Metronidazolni bir vaqtda quyida sanab o‘tilgan dori vositalari bilan qo‘llash natijasida quyidagi dori vositalari o‘zaro ta’siri kuzatilishi mumkin: Alkogol: disulfiramga o‘xshash reaksiyalar (kayfiyatning yomonlashuvi, psixik tushkunlik va boshqalar). Amiodaron: kardiotoksik ta’sirlar (EKGda – Q-T intervalining uzayishi, “torsades de pointes” tipidagi polimorfik qorinchali taxikardiya, yurak to‘xtashi). Peroral antikoagulyantlar: antikoagulyant ta’sirning kuchayishi (qon ketish rivojlanishining yuqori xavfi). Fenitoin: fenitoin konsentratsiyasining oshishi va metronidazol konsentratsiyasining kamayishi. Fenobarbital: metronidazol konsentratsiyasining kamayishi. Disulfiram: markaziy asab tizimi tomonidan buzilishlar (masalan, psixotik reaksiyalar) mumkin. Tsimetidin: metronidazol va lidokainning klirensini kamayishi va qon plazmasida konsentratsiyasining oshishi mumkin, natijada markaziy asab tizimi va yurak-qon tomir tizimi tomonidan nojo‘ya ta’sirlar rivojlanishi va kuchayishi xavfi. Litiy: litiy toksik ta’sirining kuchayishi xavfi. Astemizol va terfenadin: metronidazol va mikonazol ushbu birikmalarning metabolizmini ingibitsiya qiladi va ularning qon plazmasidagi konsentratsiyasini oshiradi. Ftorurasil: qon plazmasida ftorurasil konsentratsiyasining oshishi va uning toksik ta’siri. Karbamazepin: qon plazmasida karbamazepin konsentratsiyasining oshishi. Tsiklosporin: tsiklosporinning toksik ta’sirining oshishi. Teofillin va prokainamid: qon plazmasida glyukoza va “jigar fermentlari” faolligining oshishi. Mikonazol nitratining so‘rilishi natijasida dori vositalari o‘zaro ta’siri mumkin. Atsenokumarol, anizindon, dikumarol, fenitoin, fenprokumon, varfarin: qon ketish xavfi. Astemizol, tsizaprid, terfenadin: ushbu preparatlarning klirensini kamayishi va konsentratsiyasining oshishi. Fenitoin va fosfenitoin: toksik ta’sirlar xavfi (ataksiya, giperefleksiya, nistagm, tremor). Fentanil: opioid preparatlarning ta’sir davomiyligini oshiradi (MNS, nafas olishni susaytirish). Glimepirid: gipoglikemiya. Karbamazepin: karbamazepin klirensining kamayishi. Oksibutinin: oksibutinin klirensining kamayishi, natijada uning qon plazmasidagi konsentratsiyasi oshadi (og‘iz bo‘shlig‘i shilliq qavatining qurishi, qabziyat, bosh og‘rig‘i). Oksikodon: qon plazmasida oksikodon konsentratsiyasining oshishi, uning klirensining kamayishi. Pimozid: kardiotoksik ta’sirlar (EKGda – Q-T intervalining uzayishi, “torsades de pointes” tipidagi polimorfik qorinchali taxikardiya, yurak to‘xtashi). Tsiklosporin: toksik ta’sirning kuchayishi (buyrak funksiyasining buzilishi, xolestaz, paresteziya). Tolterodin: sitoxrom P450 2D6 izofermenti faolligi pasaygan bemorlarda tolterodin biofoydalanishining oshishi. Trimetreksat: toksik ta’sirning oshishi (suyak ko‘migi bostirilishi, buyrak va jigar funksiyasining pasayishi, OVKTning yara bilan zararlanishi). Antiaritmik preparatlar: lidokain toksikligining oshishi mumkin. Propranolol: lidokain klirensining kamayishi.

Bolalarda qo‘llanilishi Eksagin bokira qizlar va jinsiy yetuklikka yetmagan yosh qizlarda qo‘llanilmasligi kerak. Qariyalar Dozalash tartibi kattalar bemorlarnikiga o‘xshash. Jigar yetishmovchiligi Jigar funksiyasining jiddiy buzilishlarida metronidazolning klirensi kamayishi mumkin. Metronidazolning katta dozalari ensefalopatiya simptomlarini chaqirishi mumkin va shuning uchun jigar ensefalopatiyasi bo‘lgan bemorlarda ehtiyotkorlik bilan qo‘llanilishi kerak. Jigar ensefalopatiyasidan aziyat chekayotgan bemorlarda metronidazolning kunlik dozasini 1/3 gacha kamaytirish kerak. Jigar funksiyasi pasaygan bemorlarda lidokainning yarim chiqarilish davri ikki yoki undan ko‘proq marta oshishi mumkin. Buyrak yetishmovchiligi Buyrak funksiyasining pasayishi lidokainning farmakokinetikasiga ta’sir qilmaydi, biroq metabolitlarning to‘planishiga olib kelishi mumkin. Ushbu xususiyatlarni Eksagin buyrak funksiyasi pasaygan bemorlarga buyurishda hisobga olish zarur. Homiladorlik yoki laktatsiya davrida Homiladorlikning I trimestri tugagandan so‘ng Eksagin shifokor nazorati ostida, kutilayotgan foyda homilaga bo‘lgan potensial xavfdan ustun bo‘lgan hollarda qo‘llanilishi mumkin. Metronidazol ko‘krak sutiga o‘tishi sababli emizishni to‘xtatish kerak. Davolash tugaganidan 24-48 soat o‘tgach emizishni qayta boshlash mumkin. Preparatning transport vositalarini boshqarish yoki potensial xavfli mexanizmlar bilan ishlash qobiliyatiga ta’sir qilish xususiyatlari Eksagin avtomobil boshqarish va mexanizmlar bilan ishlash qobiliyatiga ta’sir qilmaydi.

Metronidazolning 12 g dan ortiq dozasi tasodifan og‘iz orqali qabul qilgan bemorlarga davolash ko‘rsatilishi mumkin. Simptomlar: ko‘ngil aynishi, qusish, qorin og‘rig‘i, diareya, qichishish, og‘izda metall ta’mi, ataksiya, paresteziya, tutqanoq, leyopeniya, siydikning qorayishi. Mikonazol nitratining dozasi oshib ketganda ko‘ngil aynishi, qusish, halqum va og‘izda qurish, anoreksiya, bosh og‘rig‘i, diareya kuzatiladi. Davolash: preparatning katta dozasini tasodifan og‘iz orqali qabul qilganda me’da yuviladi. Zarurat tug‘ilganda simptomatik davolash buyuriladi. Maxsus antidot mavjud emas.