100 ml eritma tarkibida: faol modda: laktuloza 66,7 g. yordamchi modda: toza suv 100 ml gacha.

Qabziyat: yo'g'on ichakni bo'shatishning fiziologik ritmini tartibga solish; meditsina maqsadlarida najasni yumshatish (gemorroyda, yo'g'on ichak va anal sohada operatsiyadan keyingi holatlarda); kattalarda jigar ensefalopatiyasi: jigar komasi yoki prekomasini davolash va oldini olish.

Galaktozemiya; ichaklar o‘tmasligi, perforatsiyasi yoki me’da-ichak trakti perforatsiyasi xavfi; preparatning har qanday komponentiga yuqori sezuvchanlik; galaktoza yoki fruktozani o‘zlashtira olmaslik, laktaza yetishmovchiligi yoki glyukoza-galaktoza malabsorbsiyasi

Preparat og'iz orqali qabul qilish uchun mo'ljallangan. Laktuloza eritmasini suyultirilgan yoki suyultirilmagan holda qabul qilish mumkin. Qabul qilingan bir martalik doza og'izda ushlab turilmasdan darhol yutib yuborilishi kerak. Barcha dozalash individual tarzda tanlanishi lozim. Agar bir martalik kunlik doza buyurilgan bo'lsa, uni har doim bir vaqtda, masalan, nonushta paytida qabul qilish kerak.

Agar bemor jigar encefalopatiyasini davolashda uzoq vaqt davomida yuqori dozalarni qo'llasa, diareya natijasida suv-elektrolit muvozanatining buzilishi rivojlanishi mumkin. Oziq-ovqat tizimidan kelib chiqadigan buzilishlar Juda tez-tez (≥ 1/10): diareya. Tez-tez (≥ 1/100, <1/10): meteorizm, qorin og'rig'i, qusish, qayt qilish.

Ich ketkazuvchi preparat. Giperosmotik ich ketkazuvchi ta'sir ko'rsatadi, ichak peristaltikasini stimulyatsiya qiladi, fosfatlar va kalsiy tuzlarining so'rilishini yaxshilaydi, ammiak ionlarining chiqarilishiga yordam beradi. Laktuloza yo'g'on ichak ichak florasi tomonidan past molekulyar organik kislotalarga parchalanadi, bu pHning pasayishiga va osmotik bosimning oshishiga olib keladi va natijada ichak tarkibining hajmi ortadi. Ko'rsatilgan effektlar ichak peristaltikasini stimulyatsiya qiladi va najasning konsistensiyasiga ta'sir ko'rsatadi. Natijada yo'g'on ichakning fiziologik bo'shatilish ritmi tiklanadi. Jigar ensefalopatiyasida ta'sir proteolitik bakteriyalarni asidofil bakteriyalar (masalan, laktobakteriyalar) sonining ko'payishi orqali bostirish, yo'g'on ichak tarkibining kislotali bo'lishi hisobiga ammiakning ion shakliga o'tishi, yo'g'on ichakda pHning pasayishi va osmotik effekt natijasida ichak bo'shatilishi, shuningdek, bakterial oqsil sintezi uchun ammiakdan foydalanadigan bakteriyalarni stimulyatsiya qilish orqali azot saqlovchi toksik moddalarning kamayishi bilan bog'liq deb hisoblanadi. Laktuloza prebiotik modda sifatida bifidobakteriyalar va laktobakteriyalar kabi foydali bakteriyalar o'sishini kuchaytiradi, shu bilan birga Clostridium spp. va Escherichia coli kabi potentsial patogen bakteriyalar o'sishini bostirish mumkin bo'ladi, bu esa ichak florasining yanada qulay muvozanatini ta'minlaydi.

Noma'lum kelib chiqishli qorin og'rig'i yuzaga kelganda davolashni boshlashdan oldin yoki bir necha kun davomida terapevtik ta'sir bo'lmasa, bemor shifokor bilan maslahatlashishi kerak. E'tiborga olish kerakki, Dyufalak® preparati oz miqdorda bog'langan shakarlarga (masalan, laktoza, galaktoza, epilaktoza va fruktoza) ega bo'lishi mumkin. Dyufalak® preparatida mavjud bo'lgan qoldiq shakarlar miqdori 5 ml siropda taxminan 0,075 XE ni tashkil qiladi. Qabziyatni davolash uchun tavsiya etilgan dozada qo'llanilganda, shakar miqdori qandli diabetli bemorlar uchun muammo bo'lmasligi kerak. Jigar ensefalopatiyasini davolashda odatda preparatning yuqoriroq dozasi buyuriladi, bu esa qandli diabetli bemorlarga nisbatan hisobga olinishi kerak. Yo'riqnomada tavsiya etilgan dozadan ortiq yoki noto'g'ri qo'llanilganda uzoq muddatli qo'llash diareya va suv-elektrolit muvozanatining buzilishiga olib kelishi mumkin. Bolalarda davolashda ich ketkazuvchi vositalar faqat istisno holatlarda va shifokor nazorati ostida qo'llanilishi kerak. Davolash davomida bo'shatish refleksi buzilishi mumkinligini hisobga olish zarur. Transport vositalarini va diqqatni jamlashni talab qiladigan boshqa mexanizmlarni boshqarish qobiliyatiga ta'siri Dyufalak® preparatini qo'llash avtomobil haydash yoki mexanizmlarni boshqarish qobiliyatiga ta'sir ko'rsatmaydi yoki ahamiyatsiz ta'sir ko'rsatadi.