Shamollash va yuqori nafas yo‘llarining infeksion-yallig‘lanish kasalliklari (o‘tkir respirator-virusli infeksiyalar, gripp, o‘tkir rinit, gaymorit, tonzillit, faringit) simptomatik davolash; o‘rtacha yoki kuchsiz ifodalangan og‘riq sindromi (bosh og‘rig‘i, tomoq og‘rig‘i, mialgiya, artralgiya); yuqori nafas yo‘llarining allergik holatlari (aksirish, rinit, rinoreya).

Preparatning har qanday komponentiga yuqori sezuvchanlik, glyukoza-6-fosfatdegidrogenaza genetik yetishmovchiligi, qon tizimi kasalliklari, jigar va/yoki buyrak funksiyasining og‘ir buzilishlari, Jilber sindromi (konstitutsional gipierbilirubinemiya), arterial gipertenziya va yurak ishemik kasalligining og‘ir shakllari, glaukoma, prostata bezi gipertrofiyasi, gipertireozning og‘ir shakllari. Preparatni epilepsiyali bemorlarga ehtiyotkorlik bilan buyuriladi. Boshqa dori vositalari bilan o‘zaro ta’siri. Effekta Flu ni barbituratlar, difenin, karbamazepin, rifampitsin, zidovudin va boshqa jigar mikrosomal fermentlari induktorlari, shuningdek metoklopramid, domperidon va xolestiramin bilan bir vaqtda qo‘llashda uning gepatotoksik ta’siri xavfi oshadi. Effekta Flu ni bilvosita ta’sir qiluvchi antikoagulyantlar (shu jumladan varfarin) bilan birga qo‘llash qon ketishi rivojlanish xavfini oshiradi. Effekta Flu ni MAO ingibitorlari, xolinoblokatorlar, adrenoblokatorlar, shuningdek paratsetamol saqlovchi preparatlar bilan buyurish tavsiya etilmaydi. Preparatni trankvilizatorlar, uyqu dorilari va psixotrop vositalar bilan birga qo‘llash ularning sedativ ta’sirini kuchaytiradi.

Kattalar va 12 yoshdan katta bolalarga 1 kapsuladan kuniga 3 marta buyuriladi. 6 yoshdan 12 yoshgacha bo'lgan bolalarga 1 kapsuladan kuniga 2 marta buyuriladi. Preparat ovqatdan keyin qabul qilinishi kerak. Nojo'ya ta'siri. Preparat tavsiya etilgan dozalarda qo'llanilganda nojo'ya hodisalar kuzatilmaydi.