o‘z davolovchi shifokoriga murojaat qilishi kerak. Homiladorlik va laktatsiya davri Preparat homiladorlik va emizish davrida qo‘llash uchun qarshi ko‘rsatma emas. Avtomobil va murakkab mexanizmlarni boshqarish qobiliyatiga ta’siri Preparat transport vositalari va boshqa mexanizmlarni boshqarish uchun zarur bo‘lgan qobiliyatlarga ta’sir qilmaydi.

Hozirgi vaqtgacha dozani oshirib yuborishning klinik namoyonlari haqida xabar berilmagan.